കോ​ട്ട​യം: ന​ഗ​ര​ത്തി​ല്‍ ന​ട​പ്പാ​ക്കി​യ ഗ​താ​ഗ​തപ​രി​ഷ്‌​കാ​രം പാ​ളി​യ​താ​യും കു​രു​ക്ക് രൂ​ക്ഷ​മാ​യ​താ​യും ആ​ക്ഷേ​പം. കു​രു​ക്ക് ഒ​ഴി​വാ​ക്കു​ന്ന​തി​നാ​യി കു​മ​ര​കം ഭാ​ഗ​ത്തു​നി​ന്നു സി​എം​എ​സ് കോ​ള​ജ് റോ​ഡി​ല്‍കൂ​ടി​യെ​ത്തു​ന്ന സ്വ​കാ​ര്യ​ബ​സു​ക​ള്‍ ബേ​ക്ക​ര്‍ ജം​ഗ്ഷ​നി​ലെ ട്രാ​ഫി​ക് സി​ഗ്ന​ല്‍ ക​ട​ന്ന് ശാ​സ്ത്രിറോ​ഡി​ല്‍ നി​ര്‍ത്തി ആ​ളെ​യി​റ​ക്കി, കു​ര്യ​ന്‍ ഉ​തു​പ്പ് റോ​ഡുവ​ഴി നാ​ഗ​മ്പ​ട​ത്ത് എ​ത്തു​ന്ന രീ​തി​യി​ലാ​ണു പ​രി​ഷ്‌​കാ​രം ന​ട​പ്പാ​ക്കി​യ​ത്. പോ​ലീ​സ് പ​രീ​ക്ഷ​ണാ​ടി​സ്ഥാ​ന​ത്തി​ല്‍ ന​ട​പ്പാ​ക്കി​യ പ​രി​ഷ്‌​കാ​രം ഗു​ണ​ത്തേ​ക്കാ​ള്‍ ഏ​റെ ദോ​ഷ​മാ​ണു​ണ്ടാ​ക്കു​ന്ന​തെ​ന്ന് ഒ​രു വി​ഭാ​ഗം ബ​സു​ട​മ​ക​ളും യാ​ത്ര​ക്കാ​രും ചൂ​ണ്ടി​ക്കാ​ട്ടു​ന്നു. 

കോ​ള​ജ് റോ​ഡി​ല്‍ കൂ​ടി​യെ​ത്തു​ന്ന ബ​സു​ക​ള്‍ ബേ​ക്ക​ര്‍ ജം​ഗ്ഷ​നി​ലെ ട്രാ​ഫി​ക് സി​ഗ്ന​ലി​ല്‍ കാ​ത്തു​കി​ട​ക്കേ​ണ്ടി വ​ന്ന​തോ​ടെ കു​രു​ക്ക് വ​ര്‍ധി​ച്ചു. ബ​സു​ക​ള്‍ ട്രാ​ഫി​ക് സി​ഗ്ന​ല്‍ക​ട​ന്ന് ആ​കാ​ശ​പാ​ത​യ്ക്കു മു​ന്നി​ലെ​ത്തി ശാ​സ്ത്രി റോ​ഡി​ലേ ഇ​റ​ക്കം ഇ​റ​ങ്ങു​ന്ന​തോ​ടെ ഇ​വി​ടെ​യും കു​രു​ക്കാ​യി. ഈ ​സ​മ​യ​ത്ത് സെ​ന്‍ട്ര​ല്‍ ജം​ഗ്ഷ​നി​ല്‍നി​ന്നു വ​ന്നു ശാ​സ്ത്രി റോ​ഡി​ലൂ​ടെ പോ​കേ​ണ്ട വാ​ഹ​ന​ങ്ങ​ളും സു​ഗ​മ​മാ​യി ക​ട​ന്നു​പോ​കാ​ന്‍ സാ​ധി​ക്കാ​തെ കു​രു​ക്കി​ലാ​കും. ബേ​ക്ക​ര്‍ ജം​ഗ്ഷ​ന്‍ ഭാ​ഗ​ത്തു​നി​ന്ന് കെ​എ​സ്ആ​ര്‍ടി​സി ഭാ​ഗ​ത്തേ​ക്ക് പോ​കേ​ണ്ട വാ​ഹ​ന​ങ്ങ​ളും കു​രു​ക്കി​ലാ​കും. 

ശാ​സ്ത്രി റോ​ഡി​ലെ ബ​സ് കാ​ത്തി​രി​പ്പു കേ​ന്ദ്ര​ത്തി​ല്‍ നി​ല​വി​ല്‍ ന​ല്ല തി​ര​ക്കാ​ണ്. ഇ​പ്പോ​ള്‍ കു​മ​ര​കം ബ​സു​ക​ള്‍കൂ​ടി എ​ത്തി​യ​തോ​ടെ തി​ര​ക്ക് കൂ​ടി. ബ​സു​ക​ള്‍ നി​ര്‍ത്താ​ന്‍പോ​ലും സ്ഥ​ല​മി​ല്ലാ​താ​യി. ബ​സു​ക​ള്‍ ശാ​സ്ത്രി റോ​ഡി​ല്‍നി​ന്നും കു​ര്യ​ന്‍ ഉ​തു​പ്പ് റോ​ഡി​ലേ​ക്ക് തി​രി​യു​ന്നി​ട​ത്തും നാ​ഗ​മ്പ​ട​ത്തെ​ത്തി ബ​സ് സ്റ്റാ​ന്‍ഡി​ലേ​ക്ക് തി​രി​യു​ന്നി​ട​ത്തും ഗ​താ​ഗ​ത​ക്കു​രു​ക്ക് രൂ​ക്ഷ​മാ​യി. 

പു​തി​യ പ​രി​ഷ്‌​കാ​ര​ത്തി​ല്‍ ബ​സു​ക​ള്‍ നാ​ഗ​മ്പ​ട​ം സ്റ്റാ​ന്‍ഡി​ലെ​ത്തു​മ്പോ​ള്‍ ഇ​ര​ട്ടി​യി​ല​ധി​കം സ​മ​യ​മാ​ണ് എ​ടു​ക്കു​ന്ന​ത്. ഇ​പ്പോ​ള്‍ കു​മ​ര​കം, ചേ​ര്‍ത്ത​ല ഭാ​ഗ​ത്തു​നി​ന്നു വ​രു​ന്ന രോ​ഗി​ക​ളും വി​ദ്യാ​ര്‍ഥി​ക​ളും ഉ​ള്‍പ്പെ​ടെ​യു​ള്ള യാ​ത്ര​ക്കാ​ര്‍ വ​ള​രെ​യ​ധി​കം ബു​ദ്ധി​മു​ട്ടു​ക​യാ​ണ്. 

പു​തി​യ​ പ​രി​ഷ്‌​കാ​രം ഗ​താ​ഗ​ത​ക്കു​രു​ക്കു വ​ര്‍ധി​പ്പി​ച്ചെ​ന്നും ഇ​തു ന​ട​പ്പാ​ക്കി​യ​വ​രു​ടെ അ​ജ്ഞ​ത​യാ​ണി​തി​നു കാ​ര​ണ​മെ​ന്നും പ്രൈ​വ​റ്റ് ബ​സ് ഓ​ണേ​ഴ്സ് ഓ​ര്‍ഗ​നൈ​സേ​ഷ​ന്‍ സം​സ്ഥാ​ന​പ്ര​സി​ഡ​ന്‍റ് ജോ​യി ചെ​ട്ടി​ശേ​രി ആ​രോ​പി​ച്ചു. 
വ​ര്‍ഷ​ങ്ങ​ള്‍ക്കു മു​മ്പ് നാ​ഗ​മ്പ​ടം സ്റ്റാ​ന്‍ഡി​ല്‍ അ​പ​ക​ട​മ​ര​ണ​ങ്ങ​ള്‍ സം​ഭ​വി​ക്കു​ക​യും ഗ​താ​ഗ​തം താ​റു​മാ​റാ​കു​ക​യും ചെ​യ്ത അ​വ​സ​ര​ത്തി​ല്‍ ഓ​ര്‍ഗ​നൈ​സേ​ഷ​ന്‍ ജി​ല്ലാ ക​മ്മി​റ്റി​യു​ടെ നേ​തൃ​ത്വ​ത്തി​ല്‍ ക​ള​ക്ട​ര്‍ക്ക് ന​ല്‍കി​യ നി​വേ​ദ​ന​ത്തെത്തു​ട​ര്‍ന്നാ​ണ് ആ​ര്‍ടി​എ ബോ​ര്‍ഡ് നി​ല​വി​ലു​ള്ള സം​വി​ധാ​നം ന​ട​പ്പിലാ​ക്കി​യ​ത്. ഗ​താ​ഗ​ത പ​രി​ഷ്‌​കാ​രം ഉ​ട​ന്‍ പി​ന്‍വ​ലി​ച്ച്, ഗ​താ​ഗ​ത​ക്കു​രു​ക്ക് ഒ​ഴി​വാ​ക്കാ​ന്‍ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നും പ്രൈ​വ​റ്റ് ബ​സ് ഓ​ണേ​ഴ്സ് ഓ​ര്‍ഗ​നൈ​സേ​ഷ​ന്‍ ആ​വ​ശ്യ​പ്പെ​ട്ടു.

കണ്ണൂർ നഗരത്തിലെ തിരക്കേറിയ മേഖലകളിൽ നടപ്പിലാക്കിയ പുതിയ ഗതാഗത പരിഷ്കരണം യാത്രക്കാർക്ക് വലിയ ആശ്വാസമാകുന്നു. പ്രധാന റോഡുകളിലും ജംഗ്ഷനുകളിലും ട്രാഫിക് സിഗ്നലുകളും വൺവേ സംവിധാനങ്ങളും കർശനമാക്കിയതോടെ ഗതാഗതക്കുരുക്കിന് ഗണ്യമായ കുറവ് വന്നിട്ടുണ്ട്. നഗരത്തിലൂടെയുള്ള യാത്ര കൂടുതൽ സുഗമമായതായി വാഹനയാത്രികരും കാൽനടയാത്രക്കാരും അഭിപ്രായപ്പെടുന്നു.

ദിവസവും പതിനായിരക്കണക്കിന് വാഹനങ്ങൾ കടന്നുപോകുന്ന നഗരഹൃദയത്തിൽ നേരത്തെ മണിക്കൂറുകളോളം നീളുന്ന ഗതാഗതക്കുരുക്ക് പതിവായിരുന്നു. പുതിയ പരിഷ്കരണത്തിന്റെ ഭാഗമായി കൂടുതൽ ട്രാഫിക് പോലീസിനെയും ഹോം ഗാർഡുകളെയും വിന്യസിക്കുകയും, തിരക്ക് നിയന്ത്രിക്കാൻ ആധുനിക സാങ്കേതിക വിദ്യകൾ ഉപയോഗിക്കുകയും ചെയ്തിട്ടുണ്ട്. പൊതുജനങ്ങളുടെ സഹകരണവും ഈ മാറ്റത്തിന് പ്രധാന കാരണമായി.

ഈ ഗതാഗത പരിഷ്കരണം വിജയകരമാക്കാൻ എല്ലാ ഭാഗത്തുനിന്നും നല്ല പ്രതികരണമാണ് ലഭിക്കുന്നത്. വരും ദിവസങ്ങളിലും ഇത് തുടരുമെന്ന് ട്രാഫിക് വിഭാഗം അറിയിച്ചു. ദീർഘകാലാടിസ്ഥാനത്തിൽ നഗരത്തിലെ ഗതാഗത പ്രശ്നങ്ങൾക്ക് ശാശ്വത പരിഹാരം കാണാനുള്ള പദ്ധതികൾക്ക് രൂപം നൽകുമെന്നും അധികൃതർ വ്യക്തമാക്കി.