ഹ​ണി​ട്രാ​പ്പിലൂടെ ബ്ലാ​ക്ക് മെ​യി​ലിം​ഗ്: മം​ഗ​ളൂരു വ്യ​വ​സാ​യി പു​ഴ​യി​ൽ മ​രി​ച്ച നി​ല​യി​ൽ
Tuesday, October 8, 2024 8:27 AM IST
മം​ഗ​ളൂ​രു: ഹ​ണി​ട്രാ​പ്പി​ൽ പെ​ടു​ത്തി ബ്ലാ​ക്ക് മെ​യി​ലിം​ഗി​ന് വി​ധേ​യ​നാ​യ മം​ഗ​ളൂ​രു​വി​ലെ വ്യ​വ​സാ​യി​യെ പു​ഴ​യി​ൽ മ​രി​ച്ച നി​ല​യി​ൽ ക​ണ്ടെ​ത്തി. വ്യ​വ​സാ​യ പ്ര​മു​ഖ​നും മി​സ്ബാ​ഹ് വി​ദ്യാ​ഭ്യാ​സ​സ്ഥാ​പ​ന​ങ്ങ​ളു​ടെ ചെ​യ​ർ​മാ​നു​മാ​യ മും​താ​സ് അ​ലി​യു​ടെ (52) മൃ​ത​ദേ​ഹ​മാ​ണ് കു​ളൂ​രി​നു സ​മീ​പം ഫാ​ൽ​ഗു​നി ന​ദി​യി​ൽ ക​ണ്ടെ​ത്തി​യ​ത്. മു​ൻ എം​എ​ൽ​എ​യും കോ​ൺ​ഗ്ര​സ് നേ​താ​വു​മാ​യി​രു​ന്ന മൊ​ഹി​യു​ദ്ദീ​ൻ ബാ​വ​യു​ടെ സ​ഹോ​ദ​ര​നാ​ണ്.

ഞാ​യ​റാ​ഴ്ച പു​ല​ർ​ച്ചെ മൂ​ന്നു​മൂ​ന്നോ​ടെ​യാ​ണ് അ​ലി വീ​ട്ടി​ൽ നി​ന്നി​റ​ങ്ങി​യ​ത്. ഇ​ദ്ദേ​ഹ​ത്തി​ന്‍റെ കാ​ർ പി​ന്നീ​ട് കു​ളൂ​ർ പാ​ല​ത്തി​ന് സ​മീ​പം അ​പ​ക​ട​ത്തി​ൽ​പെ​ട്ട നി​ല​യി​ൽ ക​ണ്ടെ​ത്തി​യി​രു​ന്നു. മു​ങ്ങ​ൽ വി​ദ​ഗ്ധ​ൻ ഈ​ശ്വ​ർ മ​ൽ​പേ ഉ​ൾ​പ്പെ​ടെ​യു​ള്ള​വ​ർ ഒ​രു​ദി​വ​സം മു​ഴു​വ​ൻ ന​ട​ത്തി​യ തെ​ര​ച്ചി​ലി​നൊ​ടു​വി​ൽ ഇ​ന്ന​ലെ രാ​വി​ലെ​യാ​ണ് പു​ഴ​യി​ൽ​നി​ന്ന് മൃ​ത​ദേ​ഹം ക​ണ്ടെ​ടു​ത്ത​ത്.

യാ​ത്രാ​മ​ധ്യേ കാ​ർ ഒ​രു ബ​സി​ൽ ഇ​ടി​ച്ചി​രു​ന്ന​താ​യും ബ​സ് ഡ്രൈ​വ​റോ​ട് ക്ഷ​മാ​പ​ണം ന​ട​ത്തി​യ​ശേ​ഷം മും​താ​സ് അ​ലി വീ​ണ്ടും കാ​ർ തി​രി​ച്ച് കു​ളൂ​ർ പാ​ല​ത്തി​നു സ​മീ​പ​ത്തേ​ക്ക് പോ​വു​ക​യാ​യി​രു​ന്നു​വെ​ന്നും ഇ​തി​നി​ടെ ക​ണ്ടെ​ത്തി​യി​രു​ന്നു. താ​ൻ ക​ടു​ത്ത മാ​ന​സി​ക പീ​ഡ​ന​ങ്ങ​ൾ അ​നു​ഭ​വി​ക്കു​ക​യാ​ണെ​ന്നും എ​ല്ലാം അ​വ​സാ​നി​പ്പി​ക്കു​ക​യാ​ണെ​ന്നും പ​റ​ഞ്ഞു​കൊ​ണ്ട് അ​ലി ത​ന്‍റെ മ​ക​ൾ​ക്കും ഒ​രു സു​ഹൃ​ത്തി​നും വാ​ട്സാ​പ്പി​ൽ അ​യ​ച്ച ശ​ബ്ദ​സ​ന്ദേ​ശ​ങ്ങ​ളും പോ​ലീ​സി​ന് ല​ഭി​ച്ചി​രു​ന്നു. സം​ഘ​ത്തി​ൽ ഉ​ൾ​പ്പെ​ട്ട ആ​ളു​ക​ളു​ടെ പേ​രു​ക​ളും ഇ​തി​ൽ പ​റ​ഞ്ഞി​ട്ടു​ണ്ട്.

മും​താ​സ് അ​ലി​യു​ടെ മ​റ്റൊ​രു സ​ഹോ​ദ​ര​ൻ ഹൈ​ദ​ർ അ​ലി ന​ല്കി​യ പ​രാ​തി​യി​ൽ റ​ഹ്മ​ത്ത്, അ​ബ്ദു​ൽ സ​ത്താ​ർ, ഷാ​ഫി, മു​സ്ത​ഫ, ഷു​ഹൈ​ബ്, സി​റാ​ജ് എ​ന്നി​ങ്ങ​നെ ആ​റു​പേ​ർ​ക്കെ​തി​രെ പോ​ലീ​സ് കേ​സെ​ടു​ത്തു. റ​ഹ്മ​ത്ത് ഉ​ൾ​പ്പെ​ട്ട ഒ​രു വീ​ഡി​യോ ഉ​പ​യോ​ഗി​ച്ച് ഈ ​സം​ഘം നാ​ളു​ക​ളാ​യി മും​താ​സ് അ​ലി​യെ ബ്ലാ​ക്ക് മെ​യി​ൽ ചെ​യ്യു​ക​യാ​യി​രു​ന്നു​വെ​ന്ന് കു​ടും​ബം ആ​രോ​പി​ച്ചു. ഇ​വ​ർ മും​താ​സ് അ​ലി​യി​ൽ​നി​ന്ന് 50 ല​ക്ഷം രൂ​പ ത​ട്ടി​യെ​ടു​ത്തി​രു​ന്ന​താ​യും വീ​ണ്ടും പ​ണം ആ​വ​ശ്യ​പ്പെ​ട്ട് ബ്ലാ​ക്ക് മെ​യി​ൽ ചെ​യ്യു​ക​യാ​യി​രു​ന്നു​വെ​ന്നും പ​രാ​തി​യി​ൽ പ​റ​യു​ന്നു. ഇ​വ​ർ​ക്കാ​യി അ​ന്വേ​ഷ​ണം ന​ട​ത്തു​ക​യാ​ണെ​ന്ന് സി​റ്റി പോ​ലീ​സ് ക​മ്മീ​ഷ​ണ​ർ അ​നു​പം അ​ഗ​ർ​വാ​ൾ പ​ത്ര​സ​മ്മേ​ള​ന​ത്തി​ൽ അ​റി​യി​ച്ചു.
Copyright @ 2018 , Rashtra Deepika Ltd.