ബാങ്ക് ഓഫ് ബറോഡ തൃശൂരില്‍ പുതിയ ശാഖ തുറന്നു
Friday, February 21, 2025 3:26 AM IST
കൊച്ചി: ബാങ്ക് ഓഫ് ബറോഡ കേരളത്തിലെ സാന്നിധ്യം വിപുലീകരിക്കുന്നതിന്‍റെ ഭാഗമായി തൃശൂര്‍ തിരുവില്വാമലയില്‍ പുതിയ ശാഖ പ്രവര്‍ത്തനം ആരംഭിച്ചു.
ബാങ്ക് ഓഫ് ബറോഡയുടെ തൃശൂര്‍ റീജണിലെ 56 ാമത്തെ ശാഖയാണ് തിരുവില്വാമല പഴയന്നൂര്‍ റോഡിലെ സുബി മാളില്‍ തുടങ്ങിയത്.
എആര്‍ ഹാന്‍ഡ്‌ലൂംസ് മാനേജിംഗ് പാര്‍ട്ണര്‍മാരായ ആര്‍. രാജ്കുമാര്‍, എ. അരവിന്ദ് എന്നിവര്‍ ചേര്‍ന്ന് ഉദ്ഘാടനം ചെയ്തു. ബാങ്ക് ഓഫ് ബറോഡ എറണാകുളം സോണല്‍ ജനറല്‍ മാനേജറും സോണല്‍ ഹെഡുമായ ശ്രീജിത്ത് കൊട്ടാരത്തില്‍, തിരുവില്വാമല ബ്രാഞ്ച് മാനേജര്‍ ടി.കെ. സിബികുമാര്‍, ബാങ്ക് ഓഫ് ബറോഡ തൃശൂര്‍ റീജണല്‍ ഹെഡ് പി. വിമല്‍ജിത്ത് എന്നിവര്‍ സന്നിഹിതരായിരുന്നു.