കൈത്തോക്കുമായി റീൽ ഷൂട്ടിംഗ്; പതിമൂന്നുകാരൻ വെടിയേറ്റു മരിച്ചു
Saturday, November 23, 2024 1:17 AM IST
കോൽക്കത്ത: ബംഗാളിൽ കൈത്തോക്കുമായി റീൽ ഷൂട്ട് ചെയ്യുന്നതിനിടെ തലയ്ക്കു വെടിയേറ്റ് പതിമൂന്നുകാരൻ മരിച്ചു. മാൽദ ജില്ലയിലെ കാളിയചക് മേഖലയിൽ വ്യാഴാഴ്ചയായിരുന്നു അപക‌ടം.
എട്ടാം ക്ലാസ് വിദ്യാർഥിയായ സഫിയുൾ ഇസ്‌ലാം(13) ആണു മരിച്ചത്. വീട്ടിൽവച്ചായിരുന്നു റീൽ ഷൂട്ട് ചെയ്തത്. വെടിയൊച്ച കേട്ട് അയൽക്കാരും കുടുംബാംഗങ്ങളും ഓടിയെത്തി സഫിയുളിനെ ആശുപത്രിയിലെത്തിച്ചെങ്കിലും മരിച്ചു.
കൈത്തോക്ക് എങ്ങനെ വിദ്യാർഥിയുടെ പക്കൽ എത്തിയെന്നതു സംബന്ധിച്ച് പോലീസ് അന്വേഷിച്ചുവരികയാണ്.
സഫിയുളിന്‍റെ സുഹൃത്തായ പ്രായപൂർത്തിയാകാത്ത വിദ്യാർഥിയെ പോലീസ് കസ്റ്റഡിയിലെടുത്തിട്ടുണ്ട്.