ക​ത്തി വീ​ശി​യ കൗ​മാ​ര​ക്കാ​ര​ന് നേരെ പോ​ലീ​സ് വെ​ടി​യു​യ​ർ​ത്തി; ഗു​രു​ത​ര പ​രി​ക്ക്
Friday, April 11, 2025 7:24 AM IST
പി .പി. ചെ​റി​യാ​ൻ
ഇ​ഡാ​ഹോ: പോ​ലീ​സി​നു നേ​രെ ക​ത്തി വീ​ശി​യ കൗ​മാ​ര​ക്കാ​ര​നെ പോ​ലീ​സ് ഒന്പത് ത​വ​ണ വെ​ടി​യു​തി​ർ​ത്തു. വെ​ടി​യേ​റ്റ് ഗു​രു​ത​ര​മാ​യി പ​രു​ക്കേ​റ്റ പ​തി​നേ​ഴു​കാ​ര​നാ​യ വി​ക്ട​ർ പെ​ര​സി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. പൊ​ക്കാ​റ്റെ​ല്ലോ​യി​ലെ പോ​ർ​ട്ട്ന്യൂ​ഫ് റീ​ജ​ണൽ മെ​ഡി​ക്ക​ൽ സെ​ന്‍ററി​ൽ ചി​കി​ത്സ​യി​ൽ ക​ഴി​യു​ന്ന വി​ക്ട​റി​ന്‍റെ നി​ല അ​തീ​വ ഗു​രു​ത​ര​മാ​ണ്.

ഇ​ഡാ​ഹോ​യി​ലെ പൊ​ക്കാ​റ്റെ​ല്ലോ പ​ട്ട​ണ​ത്തി​ലെ വീ​ട്ടി​ൽ ശ​നി​യാ​ഴ്ച​യാ​ണ് വി​ക്ട​ർ പെ​ര​സി​ന് വെ​ടി​യേ​റ്റ​ത്. വി​ക്ട​ർ മാ​ന​സി​ക വൈ​ക​ല്യ​മു​ള്ള വ്യ​ക്തി​യാ​ണെ​ന്നും സെ​റി​ബ്ര​ൽ പാ​ൾ​സി ബാ​ധി​ത​നാ​ണെ​ന്നും ഇം​ഗ്ലി​ഷ് ഭാ​ഷ പ​രി​മി​ത​മാ​യി മാ​ത്ര​മേ സം​സാ​രി​ക്കു​ക​യു​ള്ളു​വെ​ന്നും കു​ടും​ബം പ​റ​ഞ്ഞു.
പ​രു​ക്കേ​റ്റ വി​ക്ട​റി​ന്‍റെ ഇ​ട​തു​കാ​ൽ മു​റി​ച്ചു​മാ​റ്റി​യ​താ​യും ഗു​രു​ത​രാ​വ​സ്ഥ​യി​ലാ​ണെ​ന്നും കു​ടും​ബം പ​റ​ഞ്ഞ​താ​യി പ്രാ​ദേ​ശി​ക മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു.


വീ​ട്ടു​മു​റ്റ​ത്തെ​ത്തി​യ പോ​ലീ​സി​ന് നേ​ർ​ക്ക് വി​ക്ട​ർ ക​ത്തി വീ​ശു​ക​യാ​യി​രു​ന്നു. പ​ല ത​വ​ണ ക​ത്തി താ​ഴെ​യി​ടാ​ൻ പോ​ലീ​സ് ആ​വ​ശ്യ​പ്പെ​ട്ടി​ട്ടും അ​നു​സ​രി​ക്കാ​തെ വ​ന്ന​തോ​ടെ​യാ​ണ് വി​ക്ട​റി​ന് നേ​ർ​ക്ക് വെ​ടി​യു​തി​ർ​ത്ത​ത്.

എ​ന്നാ​ൽ വി​ക്ട​റി​ന്‍റെ ആ​രോ​ഗ്യാ​വ​സ്ഥ പ​രി​ഗ​ണി​ക്കാ​തെ​യാ​ണ് പോ​ലീ​സ് നി​റ​യൊ​ഴി​ച്ച​തെ​ന്ന് അ​മ്മ ആ​രോ​പി​ച്ചു. സം​ഭ​വ​ത്തെ​ക്കു​റി​ച്ച് ഈ​സ്റ്റ് ഇ​ഡാ​ഹോ ക്രി​ട്ടി​ക്ക​ൽ ഇ​ൻ​സി​ഡ​ന്‍റ് ടാ​സ്ക് ഫോ​ഴ്സും പൊ​ക്കാ​റ്റെ​ല്ലോ പോ​ലീ​സും അ​ന്വേ​ഷ​ണം ന​ട​ത്തു​ന്നു​ണ്ട്.