ചെ​ന്നൈ: 2023 ഐ​സി​സി ഏ​ക​ദി​ന ക്രി​ക്ക​റ്റ് ലോ​ക​ക​പ്പി​ൽ തു​ട​ർ​ച്ച​യാ​യ മൂ​ന്നാം ജ​യം സ്വ​ന്ത​മാ​ക്കാ​ൻ കി​വി​ക​ൾ ക​ള​ത്തി​ൽ. ബം​ഗ്ലാ​ദേ​ശി​നെ​തി​രേ​യാ​ണ് ഇ​ന്ന് ന്യൂ​സി​ല​ൻ​ഡി​ന്‍റെ പോ​രാ​ട്ടം. ചെ​ന്നൈ എം.​എ. ചി​ദം​ബ​രം സ്റ്റേ​ഡി​യ​ത്തി​ൽ ഉ​ച്ച​ക​ഴി​ഞ്ഞ് 2.00ന് ​മ​ത്സ​രം ആ​രം​ഭി​ക്കും.

ഇ​ന്ത്യ x ഓ​സ്ട്രേ​ലി​യ ചെ​റി​യ സ്കോ​ർ പോ​രാ​ട്ട​മാ​യി​രു​ന്നു ചി​ദം​ബ​രം സ്റ്റേ​ഡി​യ​ത്തി​ൽ അ​വ​സാ​നം ന​ട​ന്ന​ത്. സ്പി​ന്ന​ർ​മാ​ർ​മാരെ സ​ഹാ​യി​ക്കു​ന്ന സ്വ​ഭാ​വ​മാ​ണ് ചി​ദം​ബ​രം സ്റ്റേ​ഡി​യ​ത്തി​ലെ പി​ച്ചി​നു​ള്ള​ത്. അ​തേ​സ​മ​യം, ബാ​റ്റ​ർ​മാ​ർ​ക്ക് അ​നു​കൂ​ല ഘ​ട​ക​വും ഉ​ണ്ട്.

തു​ട​ർ​ച്ച​യാ​യ മൂ​ന്നാം ജ​യ​ത്തോ​ടെ പോ​യി​ന്‍റ് പ​ട്ടി​ക​യു​ടെ ത​ല​പ്പ​ത്ത് തു​ട​രു​ക​യാ​ണ് കി​വീ​സി​ന്‍റെ ല​ക്ഷ്യം, ഒ​പ്പം സെ​മി ഫൈ​ന​ലി​ലേ​ക്ക് ഒ​രു പ​ടി​കൂ​ടി അ​ടു​ക്കു​ക​യും. എ​ന്നാ​ൽ, ഇം​ഗ്ല​ണ്ടി​നെ​തി​രാ​യ 137 റ​ണ്‍സ് തോ​ൽ​വി​ക്കു​ ശേ​ഷ​മാ​ണ് ബം​ഗ്ലാ​ദേ​ശ് എ​ത്തു​ന്ന​ത്. ത​ങ്ങ​ളു​ടെ ആ​ദ്യ മ​ത്സ​ര​ത്തി​ൽ ബം​ഗ്ലാ​ദേ​ശ് ആ​റ് വി​ക്ക​റ്റി​ന് അ​ഫ്ഗാ​നി​സ്ഥാ​നെ കീ​ഴ​ട​ക്കി​യി​രു​ന്നു.

കെ​യ്ൻ പെ​യി​ൻ


ന്യൂ​സി​ല​ൻ​ഡ് ക്യാ​പ്റ്റ​ൻ കെ​യ്ൻ വി​ല്യം​സ​ണ്‍ ഇ​ന്ന് ടീ​മി​നൊ​പ്പം ക​ള​ത്തി​ൽ തി​രി​ച്ചെ​ത്തും. വി​ല്യം​സ​ണി​ന്‍റെ അ​ഭാ​വ​ത്തി​ൽ ഇ​ന്ത്യ​ൻ വം​ശ​ജ​നാ​യ ര​ചി​ൻ ര​വീ​ന്ദ്ര​യാ​യി​രു​ന്നു ന്യൂ​സി​ല​ൻ​ഡി​നാ​യി മൂ​ന്നാം ന​ന്പ​റി​ൽ ബാ​റ്റ് ചെ​യ്ത​ത്.

ഇം​ഗ്ല​ണ്ടി​നെ​തി​രാ​യ ആ​ദ്യമ​ത്സ​ര​ത്തി​ൽ സെ​ഞ്ചു​റി​യും (123*) നെ​ത​ർ​ല​ൻ​ഡ്സി​നെ​തി​രാ​യ ര​ണ്ടാം മ​ത്സ​ര​ത്തി​ൽ അ​ർ​ധ​സെ​ഞ്ചു​റി​യും (51) ര​ചി​ൻ സ്വ​ന്ത​മാ​ക്കി. ര​ണ്ട് മ​ത്സ​ര​ത്തി​ലും ഓ​രോ വി​ക്ക​റ്റും ര​ചി​ൻ നേ​ടി. വി​ല്യം​സ​ണ്‍ തി​രി​ച്ചെ​ത്തു​ന്പോ​ൾ ര​ചി​ൻ പു​റ​ത്തി​രി​ക്കേ​ണ്ടി​വ​രു​മോ എ​ന്ന് ഇ​ന്ന​റി​യാം.

പേ​സ​ർ ടിം ​സൗ​ത്തി​യും ന്യൂ​സി​ല​ൻ​ഡ് പ്ലേ​യിം​ഗ് ഇ​ല​വ​നി​ൽ തി​രി​ച്ചെ​ത്താ​നു​ള്ള ത​യാ​റെ​ടു​പ്പി​ലാ​ണ്.

ഐ​പി​എ​ൽ ട്വന്‍റി-20 ക്രിക്കറ്റിൽ ചെ​ന്നൈ സൂ​പ്പ​ർ കിം​ഗ്സ് താ​ര​മാ​യ ന്യൂ​സി​ല​ൻ​ഡി​ന്‍റെ മി​ച്ച​ൽ സാ​ന്‍റ്ന​റി​ന് ഇ​വി​ടു​ത്തെ സാ​ഹ​ച​ര്യ​ങ്ങ​ൾ സു​പ​രി​ചി​തം. സാ​ന്‍റ്ന​റി​ന്‍റെ ഹോം ​എ​വേ ഫ്രം ​ഹോം ചെ​ന്നൈ​യാ​ണെ​ന്നാ​ണ് ന്യൂ​സി​ല​ൻ​ഡി​ന്‍റെ ഡാ​രെ​ൽ മി​ച്ച​ലി​ന്‍റെ അ​ഭി​പ്രാ​യം.