ജ്യോതിഷ പണ്ഡിതൻ പൂഞ്ഞാർ മിത്രൻ നന്പൂതിരിപ്പാട് അന്തരിച്ചു : Deepika.com Kerala News |

Click here for detailed news of all items

ജ്യോതിഷ പണ്ഡിതൻ പൂഞ്ഞാർ മിത്രൻ നന്പൂതിരിപ്പാട് അന്തരിച്ചു

Sunday, November 17, 2024 1:53 AM IST

തിരുവനന്തപുരം: ജ്യോതിഷ പണ്ഡിതൻ പൂഞ്ഞാർ മിത്രൻ നന്പൂതിരിപ്പാട് (96) അന്തരിച്ചു. ഇന്നലെ ഉച്ചയ്ക്ക് രണ്ടിന് തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം.

നെട്ടയം മണികണ്ഠേശ്വരത്തുള്ള മകളുടെ വസതിയിൽനിന്നു മൃതദേഹം ഇന്നു പുലർച്ചെ ജന്മനാടായ തൃപ്പൂണിത്തുറ എരൂരിലെ എളംപ്രക്കോടത്തു മനയിൽ കൊണ്ടുവരും. തുടർന്ന് തറവാട്ടുവളപ്പിൽ സംസ്കരിക്കും.

ഭാര്യ: പൂഞ്ഞാർ കോവിലകത്ത് പരേതയായ ഭവാനിത്തന്പുരാട്ടി. മക്കൾ: മഞ്ജുള വർമ (കാത്തലിക് സിറിയൻ ബാങ്ക്), അജയവർമ രാജ (ഏഷ്യാനെറ്റ്), രഞ്ജിനി വർമ. മരുമക്കൾ: മോഹനവർമ (പാലിയേക്കര കൊട്ടാരം, തിരുവല്ല), രസികാവർമ (പൂക്കോട്ടു മഠം, ഇടപ്പള്ളി), ശിവപ്രസാദ് വർമ (റിട്ട. എഫ്ആർസിടി, കൊടുങ്ങല്ലൂർ കോവിലകം).

പ്രമുഖരുടെ ജ്യോതിഷ ഉപദേഷ്ടാവായിരുന്നു മിത്രൻ നന്പൂതിരിപ്പാട് . സിനിമ, സാഹിത്യ,രാഷ്ട്രീയ രംഗത്തുള്ള പ്രമുഖർ മിത്രൻ നന്പൂതിരിപ്പാടിന്‍റെ സന്ദർശകരായിരുന്നു. സ്വദേശം തൃപ്പൂണിത്തുറയായിരുന്നുവെങ്കിലും പൂഞ്ഞാർ കാഞ്ഞിരമറ്റം കൊട്ടാരത്തിലെ ഭവാനി തന്പുരാട്ടിയെ 1956ൽ വിവാഹം കഴിച്ചതോടെ പൂഞ്ഞാറ്റിലായിരുന്നു താമസം.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.