പെ​രി​യാ​ർ തീ​ര​ത്തെ പു​റ​ന്പോ​ക്ക് കൈ​യേ​റി ആ​റ് ഇ​ല​ക്ട്രി​ക് പോ​സ്റ്റു​ക​ൾ സ്ഥാ​പി​ച്ചു
Friday, September 20, 2024 3:36 AM IST
ആ​ലു​വ: ചൂ​ർ​ണി​ക്ക​ര ഗ്രാ​മ​പ​ഞ്ചാ​യ​ത്തി​ൽ പു​റ​മ്പോ​ക്ക് ഭൂ​മി​യി​ൽ സ്വ​കാ​ര്യ വ്യ​ക്തി ആ​റ് ഇ​ല​ക്ട്രി​ക് പോ​സ്റ്റു​ക​ൾ സ്ഥാ​പി​ച്ച​തി​നെ ചൊ​ല്ലി പ​ര​സ്പ​രാ​രോ​പ​ണ​വു​മാ​യി ഭ​ര​ണ​ക​ക്ഷി​യം​ഗ​ങ്ങ​ളും സ​ർ​ക്കാ​ർ വ​കു​പ്പു​ക​ളും. ത​ർ​ക്കം രൂ​ക്ഷ​മാ​യ​തി​നെ തു​ട​ർ​ന്ന് ഇ​ന്ന​ലെ കൈ​യേ​റി​യ ഭൂ​മി ചൂ​ർ​ണി​ക്ക​ര പ​ഞ്ചാ​യ​ത്ത് തു​ണി വ​ച്ച് അ​ട​ച്ചു കെ​ട്ടി.

ഈ ​വി​ഷ​യ​ത്തി​ൽ പ​ഞ്ചാ​യ​ത്ത് നി​ല​പാ​ട് എ​ടു​ക്കാ​നാ​യി ഇ​ന്ന് വൈ​കി​ട്ട് നാ​ലി​ന് അ​ടി​യ​ന്ത​ര ക​മ്മി​റ്റി കൂ​ടു​മെ​ന്ന് പ്ര​സി​ഡ​ന്‍റ് രാ​ജി സ​ന്തോ​ഷ് അ​റി​യി​ച്ചു. റ​വ​ന്യൂ ഭൂ​മി​യി​ൽ വൈ​ദ്യു​തി പോ​സ്റ്റു​ക​ൾ സ്ഥാ​പി​ച്ച​ത് പ​ഞ്ചാ​യ​ത്തി​ന്‍റെ അ​റി​വോ​ടെ​യ​ല്ലെ​ന്നാ​ണ് പ്ര​സി​ഡ​ന്‍റ് രാ​ജി സ​ന്തോ​ഷി​ന്‍റെ നി​ല​പാ​ട്.

ദേ​ശീ​യ​പാ​ത​യി​ൽ ഗാ​രേ​ജി​ന് സ​മീ​പ​മാ​യി കോ​ടി​ക​ൾ വി​ല​മ​തി​ക്കു​ന്ന 40 സെ​ന്‍റ് ഭൂ​മി കൈ​യേ​റി​യാ​ണ് ആ​റ് ഇ​ല​ക്ട്രി​ക് പോ​സ്റ്റു​ക​ൾ സ്ഥാ​പി​ച്ച് വൈ​ദ്യു​തി ക​ണ​ക്ഷ​ൻ എ​ടു​ത്ത​ത്. കെ​എ​സ്ആ​ർ​ടി​സി ഗാ​രേ​ജി​നും ഐ​ശ്വ​ര്യ ന​ഗ​റി​നും ഇ​ട​യി​ലു​ള്ള റോ​ഡ് അ​വ​സാ​നി​ക്കു​ന്ന പെ​രി​യാ​റി​ന്‍റെ തീ​ര​ത്തുമാ​ണ് പ​ട്ടാ​പ്പ​ക​ൽ കൈ​യേ​റ്റം ന​ട​ന്ന​ത്.

എ​ന്നാ​ൽ നി​ർ​ദ്ദി​ഷ്ട സ്ഥ​ലം റ​വ​ന്യൂ വ​കു​പ്പി​ന്‍റേ​താ​ണെ​ന്നും പോ​സ്റ്റു​ക​ൾ സ്ഥാ​പി​ക്കാ​ൻ ആ​ർ​ക്കും അ​നു​മ​തി ന​ൽ​കി​യി​ട്ടി​ല്ലെ​ന്നു​മാ​ണ് ചൂ​ർ​ണി​ക്ക​ര വി​ല്ലേ​ജ് ഓ​ഫീ​സ​ർ അ​മ്പി​ളി പ​റ​യു​ന്ന​ത്. ഈ ​മേ​ഖ​ല​യി​ലെ കാ​ട് പെ​ട്രോ​ൾ ഉ​പ​യോ​ഗി​ച്ച് ക​ഴി​ഞ്ഞ മാ​ർ​ച്ച് 26 ന് ​ക​ത്തി​ച്ചി​രു​ന്നു. അ​ന്ന് ഫ​യ​ർ​ഫോ​ഴ്സ് വ​ന്നാ​ണ് തീ ​കെ​ടു​ത്തി​യ​ത്.

സം​ഭ​വം വി​വാ​ദ​മാ​യ​തോ​ടെ വൈ​ദ്യു​തി ക​ണ​ക്ഷ​ൻ വി​ച്ഛേ​ദി​ച്ച് പ്ര​ശ്ന​ത്തി​ൽ നി​ന്ന് ത​ല​യൂ​രാ​നാ​ണ് കെ​എ​സ്ഇ​ബി​യു​ടെ ശ്ര​മം. അ​പേ​ക്ഷ​ൻ സ​മ​ർ​പ്പി​ച്ച രൂ​പ​രേ​ഖ പ്ര​കാ​ര​മാ​ണ് വൈ​ദ്യു​തി പോ​സ്റ്റു​ക​ൾ ഇ​ട്ട​തെ​ന്നാ​ണ് കെ​എ​സ്ഇ​ബി​യു​ടെ നി​ല​പാ​ട്. ആ​ദ്യം പ​ല​രും വ​ന്ന് ത​ട​ഞ്ഞെ​ങ്കി​ലും അ​ടു​ത്ത ദി​വ​സ​ങ്ങ​ളി​ൽ വ​രാ​ത്ത​തി​നാ​ൽ ക​ണ​ക്ഷ​ൻ ന​ൽ​കി​യെ​ന്ന ന്യാ​യ​മാ​ണ് കെ​എ​സ്ഇ​ബി പ​റ​യു​ന്ന​ത്.

ഇ​തി​നി​ട​യി​ൽ ഭ​ര​ണ​ക​ക്ഷി​യം​ഗ​ങ്ങ​ൾ ത​മ്മി​ലു​ള്ള ത​ർ​ക്കം രൂ​ക്ഷ​മാ​യി​രി​ക്കു​ക​യാ​ണ്. പ​ഞ്ചാ​യ​ത്തി​ലെ ഭ​ര​ണ നേ​തൃ​ത്വം ഒ​ത്താ​ശ ചെ​യ്ത് 40 സെ​ന്‍റ് ഭൂ​മി അ​ന്യാ​ധീ​ന​പ്പെ​ടു​ത്തി​യി​രി​ക്കു​ക​യാ​ണെ​ന്നാ​ണ് വാ​ർ​ഡം​ഗം റൂ​ബി ജി​ജി ആ​രോ​പി​ക്കു​ന്ന​ത്. പ​ഞ്ചാ​യ​ത്ത് സെ​ക്ര​ട്ട​റി, കെ​എ​സ്ഇ​ബി എ​ന്നി​വ​ർ​ക്ക് പ​രാ​തി ന​ൽ​കി​യി​ട്ടും ന​ട​പ​ടി​യൊ​ന്നു​മി​ല്ലെ​ന്നും വാ​ർ​ഡം​ഗം പ​റ​ഞ്ഞു.

ഈ ​വി​ഷ​യം ച​ർ​ച്ച ചെ​യ്യാ​ൻ 25 ന് ​പ​ഞ്ചാ​യ​ത്ത് ക​മ്മ​റ്റി വി​ളി​ച്ചി​രു​ന്നെ​ങ്കി​ലും വി​വാ​ദ​മാ​യ​തോ​ടെ ഇ​ന്ന് അ​ടി​യ​ന്തി​ര ക​മ്മി​റ്റി കൂ​ടി പ്ര​ശ്നം പ​രി​ഹ​രി​ക്കാ​നാ​ണ് ചൂ​ർ​ണി​ക്ക​ര പ​ഞ്ചാ​യ​ത്ത് ഭ​ര​ണ​സ​മി​തി​യു​ടെ നീ​ക്കം. ഇ​തി​നി​ട​യി​ൽ പ​ഞ്ചാ​യ​ത്ത് വാ​ർ​ഡം​ങ്ങ​ൾ കൈ​യേ​റ്റ​ക്കാ​ര​നു​മാ​യി ഒ​ത്തു​തീ​ർ​പ്പ് ശ്ര​മം ന​ട​ത്തു​ന്ന വീ​ഡി​യോ പു​റ​ത്തു​വി​ടു​മെ​ന്ന ഭീ​ഷ​ണി​യും ഉ​യ​ർ​ന്നി​ട്ടു​ണ്ട്.
Copyright @ 2018 , Rashtra Deepika Ltd.