സാ​ൻ ഫ്രാ​ൻ​സി​സ്കോ: ര​ണ്ടു ത​വ​ണ ഓ​സ്ക​ർ പു​ര​സ്കാ​രം സ്വ​ന്ത​മാ​ക്കി​യ ഹോ​ളി​വു​ഡ് ന​ട​ൻ ജീ​ൻ ഹാക്മാ​നെ​യും (95) പി​യാ​നി​സ്റ്റാ​യ ഭാ​ര്യ ബെ​റ്റ്സി അ​ര​ക്കാ​വ​യെ​യും (64) മ​രി​ച്ച നി​ല​യി​ൽ ക​ണ്ടെ​ത്തി.

ബു​ധ​നാ​ഴ്ച ഉ​ച്ച​യ്ക്ക് ന്യൂ​മെ​ക്സി​ക്കോ സം​സ്ഥാ​ന​ത്തെ സാ​ന്ത ഫേ ​ന​ഗ​ര​ത്തി​ലെ വ​സ​തി​യി​ലാ​ണു മൃ​ത​ദേ​ഹ​ങ്ങ​ൾ ക​ണ്ടെ​ത്തി​യ​തെ​ന്നു പോ​ലീ​സ് അ​റി​യി​ച്ചു. മ​ര​ണ​കാ​ര​ണം വ്യ​ക്ത​മ​ല്ല. ഇ​വ​രു​ടെ നാ​യ​യു​ടെ ജ​ഡ​വും അ​ടു​ത്തു​ണ്ടാ​യി​രു​ന്നു. അ​ന്വേ​ഷ​ണം പു​രോ​ഗ​മി​ക്കു​ക​യാ​ണെ​ന്നും പു​റ​ത്തു​നി​ന്നു​ള്ള ഇ​ട​പെ​ട​ൽ ഇ​ല്ലെ​ന്നാ​ണു പ്രാ​ഥ​മി​ക നി​ഗ​മ​ന​മെ​ന്നും പോ​ലീ​സ് അ​റി​യി​ച്ചു.

1930ൽ ​ക​ലി​ഫോ​ർ​ണി​യ​യി​ലെ സാ​ൻ ബെ​ർ​ണാ​ർ​ഡി​നോ​യി​ലാ​ണ് ഹാ​ക്മാ​ൻ ജ​നി​ച്ച​ത്. 16-ാം വ​യ​സി​ൽ പ്രാ​യം മ​റ​ച്ചു​വ​ച്ച് മ​റീ​ൻ കോ​റി​ൽ ചേ​ർ​ന്നു. നാ​ല​ര​വ​ർ​ഷ​ത്തെ സൈ​നി​കസേ​വ​ന​ത്തി​നു​ശേ​ഷം തി​രി​ച്ചെ​ത്തി ന്യൂ​യോ​ർ​ക്കി​ൽ ജേ​ർ​ണ​ലി​സം പ​ഠ​ന​വും ജോ​ലി​യു​മാ​യി ക​ഴി​യു​ന്ന​തി​നി​ടെ അ​ഭി​ന​യ​മോ​ഹ​വു​മാ​യി ക​ലി​ഫോ​ർ​ണി​യ​യി​ൽ തി​രി​ച്ചെ​ത്തു​ക​യാ​യി​രു​ന്നു. വി​ഖ്യാ​ത ന​ട​ൻ ഡ​സ്റ്റി​ൻ ഹോ​ഫ്മാ​ൻ അ​ട​ക്ക​മു​ള്ള​വ​രു​മാ​യി സൗ​ഹൃ​ദ​മു​ണ്ടാ​ക്കി​യ ഹാ​ക്മാ​ൻ ആ​റു പ​തി​റ്റാ​ണ്ടു നീ​ണ്ട അ​ഭി​ന​യ​ജീ​വി​ത​ത്തി​നി​ടെ നൂ​റോ​ളം വേ​ഷ​ങ്ങ​ൾ അ​വ​ത​രി​പ്പി​ച്ചു.


1971ൽ ​പു​റ​ത്തി​റ​ങ്ങി​യ ‘ദ ​ഫ്ര​ഞ്ച് ക​ണ​ക്‌ഷൻ’ എ​ന്ന ത്രി​ല്ല​ർ സി​നി​മ​യി​ലെ ജി​മ്മി ഡോ​യ​ൽ (പോ​പ്പോ​യ് ) എ​ന്ന ഡി​റ്റ​ക്റ്റീ​വ് വേ​ഷ​ത്തി​ന് മി​ക​ച്ച ന​ട​നു​ള്ള ഓ​സ്ക​ർ ല​ഭി​ച്ചു. 1992ൽ ​ക്ലി​ന്‍റ് ഈ​സ്റ്റ്‌​വു​ഡി​ന്‍റെ ‘അ​ൺ​ഫോ​ർ​ഗി​വ​ൻ’ എ​ന്ന ചി​ത്ര​ത്തി​ലെ ലി​റ്റി​ൽ ബി​ൽ ഡാ​ഗ​റ്റ് എ​ന്ന ഷെ​രീ​ഫി​ന്‍റെ വേ​ഷ​ത്തി​ന് മി​ക​ച്ച സ​ഹ​ന​ട​നു​ള്ള ഓ​സ്ക​റും ലഭിച്ചു. ര​ണ്ട് ബാ​ഫ്റ്റ, നാ​ലു ഗോ​ൾ​ഡ​ൻ ഗ്ലോ​ബ് അ​വാ​ർ​ഡു​ക​ളും നേ​ടി​യി​ട്ടു​ണ്ട്.

ക്രി​സ്റ്റ​ഫ​ർ റീ​വി​ന്‍റെ സൂ​പ്പ​ർ​മാ​ൻ ചി​ത്ര​ങ്ങ​ളി​ലെ സൂ​പ്പ​ർ വി​ല്ല​നാ​യ ലെ​ക്സ് ലൂ​ഥ​റി​നെ അ​വ​ത​രി​പ്പി​ച്ച​ത് ഹാക്മാ​നാ​യി​രു​ന്നു. അ​ൽ​പാ​ച്ചി​നോ പോ​ലു​ള്ള മു​ൻ​നി​ര ന​ട​ന്മാ​രു​ടെ വി​ല്ല​നാ​യും തി​ള​ങ്ങി​യി​ട്ടു​ണ്ട്. 2004 മു​ത​ൽ അ​ഭി​ന​യ​ത്തി​ൽ​നി​ന്ന് പി​ന്മാ​റി​യി​രു​ന്നു.

ര​ണ്ടു ത​വ​ണ വി​വാ​ഹി​ത​നാ​യ ഹാ​ക്മാ​ന് മൂ​ന്നു കു​ട്ടി​ക​ളു​ണ്ട്. 1991ലാ​യി​രു​ന്നു ബെ​റ്റ്സി അ​ര​ക്കാ​വ​യു​മാ​യു​ള്ള വി​വാ​ഹം.