ജിവി എഐ സ്റ്റാര്‍ട്ടപ്പ് ഒന്നാമത്
Friday, May 31, 2024 11:35 PM IST
കൊച്ചി: മെഡിക്കല്‍ മേഖലയ്ക്കു മാത്രമായി വികസിപ്പിച്ച ലാര്‍ജ് ലാംഗ്വേജ് മോഡലായ (എല്‍എല്‍എം) ജിവി മെഡ്എക്സ്, ഓപ്പണ്‍ മെഡിക്കല്‍ എല്‍എല്‍എം ലീഡര്‍ ബോര്‍ഡ് ലോക റാങ്കിംഗില്‍ ഒന്നാമത്.
ഓപ്പണ്‍ എഐയുടെ ജിപിടി-4 ഗൂഗിളിന്‍റെ മെഡ്-പാം2 എന്നിവയെ പിന്നിലാക്കിയാണ് ഇന്ത്യന്‍ ആരോഗ്യമേഖലയിലെ സ്റ്റാര്‍ട്ടപ്പായ ജിവിയുടെ മുന്നേറ്റം. സ്കോര്‍ ബോര്‍ഡിലെ ഒന്പത് വിഭാഗങ്ങളിലും ശരാശരി 91.65 സ്കോര്‍ നേടിയാണ് ജിവി ഒന്നാമതെത്തിയത്.
ഭാരത് പേ ചീഫ് പ്രൊഡക്ട് ഓഫീസര്‍ അങ്കുര്‍ ജെയിന്‍, റെഡ്ഢി വെഞ്ച്വേര്‍സ് ചെയര്‍മാന്‍ ജി.വി. സഞ്ജയ് റെഡ്ഢി എന്നിവരാണ് ജിവിയുടെ സ്ഥാപകര്‍.