കേ​ര​ള സ​ർ​ക്കാ​രു​മാ​യി സ​ഹ​ക​രി​ച്ച് ല​ഹ​രി​ക്കെ​തി​രേ കൈ​കോ​ർ​ത്ത് ഫൊ​ക്കാ​ന
Thursday, April 10, 2025 11:51 AM IST
ശ്രീ​കു​മാ​ർ ഉ​ണ്ണി​ത്താ​ൻ
ന്യൂ​യോ​ർ​ക്ക്: ല​ഹ​രി​ക്കെ​തി​രേ കേ​ര​ള സ​ർ​ക്കാ​രു​മാ​യി കൈ​കോ​ർ​ത്ത് പ്ര​വ​ർ​ത്തി​ക്കാ​ൻ ഫൊ​ക്കാ​ന. മ​ന്ത്രി ആ​ർ. ബി​ന്ദു​വു​മാ​യു​ള്ള ച​ർ​ച്ച​യി​ലാ​ണ് സ​ർ​ക്കാ​രു​മാ​യി ഫൊ​ക്കാ​ന സ​ഹ​ക​രി​ച്ച് പ്ര​വ​ർ​ത്തി​ക്കാം എ​ന്ന് തീ​രു​മാ​ന​മാ​യ​ത്. ഇ​ത് പ്ര​കാ​രം ഫൊ​ക്കാ​ന നാ​ലി​ന പ​രി​പാ​ടി​ക​ൾ സ​ർ​ക്കാ​രു​മാ​യി സ​ഹ​ക​രി​ച്ചു കേ​ര​ള​ത്തി​ൽ ന​ട​പ്പി​ലാ​ക്കു​ന്ന​താ​ണ്.

ഫൊ​ക്കാ​ന​യു​ടെ ഓ​ഗ​സ്റ്റ് 1, 2, 3 ദി​വ​സ​ങ്ങി​ൽ കേ​ര​ള​ത്തി​ലെ കു​മ​ര​ക​ത്ത് ന​ട​ക്കു​ന്ന കേ​ര​ള ക​ൺ​വ​ൻ​ഷ​ന്‍റെ ആ​ദ്യ​ദി​നം ല​ഹ​രി​ക്കെ​തി​രേ​യു​ള്ള ഒ​രു വി​ളം​ബ​ര​മാ​യി ഫൊ​ക്കാ​ന ന​ട​ത്താ​ൻ തീ​രു​മാ​നി​ച്ച​താ​യി പ്ര​സി​ഡ​ന്‍റ് സ​ജി​മോ​ൻ ആ​ന്‍റ​ണി അ​റി​യി​ച്ചു.

ഫൊ​ക്കാ​ന ന​ട​ത്തു​ന്ന പ​രി​പാ​ടി​ക​ളി​ൽ ഒ​ന്നാ​ണ് ഐ ​ഡി​ഫ​ൻ​ഡ​ർ കാ​മ്പ​യി​ൻ. സ്കൂ​ളു​ക​ളി​ലും കോ​ള​ജു​ക​ളി​ലും ല​ഹ​രി ഉ​പ​യോ​ഗി​ക്കു​ന്ന​ത് റി​പ്പോ​ർ​ട്ട് ചെ​യ്യു​ക​യും അ​ത് ശ​രി​യാ​ണ് എ​ന്ന് തി​രി​ച്ച​റി​യു​ക​യാ​ണെ​ങ്കി​ൽ അ​ങ്ങ​നെ​യു​ള്ള​വ​ർ​ക്ക് കാ​ഷ് അ​വാ​ർ​ഡും പ്ര​ശ​സ്തി പ​ത്ര​ങ്ങ​ളും പാ​രി​തോ​ഷി​ക​ങ്ങ​ളും ന​ൽ​കി ആ​ദ​രി​ക്കു​ന്ന​താ​ണ് ഈ ​പ​രി​പാ​ടി. ഇ​ങ്ങ​നെ​യു​ള്ള ആ​ളു​ക​ളു​ടെ വി​വ​രം ര​ഹ​സ്യ​മാ​യി സൂ​ക്ഷി​ക്കു​ക​യും ചെ​യ്യു​ന്ന​താ​യി​രി​ക്കും.

ല​ഹ​രി ബോ​ധ​വ​ത്ക​ര​ണ പ​രി​പാ​ടി​ക​ൾ: അ​തി​നു​വേ​ണ്ടി സ്കൂ​ള്‍ കോ​ള​ജ് ല​ഹ​രി വി​രു​ദ്ധ ക്ല​ബു​ക​ള്‍, സം​സ്ഥാ​ന ലൈ​ബ്ര​റി കൗ​ണ്‍​സി​ല്‍, മ​ദ്യ​വ​ര്‍​ജ​ന സ​മി​തി​ക​ള്‍, സ​ന്ന​ദ്ധ സം​ഘ​ട​ന​ക​ള്‍, വി​ദ്യാ​ര്‍​ഥി - യു​വ​ജ​ന - മ​ഹി​ളാ സം​ഘ​ട​ന​ക​ള്‍ എ​ന്നി​വ​രു​ടെ പ​ങ്കാ​ളി​ത്ത​ത്തോ​ടു​കൂ​ടി ല​ഹ​രി​ക്കെ​തി​രേ ബോ​ധ​വ​ത്ക​ര​ണ പ്ര​വ​ര്‍​ത്ത​ന​ങ്ങ​ള്‍ സം​ഘ​ടി​പ്പി​ക്കു​ക എ​ന്ന​താ​ണ് ഒ​രു ല​ക്ഷ്യം.


സോ​ഷ്യ​ൽ മീ​ഡി​യ പ്ര​ചാ​ര​ണം, ല​ഹ​രി വി​രു​ദ്ധ ക​വി​ത - ക​ഥ ര​ച​ന മ​ത്സ​ര​ങ്ങ​ൾ തു​ട​ങ്ങി നി​ര​വ​ധി പ​രി​പാ​ടി​ളും ഇ​തി​നോ​ട് അ​നു​ബ​ന്ധി​ച്ചു സം​ഘ​ടി​പ്പി​ക്കു​ന്ന​താ​ണ്. ഇ​ങ്ങ​നെ തെ​ര​ഞ്ഞെ​ടു​ക്ക​പ്പെ​ടു​ന്ന വി​ജ​യി​ക​ൾ​ക്ക് ഫൊ​ക്കാ​ന കേ​ര​ള ക​ൺ​വ​ൻ​ഷ​നി​ൽ വ​ച്ച് സ​മ്മാ​ന​ങ്ങ​ൾ ന​ൽ​കും.

സൈ​ക്കോ​ള​ജി​ക്ക​ൽ ഹെ​ൽ​പ്: ല​ഹ​രി​ക്ക്‌ അ​ടി​മ​ക​ളാ​യ കു​ട്ടി​ക​ൾ​ക്ക് അ​തി​ൽ നി​ന്നും മു​ക്തി നേ​ടു​വാ​ൻ ആ​യി സൈ​ക്കോ​ള​ജി​ക്ക​ൽ ഹെ​ൽ​പ് ഫൊ​ക്കാ​ന ഹെ​ൽ​ത്ത് ക്ലി​നി​ക് വ​ഴി ന​ൽ​കു​വാ​നും പ്ലാ​ൻ ചെ​യ്യു​ന്നു.

ജ​ന​പ്ര​തി​നി​ധി​ക​ൾ, രാ​ഷ്ട്രീ​യ സാ​മു​ദാ​യി​ക, മ​ത, സാം​സ്‌​കാ​രി​ക, സി​നി​മ രം​ഗ​ങ്ങ​ളി​ലെ പ്ര​തി​നി​ധി​ക​ൾ ഈ ​ശൃം​ഖ​ല​യി​ൽ അ​ണി​നി​ര​ക്കും. വി​ദ്യാ​ല​യ​ങ്ങ​ൾ​ക്കും മാ​ത്ര​മ​ല്ല സ​മൂ​ഹ​ത്തി​ലെ മ​റ്റു യു​വ​ജ​ന​ങ്ങ​ൾ​ക്കും ഇ​തി​ന്‍റെ പ്ര​യോ​ജ​നം കി​ട്ടും വി​ധ​ത്തി​ലാ​ണ് ഫൊ​ക്കാ​ന​യു​ടെ പ്ര​ച​ര​ണ പ​രി​പാ​ടി​ക​ൾ.

ഉ​ന്ന​ത വി​ദ്യ​ഭ്യാ​സ വ​കു​പ്പ് മ​ന്ത്രി ആ​ർ. ബി​ന്ദു ഫൊ​ക്കാ​ന​യു​ടെ ല​ഹ​രി​വി​രു​ദ്ധ പ്ര​വ​ർ​ത്ത​ന​ങ്ങ​ളെ അ​നു​മോ​ദി​ച്ചു. ഫൊ​ക്കാ​ന​യു​മാ​യി ചേ​ർ​ന്ന് ഈ ​പ​ദ്ധ​തി​യെ വി​ജ​യി​പ്പി​ക്കാ​ൻ ക​ഴി​യും എ​ന്ന് പ്ര​ത്യാ​ശ​യും പ്ര​ക​ടി​പ്പി​ച്ചു.