2019 ൽ ജോലിയിലുണ്ടായിരുന്ന സ്ത്രീകളിൽ പകുതിയോളം പേർക്കും തൊട്ടടുത്ത വർഷം തൊഴിൽനഷ്ടമായതായും റിപ്പോർട്ട് വിലയിരുത്തുന്നു.
വളർച്ചാ അവസരങ്ങൾ കുറവുള്ള കൃഷി, നിർമാണം തുടങ്ങിയ മേഖലകളിലാണ് സ്ത്രീകൾ കൂടുതലായും ജോലി ചെയ്യുന്നത്. അവിദഗ്ധ തൊഴിലുകളിൽ പുരുഷന്മാരേക്കാൾ കുറവാണ് സ്ത്രീകളുടെ വരുമാനം.
കോവിഡ് -19 ഈ പ്രശ്നങ്ങൾ കൂടുതൽ സങ്കീർണമാക്കി. വരുമാനനഷ്ടം ഉണ്ടായതോടെ വീണ്ടും തൊഴിൽരംഗത്തേക്കു കടക്കാൻ ഗ്രാമീണമേഖലയിലെ സ്ത്രീകൾ നിർബന്ധിതരായി.
തൊഴിൽ മേഖലയിൽ സ്ത്രീകളുടെ പങ്കാളിത്തം ഉയർത്തുന്നതിനു റിപ്പോർട്ടിലുള്ള പ്രധാന നിർദേശമാണ് ഡിജിറ്റൽ കൊമേഴ്സ് ഇൻഫ്രാസ്ട്രക്ചർ വഴിയുള്ള സംരംഭകത്വ അവസരങ്ങൾ കൂടുതലാക്കുകയെന്നത്.