അ​​നി​​ൽ തോ​​മ​​സ്

ദേ​​ശീ​​യ ഗെ​​യിം​​സി​ൽ ഇ​ന്ന​ലെ നീ​​ന്ത​​ൽ​​ക്കു​​ള​​ത്തി​​ലും സൈ​​ക്ലിം​​ഗ് ട്രാ​​ക്കി​​ലും കേ​​ര​​ള​​ത്തി​​നു വെ​​ള്ളി​​ത്തി​​ള​​ക്കം. 200 മീ​​റ്റ​​ർ വ്യ​​ക്തി​​ഗ​​ത മെ​​ഡ്‌ലെയി​​ൽ സ​​ജ​​ൻ പ്ര​​കാ​​ശും 15 കി​​ലോ​​മീ​​റ്റ​​ർ സ്ക്രാ​​ച്ച് റോ​​ഡ് ഇ​​വ​​ന്‍റി​​ൽ അ​​ദ്വൈ​​ത് ശ​​ങ്ക​​റു​​മാ​​ണ് മെ​​ഡ​​ൽ നേ​​ട്ട​​ക്കാ​​ർ. ഇ​​തോ​​ടെ ആ​​റ് സ്വ​​ർ​​ണ​​വും അ​​ഞ്ച് വെ​​ള്ളി​​യും നാ​​ല് വെ​​ങ്ക​​ല​​വും ഉ​​ൾ​​പ്പെടെ 15 മെ​​ഡ​​ലു​​ക​​ൾ കേ​​ര​​ള​​ത്തി​​ന്‍റെ അ​​ക്കൗ​​ണ്ടി​​ലു​​ണ്ട്.

സ​​ർ​​വീ​​സ​​സി​​നെ മ​​റി​​ക​​ട​​ന്ന് 42 മെ​​ഡ​​ൽ നേ​​ട്ട​​വു​​മാ​​യി ക​​ർ​​ണാ​​ട​​ക ഒ​​ന്നാ​​മ​​തെ​​ത്തി. 22 സ്വ​​ർ​​ണ​​വും 10 വീ​​തം വെ​​ള്ളി​​യും വെ​​ങ്ക​​ലവുമാ​​ണ് ക​​ർ​​ണാ​​ട​​ക​​യ്ക്കു​​ള്ള​​ത്. ര​​ണ്ടാം സ്ഥാ​​ന​​ത്തു​​ള്ള സ​​ർ​​വീ​​സ​​സി​​ന് 19 സ്വ​​ർ​​ണ​​വും 10 വെ​​ള്ളി​​യും ഒ​​ന്പ​​തു വെ​​ങ്ക​​ല​​വും അ​​ട​​ക്കം 38 മെ​​ഡ​​ലു​​ക​​ളു​​ണ്ട്. കേ​​ര​​ളം പോ​​യി​​ന്‍റ് പ​​ട്ടി​​ക​​യി​​ൽ 11-ാമ​​താ​​ണ്.

ബാ​​സ്ക​​റ്റി​​ൽ ഇരട്ട ഫൈ​​ന​​ൽ

3x3 ബാ​​സ്ക​​റ്റ്ബോ​​ളി​​ൽ കേ​​ര​​ള​​ത്തി​​ന്‍റെ പു​​രു​​ഷ, വ​​നി​​താ ടീ​​മു​​ക​​ൾ ഫൈ​​ന​​ലി​​ൽ പ്ര​​വേ​​ശി​​ച്ചു. മ​​ധ്യ​​പ്ര​​ദേ​​ശി​​നെ​​യാ​​ണ് വ​​നി​​ത​​ക​​ൾ പ​​രാ​​ജ​​യ​​പ്പെ​​ടു​​ത്തി​​യ​​ത്. സ്കോ​​ർ: 13-10. ഫൈ​​ന​​ലി​​ൽ തെ​​ലു​​ങ്കാ​​ന​​യെ നേ​​രി​​ടും. സെ​​മി​​യി​​ൽ ത​​മി​​ഴ്നാ​​ടി​​നെ തോ​​ൽ​​പ്പി​​ച്ചാ​​ണ് പു​​രു​​ഷ ടീം ​​ഫൈ​​ന​​ലി​​ൽ ക​​ട​​ന്ന​​ത്. വാ​​ട്ട​​ർ​​പോ​​ളോ​​യി​​ൽ വ​​നി​​ത​​ക​​ൾ ഫൈ​​ന​​ലി​​ൽ പ്ര​​വേ​​ശി​​ച്ചു. മ​​ഹാ​​രാ​​ഷ്‌​ട്ര​​യാ​​ണ് എ​​തി​​രാ​​ളി. മൂ​​ന്നാം സ്ഥാ​​ന​​ത്തി​​നാ​​യി പു​​രു​​ഷ ടീം ​​ഇ​​ന്നു ബം​​ഗാ​​ളി​​നെ നേ​​രി​​ടും.

താ​​ര​​മാ​​യി സ​​ജ​​ൻ

നീ​​ന്ത​​ൽ​​ക്കു​​ള​​ത്തി​​ൽ ഇ​​ന്ന​​ലെ​​യും കേ​​ര​​ള​​ത്തി​​നു വെ​​ള്ളി​​ത്തി​​ള​​ക്കം. 200 മീ​​റ്റ​​ർ വ്യ​​ക്തി​​ഗ​​ത മെ​​ഡ്‌ലെ​​യി​​ൽ സ​​ജ​​ൻ പ്ര​​കാ​​ശ് കേ​​ര​​ള​​ത്തി​​നാ​​യി വെ​​ള്ളി നേ​​ടി. ഇ​​തോ​​ടെ 38-ാമ​​ത് ദേ​​ശീ​​യ ഗെ​​യിം​​സി​​ൽ സ​​ജ​​ന്‍റെ മെ​​ഡ​​ൽ നേ​​ട്ടം നാ​​ലാ​​യി. ഒ​​ന്നു വീ​​തം സ്വ​​ർ​​ണ​​വും വെ​​ള്ളി​​യും ര​​ണ്ട് വെ​​ങ്ക​​ലവുമാ​​ണ് 32കാ​​ര​​നാ​​യ സ​​ജ​​നു​​ള്ള​​ത്.


ഫ്രീ ​​സ്റ്റൈ​​ൽ റി​​ലേ​​യാ​​ണ് നീ​​ന്ത​​ൽ​​ക്കു​​ള​​ത്തി​​ലെ സ​​ജ​​ന്‍റെ അ​​വ​​സാ​​ന മ​​ത്സ​​രം.ദേ​​ശീ​​യ ഗെ​​യിം​​സി​​ൽ സ​​ജ​​ന്‍റെ ആ​​കെ മെ​​ഡ​​ൽ നേ​​ട്ടം 30 ആ​​യി. 2015ലെ ​​കേ​​ര​​ള നാ​​ഷ​​ണ​​ൽ ഗെ​​യിം​​സി​​ൽ ആ​​റ് സ്വ​​ർ​​ണ​​വും മൂ​​ന്ന് വെ​​ള്ളി​​യും അ​​ട​​ക്കം ഒ​​ന്പ​​ത് മെ​​ഡ​​ൽ നേ​​ടി​​യ​​താ​​ണ് സ​​ജ​​ന്‍റെ ദേ​​ശീ​​യ ഗെ​​യിം​​സി​​ലെ മി​​ക​​ച്ച പ്ര​​ക​​ട​​നം.

ചാ​​ന്പ്യ​ന്മാ​​ർ​​ക്കും മേ​​ലേ

ദേ​​ശീ​​യ ഗെ​​യിം​​സി​​ൽ നി​​ല​​വി​​ലെ ചാ​​ന്പ്യ​ന്മാ​​രാ​​യ സ​​ർ​​വീ​​സ​​സി​​നെ നി​​ലം​​പ​​രി​​ശാ​​ക്കി കേ​​ര​​ള​​ത്തി​​ന്‍റെ പു​​രു​​ഷ ഫു​​ട്ബോ​​ൾ ടീം ​​സെ​​മി​​യി​​ൽ ക​​ട​​ന്നു. അ​​വ​​സാ​​ന ഗ്രൂ​​പ്പ് മ​​ത്സ​​ര​​ത്തി​​ൽ എ​​തി​​രി​​ല്ലാ​​ത്ത മൂ​​ന്ന് ഗോ​​ളി​​നാ​​യി​​രു​​ന്നു കേ​​ര​​ള​​ത്തി​​ന്‍റെ ത​​ക​​ർ​​പ്പ​​ൻ ജ​​യം. ഇ​​തോ​​ടെ ആ​​റു പോ​​യി​​ന്‍റു​​മാ​​യി ഡ​​ൽ​​ഹി​​ക്കൊ​​പ്പം കേ​​ര​​ള​​വും സെ​​മി​​യി​​ൽ പ്ര​​വേ​​ശി​​ച്ചു.

ആ​​ദ്യ ക​​ളി​​യി​​ൽ മ​​ണി​​പ്പുരി​​നെ തോ​​ൽ​​പ്പി​​ച്ച കേ​​ര​​ളം ര​​ണ്ടാം മ​​ത്സ​​ര​​ത്തി​​ൽ ഡ​​ൽ​​ഹി​​യോ​​ടു പ​​രാ​​ജ​​യ​​പ്പെ​​ട്ടി​​രു​​ന്നു.

തു​​ട​​ക്ക​​ത്തി​​ലേ ഗോ​​ൾ കീ​​പ്പ​​ർ ഗ​​ഗ​​ൻ​​ദീ​​പ് ചു​​വ​​പ്പ് കാ​​ർ​​ഡ് ക​​ണ്ട​​ത് സ​​ർ​​വീ​​സ​​സി​​ന് ക​​ന​​ത്ത തി​​രി​​ച്ച​​ടി​​യാ​​യി. കേ​​ര​​ള​​ത്തി​​നുവേ​​ണ്ടി ആ​​ദി​​ൽ ര​​ണ്ടും ബ​​ബി​​ൽ ഒ​​രു ഗോ​​ളും നേ​​ടി. 1997ൽ ​​ബം​​ഗ​​ളൂരു​​വി​​ൽ ന​​ട​​ന്ന ദേ​​ശീ​​യ ഗെ​​യിം​​സി​​ലാ​​ണ് കേ​​ര​​ളം അ​​വ​​സാ​​ന​​മാ​​യി സ്വ​​ർ​​ണ​​മ​​ണി​​ഞ്ഞ​​ത്. 2022ലെ ​​ഗു​​ജ​​റാ​​ത്ത് ഗെ​​യിം​​സി​​ൽ വെ​​ള്ളി നേ​​ടി​​യ​​പ്പോ​​ൾ ഗോ​​വ​​യി​​ൽ വെ​​ങ്ക​​ല​​മാ​​യി​​രു​​ന്നു. ഷ​​ഫീ​​ഖ് ഹ​​സ​​നാ​​ണ് പ​​രി​​ശീ​​ല​​ക​​ൻ.