വ​ത്തി​ക്കാ​ൻ സി​റ്റി: ശ്വാ​സ​കോ​ശ രോ​ഗ​ത്തെ​ത്തു​ട​ർ​ന്നു ചി​കി​ത്സ​യി​ലാ​യി​രു​ന്ന ഫ്രാ​ൻ​സി​സ് മാ​ർ​പാ​പ്പ 38 ദി​വ​സ​ത്തി​നു​ശേ​ഷം ആ​ശു​പ​ത്രി വി​ട്ടു. പ്രാ​ദേ​ശി​ക​സ​മ​യം ഞാ​യ​റാ​ഴ്ച ഉ​ച്ച​യ്ക്കു 12ന് ​വ​ത്തി​ക്കാ​നി​ലേ​ക്ക് മ​ട​ങ്ങു​ന്ന​തി​നു​മു​ന്പ് റോ​മി​ലെ ജെ​മെ​ല്ലി ആ​ശു​പ​തി​യു​ടെ അ​ഞ്ചാം നി​ല​യു​ടെ ബാ​ൽ​ക്ക​ണി​യി​ൽ വീ​ൽ​ചെ​യ​റി​ൽ ഇ​രു​ന്നു​കൊ​ണ്ട് മാ​ർ​പാ​പ്പ വി​ശ്വാ​സി​ക​ളെ അ​ഭി​സം​ബോ​ധ​ന ചെ​യ്തു.

വീ​ൽ​ചെ​യ​റി​ൽ ജ​നാ​ല​യ്ക്ക​രി​കി​ലെ​ത്തി​യ​പ്പോ​ഴേ​ക്കും "വി​വ ഇ​ൽ പാ​പ്പ' "പാ​പ്പ ഫ്ര​ഞ്ചെ​സ്കോ' വി​ളി​ക​ളും ക​ര​ഘോ​ഷ​ങ്ങ​ളും കൊ​ണ്ട് ആ​ശു​പ​ത്രി പ​രി​സ​രം ശ​ബ്‌​ദ​മു​ഖ​രി​ത​മാ​യി​രു​ന്നു. ത​ന്നെ കാ​ണാ​ന്‍ ആ​ശു​പ​ത്രി പ​രി​സ​ര​ത്ത് കൈ​ക​ളി​ൽ പൂ​ക്ക​ളും, "വെ​ൽ​ക്കം ഹോം' ​എ​ന്നെ​ഴു​തി​യ ബാ​ന​റു​ക​ളു​മാ​യി കാ​ത്തു​നി​ന്ന വി​ശ്വാ​സി​ക​ള്‍​ക്കു നേ​രേ കൈ ​വീ​ശി അ​ഭി​വാ​ദ്യം ചെ​യ്ത മാ​ര്‍​പാ​പ്പ, ദൈ​വം നി​ങ്ങ​ളെ അ​നു​ഗ്ര​ഹി​ക്ക​ട്ടേ​യെ​ന്നും നി​ങ്ങ​ളു​ടെ പ്രാ​ർ​ഥ​ന​യ്ക്ക് ഒ​ത്തി​രി ന​ന്ദി​യെ​ന്നും പ്ര​തി​ക​രി​ച്ചു. തു​ട​ർ​ന്ന് എ​ല്ലാ​വ​രെ​യും ആ​ശീ​ർ​വ​ദി​ച്ചു.


ഡി​സ്ചാ​ർ​ജാ​കു​ന്ന​തി​നു​മു​ന്പ് ജെ​മെ​ല്ലി ആ​ശു​പ​ത്രി അ​ധി​കൃ​ത​രു​മാ​യും ത​ന്നെ ചി​കി​ത്സി​ച്ച ഡോ​ക്‌​ട​ർ​മാ​രു​മാ​യും മെ​ഡി​ക്ക​ൽ ജീ​വ​ന​ക്കാ​രു​മാ​യും കൂ​ടി​ക്കാ​ഴ്ച ന​ട​ത്തി​യ മാ​ർ​പാ​പ്പ എ​ല്ലാ​വ​ർ​ക്കും ഒ​രി​ക്ക​ൽ​ക്കൂ​ടി ന​ന്ദി പ​റ​ഞ്ഞു. രോ​ഗ​മു​ക്ത​നാ​യി വ​ത്തി​ക്കാ​നി​ലേ​ക്കു മ​ട​ങ്ങി​യ മാ​ർ​പാ​പ്പ​യു​ടെ വാ​ഹ​ന​വ്യൂ​ഹം ക​ട​ന്നു​പോ​കു​ന്പോ​ൾ പൂ​ക്ക​ളു​മാ​യി നൂ​റു​ക​ണ​ക്കി​നു പേ​രാ​ണ് ത​ടി​ച്ചു​കൂ​ടി അ​ഭി​വാ​ദ്യ​മ​ർ​പ്പി​ച്ച​ത്.

അ​തേ​സ​മ​യം വ​ത്തി​ക്കാ​നി​ലേ​ക്കു​ള്ള മ​ട​ക്ക​യാ​ത്ര​യി​ൽ ഫ്രാ​ൻ​സി​സ് മാ​ർ​പാ​പ്പ റോ​മി​ലെ മേ​രി മേ​ജ​ർ ബ​സി​ലി​ക്ക​യി​ൽ എ​ത്തു​ക​യും പ​രി​ശു​ദ്ധ ക​ന്യ​കാ​മാ​താ​വി​ന്‍റെ തി​രു​സ്വ​രൂ​പ​ത്തി​നു മു​ന്പി​ൽ സ​മ​ർ​പ്പി​ക്കാ​ൻ ക​ർ​ദി​നാ​ൾ റോ​ലാ​ൻ​ദാ​സ് മ​ക്രി​ക്കാ​സി​നു പൂ​ക്ക​ൾ ന​ൽ​കു​ക​യും ചെ​യ്തു.

ശ്വാ​സ​നാ​ള വീ​ക്ക​ത്തെ​ത്തു​ട​ർ​ന്ന് ഫെ​ബ്രു​വ​രി 14നാ​ണ് മാ​ർ​പാ​പ്പ​യെ റോ​മി​ലെ ജെ​മെ​ല്ലി ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്.