പൂ​ന: ഇം​ഗ്ല​ണ്ടി​നെ​തി​രാ​യ അ​ഞ്ചു മ​ത്സ​ര​ങ്ങ​ളു​ടെ ട്വ​ന്‍റി 20 ക്രി​ക്ക​റ്റ് പ​ര​ന്പ​ര ഇ​ന്ത്യക്ക്. പരന്പര 3-1ന് സ്വന്തമാക്കി. നാ​ലാം ട്വ​ന്‍റി 20യി​ൽ 15 റ​ണ്‍​സി​ന്‍റെ ജ​യ​മാ​ണ് ഇ​ന്ത്യ നേ​ടി​യ​ത്. ടോ​സ് ന​ഷ്ട​പ്പെ​ട്ട് ബാ​റ്റ് ചെ​യ്യേ​ണ്ടി​വ​ന്ന ഇ​ന്ത്യ 20 ഓ​വ​റി​ൽ ഒ​ന്പ​ത് വി​ക്ക​റ്റി​ന് 181 റ​ണ്‍​സ് നേ​ടി. ഇംഗ്ലണ്ട് 19.4 ഓവറിൽ 166 റൺസിന് എല്ലാവരും പുറത്തായി.

അ​ഞ്ചു വി​ക്ക​റ്റി​ന് 79 എ​ന്ന നി​ല​യി​ൽ പ​രു​ങ്ങ​ലി​ലാ​യ ഇ​ന്ത്യയെ ഇ​ന്ത്യ​ൻ ബാ​റ്റിം​ഗ് നി​ര​യി​ൽ ഹാ​ർ​ദി​ക് പാ​ണ്ഡ്യ​യും ശി​വം ദു​ബെ​യും ചേർന്നാണ് മികച്ച സ്കോറി ലെത്തിച്ചത്. ദു​ബെ​യും (33 പ​ന്തി​ൽ 53), പാ​ണ്ഡ്യ​യു (30 പ​ന്തി​ൽ 53). ആ​റാം വി​ക്ക​റ്റ് കൂ​ട്ടു​കെ​ട്ടി​ൽ ഇ​രു​വ​രും 87 റ​ണ്‍​സാ​ണ് നേ​ടി​യ​ത്.

ര​ണ്ടാം ഓ​വ​റി​ൽ ത​ന്നെ പേ​സ​ർ സ​ഖീ​ദ് മ​ഹ് മൂ​ദ് ഇ​ന്ത്യ​യു​ടെ ടോ​പ് ഓ​ർ​ഡ​റി​നെ ത​ക​ർ​ത്തു. ആ ​ഓ​വ​റി​ന്‍റെ ആ​ദ്യ പ​ന്തി​ൽ സ​ഞ്ജു​വി​നെ (1) ന​ഷ്ട​മാ​യി. ര​ണ്ടാം പ​ന്തി​ൽ തി​ല​ക് വ​ർ​മ(0), അ​വ​സാ​ന പ​ന്തി​ൽ സൂ​ര്യ​കു​മാ​ർ യാ​ദ​വ്(0) എ​ന്നി​വ​രും പു​റ​ത്താ​യി. റി​ങ്കു സിം​ഗ്- അ​ഭി​ഷേ​ക് ശ​ർ​മ നാ​ലം വി​ക്ക​റ്റ് കൂ​ട്ടു​കെ​ട്ട് 45 റ​ണ്‍​സ് ചേ​ർ​ത്ത​ശേ​ഷം പി​രി​ഞ്ഞു.


മ​ഹ്‌മൂ​ദ് മൂ​ന്നും ജേ​മി ഓ​വ​ർ​ട്ട​ണ്‍ ര​ണ്ടും വി​ക്ക​റ്റ് വീ​ഴ്ത്തി. മ​റു​പ​ടി ബാ​റ്റിം​ഗി​ൽ ബെ​ൻ ഡ​ക്ക​റ്റും (39) ഫി​ൽ സാ​ൾ​ട്ടും (23) ത​ക​ർ​പ്പ​ൻ തു​ട​ക്ക​മാ​ണ് ന​ൽ​കി​യ​ത്. വി​ക്ക​റ്റ് ന​ഷ്ട​പ്പെ​ടാ​തെ 62ൽ​നി​ന്ന ഇം​ഗ്ല​ണ്ട് മൂ​ന്നു വി​ക്ക​റ്റി​ന് 67ലേ​ക്കു പ​തി​ച്ചു.

ര​വി ബി​ഷ്ണോ​യി​യാ​ണ് മു​ൻ​നി​ര​യെ ത​ക​ർ​ത്ത​ത്. ഒ​രു വ​ശ​ത്ത് ഹാ​രി ബ്രൂ​ക്ക് (26 പ​ന്തി​ൽ 51) ആ​ക്ര​മി​ച്ചു ക​ളി​ക്കാ​നു​ണ്ടാ​യി​രു​ന്നെ​ങ്കി​ലും ഒ​പ്പം നി​ൽ​ക്കാ​ൻ ആ​ളി​ല്ലാ​തെ പോ​യി.

ര​വി ബി​ഷ്ണോ​യി, ഹ​ർ​ഷി​ത് റാ​ണ എ​ന്നി​വ​ർ മൂ​ന്നും വ​രു​ണ്‍ ച​ക്ര​വ​ർ​ത്തി ര​ണ്ടും വി​ക്ക​റ്റ് വീ​ഴ്ത്തി.