പോലീസുകാരനെതിരേ വീട്ടമ്മയുടെ പരാതി മനുഷ്യാവകാശ കമ്മീഷന്‍ അന്വേഷിക്കും
Saturday, September 21, 2024 3:23 AM IST
കൊ​ച്ചി: ഭ​ര്‍​ത്താ​വി​ന്‍റെ സ​ഹോ​ദ​ര​നാ​യ സി​വി​ല്‍ പോ​ലീ​സ് ഓ​ഫീ​സ​ര്‍​ക്ക് സ​ഹാ​യ​ക​ര​മാ​യ നി​ല​പാ​ട് സ്വീ​ക​രി​ച്ച് വീ​ട്ട​മ്മ​യ്ക്ക് നീ​തി നി​ഷേ​ധി​ക്കു​ക​യാ​ണെ​ന്ന പ​രാ​തി മ​നു​ഷ്യാ​വ​കാ​ശ ക​മ്മീ​ഷ​ന്‍ നേ​രി​ട്ട് അ​ന്വേ​ഷി​ക്കും. അ​ന്വേ​ഷ​ണ റി​പ്പോ​ര്‍​ട്ട് ര​ണ്ടു മാ​സ​ത്തി​ന​കം സ​മ​ര്‍​പ്പി​ക്ക​ണ​മെ​ന്ന് ക​മ്മീ​ഷ​ന്‍റെ ചീ​ഫ് ഇ​ന്‍​വെ​സ്റ്റി​ഗേ​ഷ​ന്‍ ഓ​ഫീ​സ​ര്‍​ക്കാ​ണ് ക​മ്മീ​ഷ​ന്‍ അം​ഗം വി.​കെ ബീ​നാ​കു​മാ​രി നി​ര്‍​ദേ​ശം ന​ല്‍​കി​യ​ത്.

പ​രാ​തി​ക്കാ​രി​യും ഭ​ര്‍​ത്താ​വും സ​ര്‍​ക്കാ​ര്‍ ഉ​ദ്യോ​ഗ​സ്ഥ​രാ​ണ്. പോ​ലീ​സു​കാ​ര​നാ​യ എ​തി​ര്‍​ക​ക്ഷി ത​ന്നെ​യും ഭ​ര്‍​ത്താ​വി​നെ​യും ക​ള്ള​ക്കേ​സി​ല്‍ കു​ടു​ക്കി ഉ​പ​ദ്ര​വി​ക്കു​ക​യാ​ണെ​ന്നാ​ണ് പ​രാ​തി. പ​രാ​തി​യി​ല്‍ എ​റ​ണാ​കു​ളം റൂ​റ​ല്‍ ജി​ല്ലാ പോ​ലീ​സ് മേ​ധാ​വി​യി​ല്‍ നി​ന്നും ക​മ്മീ​ഷ​ന്‍ റി​പ്പോ​ര്‍​ട്ട് വാ​ങ്ങി. പ​രാ​തി​ക്കാ​രി​യും എ​തി​ര്‍​ക​ക്ഷി​യും ത​മ്മി​ല്‍ കാ​ലാ​കാ​ല​ങ്ങ​ളാ​യി വ​സ്തു​ത​ര്‍​ക്കം നി​ല​നി​ല്‍​ക്കു​ക​യാ​ണെ​ന്ന് റി​പ്പോ​ര്‍​ട്ടി​ല്‍ പ​റ​യു​ന്നു.

എ​തി​ര്‍​ക​ക്ഷി​യു​ടെ ഭാ​ര്യ​യു​ടെ മൊ​ഴി പ്ര​കാ​രം 2022 ഏ​പ്രി​ല്‍ 29ന് ​കു​ന്ന​ത്തു​നാ​ട് പോ​ലീ​സ് കേ​സ് ര​ജി​സ്റ്റ​ര്‍ ചെ​യ്തി​ട്ടു​ണ്ട്. പി​ന്നീ​ട് കേ​സ് തെ​റ്റാ​ണെ​ന്ന് മ​ന​സി​ലാ​ക്കി കോ​ട​തി​യി​ല്‍ അ​ന്തി​മ റി​പ്പോ​ര്‍​ട്ട് ന​ല്‍​കി. 2023 ജൂ​ലൈ 24 ന് ​പ​രാ​തി​ക്കാ​രി​യു​ടെ ഭ​ര്‍​ത്താ​വ് എ​തി​ര്‍​ക​ക്ഷി​യു​ടെ വീ​ട്ടി​ലേ​ക്ക് ടൈ​ല്‍ വ​ലി​ച്ചെ​റി​ഞ്ഞെ​ന്നും റി​പ്പോ​ര്‍​ട്ടി​ല്‍ പ​റ​യു​ന്നു. ഇ​ക്കാ​ര്യം സി​സി​ടി​വി ദൃ​ശ്യ​ങ്ങ​ളി​ല്‍ നി​ന്നു മ​ന​സി​ലാ​ക്കി​യ​തി​ന്‍റെ അ​ടി​സ്ഥാ​ന​ത്തി​ല്‍ പ​രാ​തി​ക്കാ​രി​യു​ടെ ഭ​ര്‍​ത്താ​വി​ന് ക​ര്‍​ശ​ന​മാ​യ താ​ക്കീ​ത് ന​ല്‍​കി​യി​ട്ടു​ണ്ടെ​ന്നും റി​പ്പോ​ര്‍​ട്ടി​ല്‍ പ​റ​യു​ന്നു.

എ​ന്നാ​ല്‍ പോ​ലീ​സു​കാ​ര​നാ​യ എ​തി​ര്‍​ക​ക്ഷി​ക്ക് സ​ഹ​താ​പ​ക​ര​മാ​യ നി​ല​പാ​ടാ​ണ് പോ​ലീ​സ് സ്വീ​ക​രി​ക്കു​ന്ന​തെ​ന്ന് പ​രാ​തി​ക്കാ​രി ക​മ്മീ​ഷ​നെ അ​റി​യി​ച്ചു. പോ​ലീ​സു​കാ​ര​ന്‍ ചെ​യ്യു​ന്ന കാ​ര്യ​ങ്ങ​ള്‍ അ​വ​ഗ​ണി​ച്ച് പ​രാ​തി​ക്കാ​രി​യു​ടെ​യും കു​ടും​ബ​ത്തി​ന്‍റെ​യും പേ​രി​ല്‍ ക​ള്ള​ക്കേ​സെ​ടു​ക്കു​ക​യാ​ണെ​ന്നും പ​രാ​തി​ക്കാ​രി പ​റ​യു​ന്നു. ഈ ​സാ​ഹ​ച​ര്യ​ത്തി​ലാ​ണ് വി​ഷ​യം നേ​രി​ട്ട് അ​ന്വേ​ഷി​ക്കാ​ന്‍ ക​മ്മീ​ഷ​ന്‍ തീ​രു​മാ​നി​ച്ച​ത്.
Copyright @ 2018 , Rashtra Deepika Ltd.