കുറുപ്പന്തറ: കുറുപ്പന്തറ സെന്‍റ് സേവ്യേഴ്സ് സ്കൂൾ ഹയർ സെക്കൻഡറി സ്കൂൾ എൻഎസ്എസ് യൂണിറ്റിന്‍റെ ആഭിമുഖ്യത്തിൽ ഗാന്ധിജയന്തിയോടനുബന്ധിച്ച് സ്വച്ഛതാ ഹി സേവയുടെ ഭാഗമായി കുറുപ്പന്തറ റെയിൽവേ സ്റ്റേഷൻ ശുചീകരിച്ചു. സ്റ്റേഷൻമാസ്റ്റർ രാജു അഗസ്റ്റ്യൻ ശുചീകരണ പരിപാടി ഉദ്ഘാടനം ചെയ്തു.
പ്രിൻസിപ്പൽ അനൂപ് കെ. സെബാസ്റ്റ്യൻ, പ്രോഗ്രാം ഓഫീസർ കെ.ജെ. സോജൻ, അധ്യാപകൻ ടോം കെ.മാത്യു , കുറുപ്പന്തറ റെയിൽവേ സ്റ്റേഷനിലെ ജീവനക്കാർ തുടങ്ങിയവർ സംബന്ധിച്ചു.
കടുത്തുരുത്തി: രാഷ്‌ട്ര പിതാവ് മഹാത്മാഗാന്ധിയുടെയും മുന്‍ ഇന്ത്യന്‍ പ്രധാനമന്ത്രി ലാല്‍ ബഹാദൂര്‍ ശാസ്ത്രിയുടെയും ജന്മദിനം കടുത്തുരുത്തി കോണ്‍ഗ്രസ് ബ്ലോക്ക് കമ്മിറ്റിയുടെ നേത്യത്വത്തില്‍ കടുത്തുരുത്തിയില്‍ ആചരിച്ചു.
ബ്ലോക്ക് പ്രസിഡന്‍റ് ജെയിംസ് പുല്ലാപ്പള്ളില്‍ അധ്യക്ഷത വഹിച്ചു.എം.എന്‍. ദിവാകരന്‍നായര്‍, എം.കെ. സാംബുജി, ടോമി പ്രാലടിയില്‍, എന്‍.സി. ജോസഫ് നൂറോക്കരി, മധു എബ്രാഹം, എം.കെ. ഇന്ദുചൂഡന്‍, ജോയ് ചാക്കോ, ടോമി കലമറ്റം, കെ.പി. വിനോദ്, ടോമി പൊട്ടംകുഴി, കെ.കെ ശശാങ്കന്‍, കുര്യാക്കോസ് വടക്കെഓലിത്തടം, ടോമി നിരപ്പേല്‍, നോബി മുണ്ടക്കയ്ല്‍, ജെറി കണിയാംപറമ്പില്‍, ജോണി പാലയ്ക്കപ്പറമ്പില്‍ തുടങ്ങിയവര്‍ പങ്കെടുത്തു
ഞീഴൂര്‍: ഗാന്ധിജയന്തി ദിനത്തില്‍ ഞീഴൂര്‍ ഒരുമ ചാരിറ്റബിള്‍ സൊസൈറ്റിയുടെ നേതൃത്വത്തില്‍ റോഡും പരിസരവും ശുചീകരിച്ചു. ഞീഴൂര്‍ പഞ്ചായത്ത് ഓഫീസ് മുതല്‍ ആയുര്‍വേദ ആശുപത്രി വരെ റോഡിന്‍റെ ഇരുവശവും കൊച്ചുതോടും വൃത്തിയാക്കി. ഒരുമയുടെ എഴുപതോളം പ്രവര്‍ത്തകരാണ് ശുചീകരണ പ്രവര്‍ത്തനത്തില്‍ പങ്കാളികളായത്.
ഒരുമ പ്രസിഡന്‍റ് കെ.കെ. ജോസ് പ്രകാശ്, പ്രവര്‍ത്തകരായ ഷാജി അഖില്‍ നിവാസ്, ജോയ് മയിലംവേലി, എം.പ്രസാദ്, സുധര്‍മിണി ജോസ് പ്രകാശ്, കെ.കെ. രാജി, ശിവന്‍ കൂരാപ്പള്ളി, ദിലീപ് പ്രണവം, എ.കെ. രവി, സിന്‍ജാ ഷാജി, ശ്രുതി സന്തോഷ് തുടങ്ങിയവര്‍ പങ്കെടുത്തു.
വെച്ചൂർ: വെച്ചൂർ പഞ്ചായത്തിന്‍റെ ആഭിമുഖ്യത്തിൽ ഗാന്ധി ജയന്തി സമുചിതമായി ആചരിച്ചു. പഞ്ചായത്ത് അങ്കണത്തിൽ സ്ഥാപിച്ച ഗാന്ധി പ്രതിമയിൽ പ്രസിഡൻ്റ് കെ.ആർ. ഷൈല കുമാർ ഗാന്ധി ഹാരാർപ്പണം നടത്തിയതോടെ ആചരണത്തിന് തുടക്കമായി. വൈസ് പ്രസിഡന്‍റ് ബിൻസി ജോസഫിന്‍റെ അധ്യക്ഷതയിൽ നടന്ന അനുസ്മരണ യോഗം പ്രസിഡന്‍റ് കെ.ആർ. ഷൈല കുമാർ ഉദ്ഘാടനം ചെയ്തു.
യോഗത്തിൽ പങ്കെടുത്ത മുഴുവൻ വിദ്യാർഥികൾക്കും ഗാന്ധിജിയുടെ ആത്മകഥ എന്‍റെ സത്യാന്വേഷണ പരിക്ഷണങ്ങൾ വിതരണം ചെയ്തു.
ഗാന്ധി ദർശൻ സമിതി സംസ്ഥാന വൈസ് പ്രസിഡന്‍റ് ഇ.എൻ. ഹർഷകുമാർ ഗാന്ധി അനുസ്മരണ ശുചിത്വ സന്ദേശം നൽകി. പി.കെ. മണിലാൽ, ആൻസി തങ്കച്ചൻ, ബിന്ദു രാജു, സ്വപ്ന മനോജ്, പങ്കജം, ശ്യാമപ്രിയ, പി.ജി. ഷാജി, ശശി മറ്റം തുടങ്ങിയവർ പ്രസംഗിച്ചു.
മുട്ടുചിറ: ഗാന്ധിജയന്തി ദിനത്തോടനുബന്ധിച്ചു മുട്ടുചിറ ടൗണില്‍ കേരള കോണ്‍ഗ്രസ് പ്രവര്‍ത്തകര്‍ ശുചീകരണ പ്രവര്‍ത്തനം നടത്തി. കേരള കോണ്‍ഗ്രസ് കടുത്തുരുത്തി മണ്ഡലം പ്രസിഡന്‍റ് ജോണി കണിവേലില്‍, വാര്‍ഡ് പ്രസിഡന്‍റ് പി.വി. ജോര്‍ജ് പന്തിരുപറയില്‍, ജോസ്‌മോന്‍ മാളിയേക്കല്‍, മണ്ഡലം ഭാരവാഹികളായ ജോയി പന്തിരുപറ, ഓനച്ചന്‍ കണിവേലില്‍, ബാബു മാറ്റക്കോട്ടില്‍, ജോര്‍ജ് ആലപ്പാട്ട്, പി.കെ. ദേവദാസ്, സാബു മടത്തിക്കുന്നേല്‍, പി.സി. സാജന്‍ എന്നിവര്‍ ശുചികരണ പ്രവര്‍ത്തനങ്ങളില്‍ പങ്കെടുത്തു.
കടുത്തുരുത്തി: ഇരവിമംഗലം ടാഗോര്‍ പബ്ലിക് ലൈബ്രറിയും ജനകീയ സൊസൈറ്റിയും സംയുക്തമായി ഗാന്ധിജയന്തി ദിനാചരണം നടത്തി. ലൈബ്രറി പ്രസിഡന്‍റ് പി.യു. ജോസഫ് അധ്യക്ഷത വഹിച്ചു. സെക്രട്ടറി എം.കെ. തങ്കപ്പന്‍, സൊസൈറ്റി പ്രസിഡന്‍റ് കെ.സി. ജോസഫ് എന്നിവര്‍ പ്രസംഗിച്ചു. തുടര്‍ന്ന് ഇരവിമംഗലം-അപ്പന്‍കവല-കക്കത്തുമല റോഡിലെ കുഴികളടച്ച് റോഡ് സഞ്ചാരയോഗ്യമാക്കി.
വെള്ളൂർ: കേരള പ്രദേശ് മഹിളാ കോൺഗ്രസ് വെള്ളൂർ മണ്ഡലം കമ്മറ്റിയുടെ നേതൃത്വത്തിൽ ഗാന്ധി ജയന്തി ആഘോഷം നടത്തി. മണ്ഡലം പ്രസിഡന്‍റ് സിന്ധു ബിനോയിയുടെ അധ്യക്ഷതയിൽ നടന്ന യോഗം സംസ്ഥാന സെക്രട്ടറി വിജയമ്മ ബാബു ഉദ്ഘാടനം ചെയ്തു. ബ്ലോക്ക് പ്രസിഡന്‍റ് കുമാരി കരുണാകരൻ, കുര്യാക്കോസ് തോട്ടത്തിൽ , ഷാന്റി സനൽ,എം.ആർ. ഷാജി , സി.ജി.ബിനു, രാധാ കരുണാകരൻ, വത്സമ്മ ജോസഫ് , സുരഭി ഷൈൻ , അമ്മിണി പ്രകാശ് തുടങ്ങിയവർ പ്രസംഗിച്ചു.
വൈക്കം: വൈക്കം ടൗൺ മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ ഗാന്ധി ജയന്തി ആഘോഷിച്ചു. മണ്ഡലം കോൺഗ്രസ് പ്രസിഡന്‍റ് സോണി സണ്ണി അധ്യക്ഷത വഹിച്ച യോഗം ഡിസിസി ജനറൽ സെക്രട്ടറി അബ്ദുൽസലാം റാവുത്തർ ഉദ്ഘാടനം ചെയ്തു. ഡിസിസി ജനറൽ സെക്രട്ടറി എ. സനീഷ് കുമാർ, കെ. പി. ശിവജി, എം.ടി. അനിൽകുമാർ,പി. എൻ. കിഷോർകുമാർ, കെ. ബാബുരാജ്,പ്രീത രാജേഷ്, പി. ടി. സുഭാഷ് തുടങ്ങിയവർ പ്രസംഗിച്ചു.