ചെമ്പന്തൊട്ടി സെന്‍റ് ജോർജ് പള്ളിയിൽ സാമൂഹ്യവിരുദ്ധരുടെ അതിക്രമം : Deepika.com Kerala News |

Click here for detailed news of all items

ചെമ്പന്തൊട്ടി സെന്‍റ് ജോർജ് പള്ളിയിൽ സാമൂഹ്യവിരുദ്ധരുടെ അതിക്രമം

Saturday, November 16, 2024 1:05 AM IST

ചെമ്പന്തൊട്ടി(കണ്ണൂർ): ചെമ്പന്തൊട്ടി സെന്‍റ് ജോർജ് ഫൊറോന പള്ളിയിൽ സാമൂഹ്യവിരുദ്ധർ അതിക്രമം നടത്തിയ സംഭവത്തിൽ സമഗ്ര അന്വേഷണം നടത്തണമെന്ന് ഇടവക ഭരണസമിതി.

ഇക്കഴിഞ്ഞ 11 മുതൽ 14 വരെ ചെമ്പന്തൊട്ടി സെന്‍റ് ജോർജ് ഹൈസ്കൂളിലും ചെറുപുഷ്പം യുപി സ്കൂളിലുമായി ഇരിക്കൂർ സബ്ജില്ലാ കലോത്സവം നടന്നിരുന്നു. ഇതിനിടെ 13ന് ചെമ്പന്തൊട്ടി പള്ളിയുടെ പുറത്തുള്ള കുമ്പസാരക്കൂട്ടിൽനിന്നു വൈദികർ ധരിക്കുന്ന കൂദാശാ വസ്ത്രമായ ഊറാറകൾ കാണാതായി.

രണ്ട് ഊറാറ നഷ്ടപ്പെട്ടതിൽ ഒന്ന് 14ന് വൈകുന്നേരം പള്ളിയുടെ സമീപത്തുള്ള ശൗചാലയത്തിൽനിന്നാണ് ലഭിച്ചത്. ഇത് സാമൂഹ്യദ്രോഹികൾ എടുത്തുകൊണ്ടുപോയി ഇട്ടതാണെന്ന് പള്ളി ഭരണസമിതി ആരോപിച്ചു. ഇതിനെതിരേ ശ്രീകണ്ഠപുരം പോലീസിൽ പള്ളി ട്രസ്റ്റി വർഗീസ് നെടിയകാലായിൽ പരാതി നൽകി. കുറ്റക്കാരെ എത്രയും വേഗം കണ്ടെത്തി നടപടി സ്വീകരിക്കണമെന്ന് പരാതിയിൽ ആവശ്യപ്പെട്ടു.

ഊറാറ നശിപ്പിച്ച സാമൂഹ്യദ്രോഹികളുടെ നടപടിയിൽ സജീവ് ജോസഫ് എംഎൽഎ പ്രതിഷേധിച്ചു. കുറ്റക്കാരെ എത്രയും പെട്ടെന്ന് കണ്ടെത്തി നടപടി സ്വീകരിക്കണമെന്ന് അദ്ദേഹം ആവശ്യപ്പെട്ടു.

ബിജെപി ജില്ലാ വൈസ് പ്രസിഡന്‍റ് അജികുമാർ കരിയിലിന്‍റെ നേതൃത്വത്തിൽ നേതാക്കൾ പള്ളിയിലെത്തി ഇടവക വികാരി ഫാ. ആന്‍റണി മഞ്ഞളാങ്കലിനെക്കണ്ട് വിവരങ്ങൾ അന്വേഷിച്ചു. സംഭവത്തിൽ പ്രതിഷേധമറിയിച്ചു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.