ടെ​ൽ അ​വീ​വ്: ഇ​സ്രേ​ലി സേ​ന​യും ല​ബ​ന​നി​ലെ ഹി​സ്ബു​ള്ള ഭീ​ക​ര​രും ത​മ്മി​ൽ വീ​ണ്ടും സം​ഘ​ർ​ഷ സാ​ധ്യ​ത. ഇ​ന്ന​ലെ ല​ബ​ന​നി​ൽ​നിന്നു വ​ന്ന മൂ​ന്ന് റോ​ക്ക​റ്റു​ക​ൾ ഇ​സ്രേ​ലി സേ​ന വെ​ടി​വ​ച്ചി​ട്ടു. ഇ​തി​നു പി​ന്നാ​ലെ ഇ​സ്രേ​ലി സേ​ന തെ​ക്ക​ൻ ല​ബ​ന​നി​ലെ ഹി​സ്ബു​ള്ള ശ​ക്തി​കേ​ന്ദ്ര​ങ്ങ​ളി​ൽ പീ​ര​ങ്കി, വ്യോ​മാ​ക്ര​മ​ണ​ങ്ങ​ൾ ന​ട​ത്തി. ഇ​സ്രേ​ലി ആ​ക്ര​മ​ണ​ത്തി​ൽ ല​ബ​ന​നി​ലെ ടൊ​ളി​ൻ പ​ട്ട​ണ​ത്തി​ൽ ഒ​രു വ​നി​ത കൊ​ല്ല​പ്പെ​ട്ടു.

ന​വം​ബ​റി​ൽ അ​മേ​രി​ക്ക​യു​ടെ മ​ധ്യ​സ്ഥ​ത​യി​ൽ വെ​ടി​നി​ർ​ത്ത​ലു​ണ്ടാ​യ​ശേ​ഷം ല​ബ​ന​നി​ൽ​നി​ന്ന് ഇ​സ്ര​യേ​ലി​നു നേ​ർ​ക്കു​ണ്ടാ​കു​ന്ന ര​ണ്ടാ​മ​ത്തെ ആ​ക്ര​മ​ണ​മാ​ണി​ത്; ഇ​സ്രേ​ലിസേ​ന ല​ബ​ന​നി​ൽ ന​ട​ത്തു​ന്ന ആ​ദ്യ​ത്തെ ആ​ക്ര​മ​ണ​വും.

ല​ബ​ന​നി​ലെ ഭീ​ക​ര​കേ​ന്ദ്ര​ങ്ങ​ളി​ൽ ശ​ക്ത​മാ​യ ആ​ക്ര​മ​ണം ന​ട​ത്താ​ൻ സേ​ന​യ്ക്കു നി​ർ​ദേ​ശം ന​ല്കി​യ​താ​യി ഇ​സ്രേ​ലി പ്ര​ധാ​ന​മ​ന്ത്രി നെ​ത​ന്യാ​ഹു ഇ​ന്ന​ലെ അ​റി​യി​ച്ചു.


അ​തേ​സ​മ​യം, റോ​ക്ക​റ്റാ​ക്ര​മ​ണം ന​ട​ത്തി​യ​താ​യി ഹി​സ്ബു​ള്ള ഭീ​ക​ര​ര്‌ സ്ഥി​രീ​ക​രി​ച്ചി​ട്ടി​ല്ല. ആ​ക്ര​മ​ണ​ത്തി​നു പി​ന്നി​ൽ ആ​രാ​ണെ​ന്ന് അ​ന്വേ​ഷി​ച്ചു​വ​രു​ന്ന​താ​യി ഇ​സ്രേ​ലി സേ​ന പ​റ​ഞ്ഞു. ല​ബ​ന​നെ വീ​ണ്ടും യു​ദ്ധ​ത്തി​ലേ​ക്കു വ​ലി​ച്ചി​ഴ​യ്ക്ക​രു​തെ​ന്ന് പ്ര​ധാ​ന​മ​ന്ത്രി ന​വാ​ഫ് സ​ലാം ആ​വ​ശ്യ​പ്പെ​ട്ടു.

വെ​ടി​നി​ർ​ത്ത​ൽ ധാ​ര​ണ പ്ര​കാ​രം ഇ​സ്രേ​ലി അ​തി​ർ​ത്തി​യോ​ടു ചേ​ർ​ന്ന പ്ര​ദേ​ശ​ങ്ങ​ളി​ൽ​നി​ന്ന് ഹി​സ്ബു​ള്ള ഭീ​ക​ര​ർ ഒ​ഴി​ഞ്ഞു​പോ​വു​ക​യും പ​ക​രം ല​ബ​നീ​സ് സേ​ന​യെ വി​ന്യ​സി​ക്കുകയും ചെയ്യേ​ണ്ട​താ​ണ്.

വെ​ടി​നി​ർ​ത്ത​ലി​നു മു​ന്പ് ഇ​സ്രേ​ലി സേ​ന​യു​ടെ ക​ന​ത്ത ആ​ക്ര​മ​ണ​ത്തി​ൽ ഹി​സ്ബു​ള്ള​യു​ടെ നേ​താ​ക്ക​ളെ​ല്ലാം കൊ​ല്ല​പ്പെ​ടു​ക​യും സം​ഘ​ട​ന ദു​ർ​ബ​ല​മാ​വു​ക​യും ചെ​യ്തി​രു​ന്നു.