നാരായൺ റാണെയുടെ മകൻ ഷിൻഡെ പക്ഷത്തു ചേർന്ന് മത്സരിക്കും
Wednesday, October 23, 2024 1:11 AM IST
മുംബൈ: ബിജെപി എംപിയും മുൻ മഹാരാഷ്ട്ര മുഖ്യമന്ത്രിയുമായ നാരായൺ റാണെയുടെ മകൻ നിലേഷ് റാണെ ഏക്നാഥ് ഷിൻഡെ നേതൃത്വം നല്കുന്ന ശിവസേനയിൽ ചേരും.
ഇദ്ദേഹം മത്സരിക്കാൻ ആഗ്രഹിച്ച കുദൽ സീറ്റ് ഷിൻഡെ പക്ഷത്തിനാണു നല്കിയത്. അതിനാലാണ് നിലേഷ് ബിജെപി വിട്ട് ഷിൻഡെ പക്ഷത്തു ചേരുന്നത്. സിറ്റിംഗ് എംഎൽഎയും ഉദ്ധവ് പക്ഷ നേതാവുമായ വൈഭവ് നായിക്കാണ് കുദലിൽ നിലേഷ് റാണെയുടെ എതിരാളി. റാണെമാരുടെ കടുത്ത എതിരാളിയാണ് വൈഭവ് നായിക്.
കുദലിന്റെ സമീപ മണ്ഡലമായ കങ്കാവലിയിലെ സിറ്റിംഗ് എംഎൽഎയാണ് നിലേഷിന്റെ ഇളയ സഹോദരൻ നിതേഷ്. ഇദ്ദേഹം കങ്കാവലിയിലെ ബിജെപി സ്ഥാനാർഥിയാണ്.
2009ൽ രത്നഗിരി-സിന്ധുദുർഗ് മണ്ഡലത്തിൽനിന്നു കോൺഗ്രസ് ടിക്കറ്റിൽ ലോക്സഭാംഗമായ നിലേഷ് റാണെ 2014, 2019 ലോക്സഭാ തെരഞ്ഞെടുപ്പുകളിൽ പരാജയപ്പെട്ടു.