2001-02 സീസണിനുശേഷം പ്രീമിയർ ലീഗിലേക്കു തിരിച്ചെത്തി ഇപ്സ്വിച്ച് ടൗണിനെ എവേ പോരാട്ടത്തിൽ ലിവർപൂൾ 2-0നു കീഴടക്കി. ഗോൾ രഹിതമായ ആദ്യപകുതിക്കുശേഷം ഡീഗോ ജോട്ട (60’), മുഹമ്മദ് സല (65’) എന്നിവരായിരുന്നു ലിവർപൂളിന്‍റെ ഗോൾനേട്ടക്കാർ.
ജോട്ടയുടെ ഗോളിന് അസിസ്റ്റ് നടത്തിയത് സലയായിരുന്നു. ഇതോടെ ലിവർപൂളിനായി 350 മത്സരങ്ങളിൽനിന്ന് 300 ഗോൾ പങ്കാളിത്തം (212 ഗോളും 88 അസിസ്റ്റും) എന്ന നേട്ടത്തിൽ ഈജിപ്ഷ്യൻ താരമായ സലയെത്തി.
ഡച്ച് ക്ലബ്ബായ ഫെയ്നൂർദിൽനിന്നായിരുന്നു സ്ലോട്ട് ലിവർപൂൾ മാനേജർ സ്ഥാനത്തെത്തിയത്. കഴിഞ്ഞ 33 വർഷത്തിനിടെ പ്രീമിയർ ലീഗ് സീസണിലെ ആദ്യമത്സരത്തിൽ ലിവർപൂളിനെ ജയത്തിലെത്തിക്കുന്ന ആദ്യ പരിശീലകൻ എന്ന നേട്ടത്തിനും നാൽപ്പത്തഞ്ചുകാരനായ ആർനെ സ്ലോട്ട് അർഹനായി.
മറ്റു മത്സരങ്ങളിൽ ആഴ്സണൽ 2-0ന് വൂൾവ്സിനെയും ബ്രൈറ്റൺ 3-0ന് എവർട്ടണിനെയും ന്യൂകാസിൽ 1-0ന് സതാംപ്ടണിനെയും തോൽപ്പിച്ചു.
100 ഇംഗ്ലീഷ് ഒന്നാം ഡിവിഷൻ ഫുട്ബോളിൽ മാഞ്ചസ്റ്റർ യുണൈറ്റഡ് എഫ്സിയുടെ 100-ാം സീസനാണ് 2024-25. ഈ നേട്ടത്തിലെത്തുന്ന അഞ്ചാമതു ടീമാണ് മാഞ്ചസ്റ്റർ യുണൈറ്റഡ്. എവർട്ടണ്‍, ആസ്റ്റണ്‍ വില്ല, ലിവർപൂൾ, ആഴ്സണൽ ക്ലബ്ബുകളാണ് മുന്പ് ഈ നേട്ടം സ്വന്തമാക്കിയത്.