മ​ന്ത്ര ക​ൺ​വ​ൻ​ഷ​ൻ ശു​ഭാ​രം​ഭ​വും വാഷിംഗ്ടൺ​ ഡി​സി ചാ​പ്റ്റ​ർ ഉ​ദ്ഘാ​ട​ന​വും ശ്ര​ദ്ധേ​യ​മാ​യി
Saturday, April 12, 2025 7:23 AM IST
സ​രൂ​പ അ​നി​ൽ
വാഷിംഗ്ടൺ: ബെ​ഥേ​സ്ട എ​ലി​മെ​ന്‍ററി സ്കൂ​ളി​ൽ സം​ഘ​ടി​പ്പി​ച്ച മ​ന്ത്ര ക​ൺ​വ​ൻ​ഷ​ൻ ശു​ഭാ​രം​ഭ​വും വാഷിംഗ്ടൺ ഡി​സി ചാ​പ്റ്റ​ർ ഉ​ദ്ഘാ​ട​ന​വും ശ്ര​ദ്ധേ​യ​മാ​യി. വാ​ഷിംഗ്ടൺ ഡി​സി മെ​ട്രോ റീ​ജ​ണി​ലെ മ​ല​യാ​ളി ക​മ്യൂ​ണി​റ്റി പ​ങ്കെ​ടു​ത്ത പ​രി​പാ​ടി അ​ഞ്ജ​ലി വാ​രി​യ​രു​ടെ പ്രാ​ർ​ഥ​നാ ഗാ​ന​ത്തോ​ടെ​യാ​ണ് ആ​രം​ഭി​ച്ച​ത്. മ​ന്ത്ര പ്ര​സി​ഡ​ന്‍റ് ശ്യാം ​ശ​ങ്ക​ർ മു​ഖ്യാ​തി​ഥി​യാ​യി​രു​ന്നു.

വ​സു​ദൈ​വ കു​ടും​ബ​കം എ​ന്ന ആ​ശ​യ​ത്തി​ലാ​ണ് മ​ന്ത്ര പ്ര​വ​ർ​ത്തി​ക്കു​ന്ന​തെ​ന്ന​തും മ​ന്ത്ര​യു​ടെ ല​ക്ഷ്യ​ങ്ങ​ളും ശ്യാം ​ശ​ങ്ക​റും വാ​ഷിംഗ്ടൺ ഡി​സി ചാ​പ്റ്റ​ർ പ്ര​സി​ഡ​ന്‍റ് സ​രൂ​പാ അ​നി​ലും വി​ശ​ദ​മാ​ക്കി.

സ​നാ​ത​ന ധ​ർ​മം പ​രി​പാ​ലി​ക്കു​ന്ന​തി​ലൂ​ടെ ലോ​ക​സ​മാ​ധാ​ന​ത്തി​ന് വേ​ണ്ടി​യു​ള്ള പ്ര​വ​ർ​ത്ത​ന​ങ്ങ​ളി​ൽ പ​ങ്കാ​ളി​ക​ളാ​കാ​ൻ മ​ന്ത്ര കു​ടും​ബ​ത്തി​ന് സാ​ധി​ക്കു​മെ​ന്ന് മ​ന്ത്ര ജ​ന​റ​ൽ സെ​ക്ര​ട്ട​റി ഷി​ബു ദി​വാ​ക​ര​ൻ ചൂ​ണ്ടി​ക്കാ​ട്ടി.​കേ​ര​ള ക​ൾ​ച​റ​ൽ സൊ​സൈ​റ്റി ഓ​ഫ് മെ​ട്രോ​പൊ​ളി​റ്റ​ൻ ഡി​സി, കേ​ര​ള അ​സോ​സി​യേ​ഷ​ൻ ഓ​ഫ് ഗ്രെ​യ്റ്റ​ർ വാ​ഷി​ങ്ട​ൻ, നാ​യ​ർ സൊ​സൈ​റ്റി ഓ​ഫ് ഗ്രേ​റ്റ​ർ വാ​ഷിംഗ്ടൺ, ശി​വ​ഗി​രി ഫൗ​ണ്ടേ​ഷ​ൻ ഓ​ഫ് നോ​ർ​ത്ത് അ​മേ​രി​ക്ക, ദു​ർ​ഗ ടെം​പി​ൾ എ​ന്നി​വ​യു​ടെ പ്ര​തി​നി​ധി​ക​ൾ ആ​ശ​സ​ക​ൾ അ​ർ​പ്പി​ച്ചു. മ​നോ​ഹ​ര​മാ​യ ക​ലാ​പ്ര​ക​ട​ന​ങ്ങ​ൾ പ​രി​പാ​ടി​ക്ക് കൂ​ടു​ത​ൽ മി​ഴി​വേ​കി.


സ​നാ​ത​ന​ധ​ർ​മ്മം പ​രി​പാ​ലി​ക്കു​ന്ന​തി​നാ​യി ന​ൽ​കി​യ സം​ഭാ​വ​ന​ക​ളെ മാ​നി​ച്ച് സ​ത്യാ മേ​നോ​നെ, മ​ന്ത്ര ട്ര​സ്റ്റീ ബോ​ർ​ഡ് വൈ​സ് ചെ​യ​ർ ഡോ. ​രേ​ഖ മേ​നോ​ൻ ഹാ​രാ​ർ​പ്പ​ണം ന​ൽ​കി ആ​ദ​രി​ച്ചു.​ പു​തി​യ ത​ല​മു​റ​യി​ലെ കു​ട്ടി​ക​ളി​ലെ ക​ലാ​വാ​സ​ന പ​രി​പോ​ഷി​പ്പി​ക്കു​ന്ന​തി​ന് ന​ൽ​കു​ന്ന സം​ഭാ​വ​ന​ക​ളെ മാ​നി​ച്ച് കെസിഎ​സ് പ്ര​സി​ഡന്‍റ് കൂ​ടി ആ​യ അ​നീ​ഷ് സേ​ന​നെ അ​ധ്യ​ക്ഷ​ൻ പൊ​ന്നാ​ട ന​ൽ​കി ആ​ദ​രി​ച്ചു.

ഈ ​വ​ർ​ഷം ജൂ​ലൈ​യി​ൽ ന​ട​ക്കു​ന്ന ഷാ​ർ​ല​റ്റ് മ​ന്ത്ര ശി​വോ​ഹം ക​ൺ​വ​ൻ​ഷ​നി​ലേ​ക്ക് ക​ൺ​വ​ൻ​ഷ​ൻ ചെ​യ​ർ വി​നോ​ദ് കു​മാ​റും, ക​ൺ​വ​ൻ​ഷ​ൻ ടീം ​അം​ഗം അ​രു​ൺ നാ​യ​രും ഒ​രു​ക്ക​ങ്ങ​ളെ​ക്കു​റി​ച്ചു വി​ശ​ദീ​ക​രി​ച്ചു. മ​ന്ത്ര കു​ടും​ബ​ത്തി​ലെ മു​തി​ർ​ന്ന അം​ഗ​ങ്ങ​ളാ​യ മോ​ഹ​ൻ കു​മാ​റും, സ​ത്യാ മേ​നോ​നും ചേ​ർ​ന്ന് കു​ട്ടി​ക​ൾ​ക്ക് വി​ഷു കൈ​നീ​ട്ടം ന​ൽ​കി.