കോണ്‍ഗ്രസ് ആശയം പ്രചരിപ്പിക്കാൻ സന്ദീപിനെ മുന്നിൽ നിർത്തും: സതീശൻ : Deepika.com Kerala News |

Click here for detailed news of all items

കോണ്‍ഗ്രസ് ആശയം പ്രചരിപ്പിക്കാൻ സന്ദീപിനെ മുന്നിൽ നിർത്തും: സതീശൻ

Sunday, November 17, 2024 1:53 AM IST

പാലക്കാട്: ബിജെപി വിട്ട് കോണ്‍ഗ്രസിൽ ചേർന്ന സന്ദീപ് വാര്യരെ ഹൃദയപൂർവം സ്വാഗതം ചെയ്യുന്നുവെന്ന് പ്രതിപക്ഷനേതാവ് വി.ഡി. സതീശൻ. ഒരു രാഷ്‌ട്രീയ പ്രസ്ഥാനമെന്ന നിലയിൽ കോണ്‍ഗ്രസ് ആവേശത്തോടെ സന്ദീപ് വാര്യരെ സ്വീകരിക്കുന്നുവെന്നും അദ്ദേഹം പറഞ്ഞു.

പ്രത്യയശാസ്ത്രത്തിലെ വ്യത്യാസം കാരണമാണ് സന്ദീപ് വാര്യർ കോണ്‍ഗ്രസിലേക്കു വന്നത്. വെറുപ്പിന്‍റെ കടവിട്ട് അദ്ദേഹം സ്നേഹത്തിന്‍റെ കടയിലേക്കു വരുന്നു.

ഭിന്നിപ്പും വിഭജനവുമുണ്ടാക്കാൻവേണ്ടി മനുഷ്യരെ തമ്മിൽ ശത്രുക്കളാക്കുന്ന പ്രത്യയശാസ്ത്രം ഉപേക്ഷിച്ച് സ്നേഹത്തിന്‍റെ പ്രത്യയശാസ്ത്രത്തിലേക്ക് ഒരാൾ വന്നു. കോണ്‍ഗ്രസിന്‍റെ ഐഡിയോളജി പ്രചരിപ്പിക്കാൻ സന്ദീപ് വാര്യരെ മുന്നിൽ‌ നിർത്തുമെന്നും സതീശൻ പറഞ്ഞു.

പാലക്കാട്ട് എൽഡിഎഫ് സ്ഥാനാർഥി പി. സരിൻ പാർട്ടി‌വിട്ടുപോയതിനു സമാനരീതിയിലല്ല സന്ദീപ് വാര്യർ കോണ്‍ഗ്രസിലേക്കു വന്നത്. സീറ്റിനുവേണ്ടിയല്ല സന്ദീപ് വന്നതെന്നും പ്രത്യയശാസ്ത്രവ്യത്യാസമാണ് പാർട്ടിമാറ്റത്തിന്‍റെ കാരണമെന്നും വി.ഡി. സതീശൻ കൂട്ടിച്ചേർത്തു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.