ഒമർ ബഡ്ഗാം സീറ്റ് ഒഴിഞ്ഞു
Tuesday, October 22, 2024 2:13 AM IST
ശ്രീനഗർ: രണ്ടു മണ്ഡലങ്ങളിൽ വിജയിച്ച ജമ്മു കാഷ്മീർ മുഖ്യമന്ത്രി ഒമർ അബ്ദുള്ള ബഡ്ഗാം സീറ്റ് ഒഴിഞ്ഞു. ഗന്ദർബാൽ സീറ്റ് നിലനിർത്തി.
ഒമർ ആദ്യമായി മുഖ്യമന്ത്രിയായ 2009-2014 കാലത്ത് ഗന്ദർബാലിനെയാണ് പ്രതിനിധാനം ചെയ്തിരുന്നത്. ബഡ്ഗാം സീറ്റ് ഒമർ ഒഴിഞ്ഞതോടെ നാഷണൽ കോൺഫറൻസിന്റെ അംഗബലം 41 ആയി.
എന്നാൽ, ആറു കോൺഗ്രസ് എംഎൽഎമാരുടെയും അഞ്ചു സ്വതന്ത്രരുടെയും എഎപി, സിപിഎം പാർട്ടികളുടെ ഓരോ അംഗങ്ങളുടെയും പിന്തുണയുള്ള സർക്കാരിനു ഭീഷണിയില്ല.