കെ.ജി. അനില്‍കുമാറിനെ ആദരിച്ചു
Friday, June 7, 2024 1:27 AM IST
കൊച്ചി: ലാറ്റിന്‍ അമേരിക്കന്‍ ട്രേഡ് കൗണ്‍സിലിന്‍റെ 33 രാജ്യങ്ങളുടെ ഗുഡ്‌വിൽ അംബാസഡറായി തെരഞ്ഞെടുക്കപ്പെട്ട ഐസിഎല്‍ ഫിന്‍കോര്‍പ് ചെയര്‍മാന്‍ അഡ്വ. കെ.ജി. അനില്‍കുമാറിനെ ബിഷപ് മാര്‍ പോളി കണ്ണൂക്കാടന്‍ ആദരിച്ചു. അഡ്വ. അനില്‍കുമാറിന് ലഭിച്ച അംഗീകാരം ഇരിങ്ങാലക്കുടയ്ക്കാകെ അഭിമാനമെന്ന് അദ്ദേഹം പറഞ്ഞു.
ഇരിങ്ങാലക്കുടയുടെ നാനമുഖമായ വികസനത്തിന് വ്യത്യസ്തങ്ങളായ തലങ്ങളില്‍ നിറഞ്ഞുനില്‍ക്കുന്ന വ്യക്തിത്വമാണ് അനില്‍ കുമാറെന്നും ബിഷപ് പറഞ്ഞു. പൊന്നാടയും ഉപഹാരവും ബിഷപ് കൈമാറി. ഇരിങ്ങാലക്കുട കൂടല്‍മാണിക്യം ദേവസ്വം ചെയര്‍മാന്‍ കെ.എ. ഗോപി അഡ്വ. അനില്‍കുമാറിന് പൊന്നാട നല്‍കി ആദരം സമര്‍പ്പിച്ചു.