മും​​ബൈ: തു​​ട​​ർ​​ച്ച​​യാ​​യ എ​​ട്ടു ദി​​വ​​സ​​ത്തെ ന​​ഷ്ട​​ങ്ങ​​ൾ​​ക്കു​​ശേ​​ഷം ഇ​​ന്ത്യ​​ൻ ഓ​​ഹ​​രി വി​​പ​​ണി നേ​​ട്ട​​ത്തി​​ൽ ക്ലോ​​സ് ചെ​​യ്തു. ഇ​​ന്ന​​ലെ വ്യാ​​പാ​​ര​​ത്തി​​ന്‍റെ തു​​ട​​ക്ക​​ത്തി​​ൽ ന​​ഷ്ട​​ത്തി​​ലാ​​യി​​രു​​ന്ന വി​​പ​​ണി അ​​വ​​സാ​​ന മ​​ണി​​ക്കൂ​​റി​​ലാ​​ണ് നേ​​ട്ട​​ത്തി​​ൽ തി​​രി​​ച്ചു​​വ​​ന്ന​​ത്.

എ​​ച്ച്ഡി​​എ​​ഫ്സി ബാ​​ങ്ക്, ഇ​​ൻ​​ഡ​​സ്ഇ​​ൻ​​ഡ് ബാ​​ങ്ക്, ബ​​ജാ​​ജ് ഫി​​ൻ​​സെ​​ർ​​വ്, ശ്രീ​​റാം ഫി​​നാ​​ൻ​​സ് എ​​ന്നി​​വ​​യു​​ടെ ഓ​​ഹ​​രി​​ക​​ൾ അ​​വ​​സാ​​ന മ​​ണി​​ക്കൂ​​റു​​ക​​ളി​​ൽ വാ​​ങ്ങി​​ക്കൂ​​ട്ടി​​യ​​താ​​ണ് ഓ​​ഹ​​രി വി​​പ​​ണി​​ക​​ൾ​​ക്കു നേ​​ട്ട​​മാ​​യ​​ത്. ഓ​​ട്ടോ, ഐ​​ടി, ടെ​​ലി​​കോം, മീ​​ഡി​​യ എ​​ന്നി​​വ​​യു​​ടെ ഓ​​ഹ​​രി​​ക​​ൾ​​ക്ക് ഇ​​ന്ന​​ലെ ന​​ഷ്ട​​മുണ്ടായപ്പോൾ ഫാ​​ർ​​മ, പൊ​​തു​​മേ​​ഖ​​ല ബാ​​ങ്ക്, ഉ​​പ​​ഭോ​​ഗ വ​​സ്തു​​ക്ക​​ൾ, മെ​​റ്റ​​ൽ എ​​ന്നി​​വ​​യു​​ടെ ഓ​​ഹ​​രി​​ക​​ൾ നേ​​ട്ട​​ത്തി​​ലെ​​ത്തി.

അ​​ഡാ​​നി എ​​ന്‍റ​​ർ​​പ്രൈ​​സ​​സ്, അ​​ഡാ​​നി പോ​​ർ​​ട്ട്സ്, പ​​വ​​ർ ഗ്രി​​ഡ്, അ​​ൾ​​ട്രാ ടെ​​ക് എ​​ന്നി​​വ​​യു​​ടെ ഓ​​ഹ​​രി​​ക​​ളാ​​ണ് പ്ര​​ധാ​​ന​​മാ​​യും നേ​​ട്ട​​മു​​ണ്ടാ​​ക്കി​​യ​​ത്. മ​ഹീ​ന്ദ്ര ആ​ൻ​ഡ് മ​ഹീ​ന്ദ്ര, ഭ​ര​തി എ​യ​ർ​ടെ​ൽ, വി​പ്രോ, ടി​സി​എ​സ്, ഇ​ൻ​ഫോ​സി​സ് എ​ന്നി​വ​യാ​ണ് ന​ഷ്ടം നേ​രി​ട്ട​വ​രി​ൽ പ്ര​മു​ഖ​ർ.

ഇ​​ന്ന​​ലെ വ്യാ​​പാ​​രം പൂ​​ർ​​ത്തി​​യാ​​കു​​ന്പോ​​ൾ സെ​​ൻ​​സെ​​ക്സ് 57.65 പോ​​യി​​ന്‍റ് ഉ​​യ​​ർ​​ന്ന് 75,996.86ലും ​​നി​​ഫ്റ്റി 30.25 പോ​​യി​​ന്‍റ് നേ​​ട്ട​​ത്തി​​ൽ 22,959.50 പോ​​യി​​ന്‍റി​​ലു​​മെ​​ത്തി. വ്യാ​​പാ​​രം ന​​ട​​ത്തി​​യ ആ​​കെ ഓ​​ഹ​​രി​​ക​​ളി​​ൽ 1286 എ​​ണ്ണം മു​​ന്നേ​​റി​​യ​​പ്പോ​​ൾ 2625 എ​​ണ്ണം ന​​ഷ്ട​​ത്തി​​ലായി. 135 എ​​ണ്ണ​​ത്തി​​ൽ മാ​​റ്റ​​മു​​ണ്ടാ​​യി​​ല്ല.

ലാ​​ർ​​ജ് കാ​​പ്, മി​​ഡ്കാ​​പ് സൂ​​ചി​​ക​​ക​​ൾ വ്യാ​​പാ​​ര​​ത്തി​​നി​​ടെ​​യി​​ലെ ന​​ഷ്ട​​ത്തി​​ൽ​​നി​​ന്നു ക​​ര​​ക​​യ​​റി​​യ​​പ്പോ​​ൾ ബി​​എ​​സ്ഇ സ്മോ​​ൾ​​കാ​​പ് സൂ​​ചി​​ക​​ൾ ന​​ഷ്ട​​ത്തി​​യാ​​യി. എ​​ന്നാ​​ൽ ബി​​എ​​സ്ഇ മി​​ഡ്കാ​​പ് 0.5 ശ​​ത​​മാ​​നം നേ​​ട്ട​​ത്തി​​ലെ​​ത്തി.

നേ​​രി​​യ തി​​രി​​ച്ചു​​വ​​ര​​വ് ഉ​​ണ്ടാ​​യെ​​ങ്കി​​ലും, വി​​പ​​ണി​​ക​​ളെ ചു​​റ്റി​​പ്പ​​റ്റി​​യു​​ള്ള ആ​​ശ​​ങ്ക​​ക​​ൾ ഇ​​പ്പോ​​ഴും നി​​ല​​നി​​ൽ​​ക്കു​​ന്നു. വി​​ദേ​​ശ​​നി​​ക്ഷേ​​പ​​ക​​രു​​ടെ നി​​ര​​ന്ത​​ര​​മാ​​യ വി​​ൽ​​പ്പ​​ന, രൂ​​പ​​യു​​ടെ ചാഞ്ചാട്ടം, യു​​എ​​സ് താ​​രി​​ഫു​​ക​​ളെ​​ക്കു​​റി​​ച്ചു​​ള്ള പേ​​ടി, ആ​​ഗോ​​ള വ്യാ​​പാ​​ര യു​​ദ്ധ​​ത്തെ​​ക്കു​​റി​​ച്ചു​​ള്ള ആ​​ശ​​ങ്ക​​ക​​ൾ എ​​ന്നിവയാ​​ണ് ഇ​​ന്ത്യ​​ൻ വി​​പ​​ണി നേ​​രി​​ടു​​ന്ന പ്ര​​തി​​സ​​ന്ധി​​ക​​ൾ. ക​​ന്പ​​നി​​ക​​ളു​​ടെ മൂ​​ന്നാം​​പാ​​ദ വ​​രു​​മാ​​ന​​ത്തി​​ലു​​ണ്ടാ​​യ ഇ​​ടി​​വ് ഇ​​ന്ത്യ​​ൻ വി​​പ​​ണി​​യെ ബാ​​ധി​​ക്കു​​ന്നു​​ണ്ട്.


സെ​​ക്ട​​റ​​ൽ സൂ​​ചി​​ക​​ക​​ളി​​ൽ നി​​ഫ്റ്റി ഫാ​​ർ​​മ (1.27%) ആ​​ണ് ഏ​​റ്റ​​വും കൂ​​ടു​​ത​​ൽ നേ​​ട്ട​​മു​​ണ്ടാ​​ക്കി​​യ​​ത്. നി​​ഫ്റ്റി ബാ​​ങ്ക്, നി​​ഫ്റ്റി എ​​ന​​ർ​​ജി, നി​​ഫ്റ്റി ഇ​​ൻ​​ഫ്ര, നി​​ഫ്റ്റി മെ​​റ്റ​​ൽ, നി​​ഫ്റ്റി പി​​എ​​സ് യു ​​ബാ​​ങ്ക് എ​​ന്നി​​വ​​യും മു​​ന്നേ​​റി. എ​​ന്നാ​​ൽ നി​​ഫ്റ്റി ഐ​​ടി, നി​​ഫ്റ്റി മീ​​ഡി​​യ, നി​​ഫ്റ്റി എ​​ഫ്എം​​സി​​ജി എ​​ന്നി​​വ​​യു​​ടെ സൂ​​ചി​​ക​​ക​​ൾ​​ക്ക് ന​​ഷ്ടം നേ​​രി​​ട്ടു.

നേ​​ട്ട​​മു​​ണ്ടാ​​ക്കി മ​​ണ​​പ്പു​​റം

കേ​​ര​​ള​​ത്തി​​നി​​ന്നു​​ള്ള നോ​​ണ്‍ ബാ​​ങ്കിം​​ഗ് സ്ഥാ​​പ​​ന​​മാ​​യ മ​​ണ​​പ്പു​​റം ഫി​​നാ​​ൻ​​സി​​ന്‍റെ ഓ​​ഹ​​രി​​ക​​ൾ വ​​ൻ നേ​​ട്ട​​മാ​​ണു​​ണ്ടാ​​ക്കി​​യ​​ത്. മ​​ണ​​പ്പു​​റം ഫി​​നാ​​ൻ​​സി​​ന്‍റെ ഓ​​ഹ​​രി​​ക​​ൾ​​ക്ക് ഫ്യൂ​​ച്ചേ​​ഴ്സ് ആ​​ൻ​​ഡ് ഓ​​പ്ഷ​​ൻ​​സി​​ൽ (എഫ്&ഒ) ​​ക​​ഴി​​ഞ്ഞ കു​​റ​​ച്ചു ദി​​വ​​സ​​ങ്ങ​​ളാ​​യി താ​​ത്കാ​​ലി​​ക നി​​രോ​​ധ​​നം ഏ​​ർ​​പ്പെ​​ടു​​ത്തി​​യി​​രു​​ന്നു. ഈ ​​താ​​ത്കാ​​ലി​​ക വി​​ല​​ക്ക് പി​​ൻ​​വ​​ലി​​ച്ച​​തി​​നു പി​​ന്നാ​​ലെ​​യാ​​ണ് കു​​തി​​പ്പ് ന​​ട​​ത്തി​​യ​​ത്.

ബി​​എ​​സ്ഇ​​യി​​ൽ 182.05 രൂ​​പ​​യി​​ൽ വ്യാ​​പാ​​രം തു​​ട​​ങ്ങി​​യ മ​​ണ​​പ്പു​​റ​​ത്തി​​ന്‍റെ ഓ​​ഹ​​രി​​ക​​ൾ 8.23 ശ​​ത​​മാ​​നം ഉ​​യ​​ർ​​ന്ന് ഒ​​രു ഓ​​ഹ​​രി​​ക്ക് 193.29 രൂ​​പ എ​​ന്ന നി​​ല​​യി​​ലാ​​ണ് ക്ലോ​​സ് ചെ​​യ്ത​​ത്. കേ​​ര​​ള​​ത്തി​​ൽ​​നി​​ന്നു​​ള്ള മ​​റ്റ് ബാ​​ങ്കി​​ത​​ര സ്ഥാ​​പ​​ന​​ങ്ങ​​ൾ​​ക്ക് നേ​​ട്ട​​മു​​ണ്ടാ​​ക്കാ​​നാ​​യി​​ല്ല. മു​​ത്തൂ​​റ്റ് ഫി​​നാ​​ൻ​​സ് 0.57 ശ​​ത​​മാ​​ന​​വും മു​​ത്തൂ​​റ്റ് മൈ​​ക്രോ​​ഫി​​ൻ 4.07 ശ​​ത​​മാ​​ന​​വും ന​​ഷ്ട​​ത്തി​​ലാ​​ണ് വ്യാ​​പാ​​രം അ​​വ​​സാ​​നി​​പ്പി​​ച്ച​​ത്.