ന്യൂ​യോ​ർ​ക്ക്: ലോ​ക​ത്തി​ലെ ഏ​റ്റ​വും വി​ല​യേ​റി​യ ക​യ്യെ​ഴു​ത്തു​പ്ര​തി​യെ​ന്ന ഖ്യാ​തി ‘കോ​ഡെ​ക്സ് സാ​സൂ​ൺ’ എ​ന്ന യ​ഹൂ​ദ ഹീ​ബ്രൂ ബൈ​ബി​ളി​ന്. 1,100 വ​ർ​ഷം മു​ന്പ് മൃ​ഗ​ത്തോ​ലി​ൽ എ​ഴു​ത​പ്പെ​ട്ട ഇ​ത് ന്യൂ​യോ​ർ​ക്കി​ൽ ന​ട​ന്ന ലേ​ല​ത്തി​ൽ വി​റ്റു​പോ​യ​ത് 3.81 കോ​ടി ഡോ​ള​റി​നാ​ണ്.

യ​ഹൂ​ദ ബൈ​ബി​ളി​ലെ എ​ല്ലാ പു​സ്ത​ക​ങ്ങ​ളും ഉ​ൾ​പ്പെ​ടു​ന്ന ഒ​റ്റ കൈ​യെ​ഴു​ത്തു​പ്ര​തി​യാ​ണ് കോ​ഡെ​ക്സ് സാ​സൂ​ൺ. മു​ൻ ഉ​ട​മ​സ്ഥ​നാ​യ ഡേ​വി​ഡ് സോ​ള​മ​ൻ സാ​സൂ​ണി​ൽ​നി​ന്നാ​ണു ഈ ​പേ​രു ല​ഭി​ച്ച​ത്. 12 പേ​ജു​ക​ൾ മാ​ത്ര​മാ​ണ് ഇ​തി​ൽ​നി​ന്നു ന​ഷ്ട​പ്പെ​ട്ടി​ട്ടു​ള്ള​ത്. കാ​ർ​ബ​ൺ ഡേ​റ്റിം​ഗ് പ​രി​ശോ​ധ​ന​യി​ൽ, ബൈ​ബി​ൾ ര​ചി​ക്ക​പ്പെ​ട്ട​ത് എ​ഡി 900-ത്തി​ലാ​ണെ​ന്നു സ്ഥി​രീ​ക​രി​ച്ചി​രു​ന്നു.


റൊ​മാ​നി​യാ​യി​ലെ മു​ൻ അ​മേ​രി​ക്ക​ൻ അം​ബാ​സ​ഡ​റാ​യ ആ​ൽ​ഫ്ര​ഡ് മോ​സ​സ് ഇ​തു വാ​ങ്ങി ടെ​ൽ അ​വീ​വി​ലെ ‘അ​നു മ്യൂ​സി​യം ഓ​ഫ് ജ്യൂ​വി​ഷ് പീ​പ്പി​ളി’​നു സം​ഭാ​വ​ന ചെ​യ്തു.

ലി​യ​നാ​ർ​ഡോ ഡാ ​വി​ഞ്ചി​യു​ടെ ​നോ​ട്ട്ബു​ക്കാ​യ ‘കോ​ഡെ​ക്സ് ലൈ​സെ​സ്റ്റ​റി’​നു​വേ​ണ്ടി മൈ​ക്രോ​സോ​ഫ്റ്റ് സ്ഥാ​പ​ക​ൻ ബി​ൽ ഗേ​റ്റ്സ് 1994ൽ ​മു​ട​ക്കി​യ 3.1 കോ​ടി ഡോ​ള​റി​ന്‍റെ റി​ക്കാ​ർ​ഡാ​ണു മ​റി​ക​ട​ന്ന​ത്.

അ​തേ​സ​മ​യം, അ​മേ​രി​ക്ക​ൻ ഭ​ര​ണ​ഘ​ട​ന​യു​ടെ ആ​ദ്യ​കാ​ല അ​ച്ച​ടി​പ്പ​തി​പ്പ് ര​ണ്ടു വ​ർ​ഷം മു​ന്പ് 4.32 കോ​ടി ഡോ​ള​റി​നു ലേ​ല​ത്തി​ൽ പോ​യി​രു​ന്നു. ഒ​രു ച​രി​ത്ര​രേ​ഖ​യ്ക്കു ല​ഭി​ക്കു​ന്ന ഏ​റ്റ​വും വ​ലി​യ തു​ക​യാ​ണി​ത്.