വി​ദ്യാ​ർ​ഥി​ക​ൾ​ക്ക് ആ​ത്മ​ധൈ​ര്യം ന​ൽ​കി ക​മ്യൂണി​റ്റി സോ​ഷ്യ​ൽ വ​ർ​ക്ക​ർ​മാ​ർ
Saturday, March 2, 2024 1:50 AM IST
വ​ട​ക്ക​ഞ്ചേ​രി: എ​സ്എ​സ്എ​ൽ​സി പ​രീ​ക്ഷ തി​ങ്ക​ളാ​ഴ്ച ആ​രം​ഭി​ക്കാ​നി​രി​ക്കെ പ​ഠി​ച്ച പാ​ഠ​ഭാ​ഗ​ങ്ങ​ൾ അ​വ​സാ​ന ദി​വ​സ​ങ്ങ​ളി​ൽ മ​ന​സി​ൽ ഉ​റ​പ്പി​ക്കു​ന്ന തി​ര​ക്കു​ക​ളി​ലാ​ണ് വി​ദ്യാ​ർ​ഥി​ക​ൾ. പേ​പ്പ​ർ ഒന്ന് മ​ല​യാ​ള​മാ​ണ് ആ​ദ്യ ദി​വ​സ​ത്തെ പ​രീ​ക്ഷ. 25ന് ​സോ​ഷ്യ​ൽ സ​യ​ൻ​സ് പ​രീ​ക്ഷ​യോ​ടെ മൂ​ന്നാ​ഴ്ച നീ​ളു​ന്ന പ​രീ​ക്ഷ അ​വ​സാ​നി​ക്കും. ചൂ​ടി​ന്‍റെ അ​സ്വ​സ്ഥ​ത​ക​ൾ വ​ല്ലാ​തെ അ​ല​ട്ടു​ന്നു​ണ്ടെ​ങ്കി​ലും അ​തി​നെ​യെ​ല്ലാം അ​തി​ജീ​വി​ച്ച് പ​രീ​ക്ഷ​യ്ക്കാ​യി ന​ന്നാ​യി ഒ​രു​ങ്ങി​യി​ട്ടു​ണ്ടെ​ന്ന് ആ​യ​ക്കാ​ട് പ്രീ​മെ​ട്രി​ക് ഹോ​സ്റ്റ​ലി​ൽ നി​ന്നും എ​സ്എ​സ്എ​ൽ​സി പ​രീ​ക്ഷ എ​ഴു​തു​ന്ന ഗൗ​തം​ഘോ​ഷും സൂ​ര്യ​യും പ​റ​ഞ്ഞു.

സ​മീ​പ​ത്തെ ആ​യ​ക്കാ​ട് ഹ​യ​ർ സെ​ക്ക​ൻ​ഡ​റി സ്കൂ​ളി​ലാ​ണ് ഇ​വ​ർ പ​രീ​ക്ഷ എ​ഴു​തു​ന്ന​ത്. അ​ഞ്ചു മു​ത​ൽ പ​ത്താം ക്ലാ​സ് വ​രെ​യു​ള്ള ക്ലാ​സു​ക​ളി​ലെ ആ​ൺ​കു​ട്ടി​ക​ളാ​ണ് ഈ ​ഹോ​സ്റ്റ​ലി​ലു​ള്ള​ത്. അ​യ​ൽ​വാ​സി​ക​ളാ​യ നാ​ട്ടു​കാരും പ്രീ​മെ​ട്രി​ക് ഹോ​സ്റ്റ​ലി​ലെ അ​ന്തേ​വാ​സി​ക​ളാ​യ കു​ട്ടി​ക​ൾ​ക്ക് ധൈ​ര്യം ന​ല്കാ​നു​ണ്ട്. കു​ട്ടി​ക​ൾ​ക്ക് ഗ്രേ​ഡു​ക​ളി​ൽ മി​ക​ച്ച​ത് ത​ന്നെ കി​ട്ട​ണ​മെ​ന്ന മോ​ഹം അ​യ​ൽ​വാ​സി​ക​ൾ​ക്കു​മു​ണ്ട്. അ​ത​ല്ലെ​ങ്കി​ൽ ഉ​പ​രി​പ​ഠ​ന സാ​ധ്യ​ത മ​ങ്ങും. മൂ​ല്യ​നി​ർ​ണ​യം അ​ത്ര ക​ർ​ക്ക​ശ​മ​ല്ലാ​ത്ത​തി​നാ​ൽ എ​സ്എ​സ്എ​ൽ​സി എ​ന്ന ക​ട​മ്പ ക​ട​ക്ക​ൽ പ​ണ്ട​ത്തേ​തു​പോ​ലെ അ​ത്ര ബു​ദ്ധി​മു​ട്ടു​ള്ള​ത​ല്ല.

ഫു​ൾ എ ​പ്ല​സ് നേ​ടു​ന്ന​വ​രാ​ണ് ഇ​പ്പോ​ൾ മി​ടു​ക്ക​ന്മാ​രും മി​ടു​ക്കി​ക​ളു​മാ​കു​ക. സ്കൂ​ൾ അ​ധി​കൃ​ത​ർ​ക്കും ഇ​ത്ത​രം കു​ട്ടി​ക​ളോ​ടാ​ണ് ഇ​ഷ്ട കൂ​ടു​ത​ലും. സ്കൂ​ളിന്‍റെ സ​ൽ​പ്പേ​ര് നാ​ട​റി​യ​ണ​മെ​ങ്കി​ൽ ഫു​ൾ എ ​പ്ല​സ് കി​ട്ടു​ന്ന​വ​രു​ടെ എ​ണ്ണം കൂ​ട​ണം. ര​ക്ഷി​താ​ക്ക​ൾ​ക്കും ത​ന്‍റെ മ​ക​നും മ​ക​ളും ഫു​ൾ എ ​പ്ല​സ് നേ​ട​ണ​മെ​ന്നു ത​ന്നെ​യാ​ണ് ആ​ഗ്ര​ഹം.

ആ​യ​ക്കാ​ട് ഉ​ൾ​പ്പെ​ടെ​യു​ള്ള ജി​ല്ല​യി​ലെ ഒ​രു ഡ​സ​നോ​ളം പ്രീ​മെ​ട്രി​ക് ഹോ​സ്റ്റ​ലു​ക​ളി​ൽ നി​ന്നെ​ല്ലാം കു​ട്ടി​ക​ൾ പ​ത്താം ക്ലാ​സ് പ​രീ​ക്ഷ എ​ഴു​തു​ന്നു​ണ്ട്. സം​ശ​യ​ങ്ങ​ൾ തീ​ർ​ക്കാ​നും പ​രീ​ക്ഷപേ​ടി അ​ക​റ്റാ​നും ഇ​വ​ർ​ക്കൊ​പ്പം രാ​വി​ലേ​യും വൈ​കു​ന്നേ​ര​വും ട്യൂ​ഷ​ൻ ടീ​ച്ച​ർ​ന്മാ​രു​മു​ണ്ട്. ഇ​തു കൂ​ടാ​തെ​യാ​ണ് ജി​ല്ലാ പ​ട്ടി​ക​ജാ​തി ഓ​ഫീ​സി​ൽ നി​ന്നും ക​മ്യൂണി​റ്റി സോ​ഷ്യ​ൽ വ​ർ​ക്ക​ർ​മാ​ർ കു​ട്ടി​ക​ളു​ടെ പ​രീ​ക്ഷാ​പേടി മാ​റ്റാ​ൻ എ​ത്തു​ന്ന​തെ​ന്ന് ക​മ്യൂണി​റ്റി സോ​ഷ്യ​ൽ വ​ർ​ക്ക​റാ​യ സു​ജി​ത് പ​റ​ഞ്ഞു.

അ​തി​രാ​വി​ലെ അ​ഞ്ചു മു​ത​ൽ ഇ​വ​രു​ടെ പ​ഠ​നം ആ​രം​ഭി​ക്കും.​ പ്ര​ഭാ​ത ജോ​ലി​ക​ൾ, കു​ളി, തു​ണി​ക​ഴു​ക​ൽ, ഭ​ക്ഷ​ണം തു​ട​ങ്ങി​വ​യ്ക്കു​ള്ള സ​മ​യ​മൊ​ഴി​കെ കൂ​ടു​ത​ൽ സ​മ​യ​വും പ​ഠ​ന​ത്തി​നാ​ണ് ഈ ​ദി​വ​സ​ങ്ങ​ളി​ൽ ചെ​ല​വ​ഴി​ക്കു​ന്ന​ത്. ര​സ​ത​ന്ത്ര വി​ഷ​യ​മാ​ണ് കു​ട്ടി​ക​ൾ​ക്ക് അ​ല്പം ക​ടു​പ്പം കൂ​ടു​ത​ലു​ള്ള​ത്. ചേ​ട്ട​ൻമാ​ർ​ക്ക് പ​ഠ​ന സൗ​ക​ര്യ​ങ്ങ​ൾ ഒ​രു​ക്കാ​ൻ അ​നു​ജ​ന്മാ​രും ഒ​പ്പ​മു​ണ്ട്. മു​ൻ​വ​ർ​ഷ​ങ്ങ​ളി​ലെ​ല്ലാം നൂ​റ് ശ​ത​മാ​നം വി​ജ​യ​മാ​ണ് ഹോ​സ്റ്റ​ലി​ൽ ഉ​ണ്ടാ​യി​ട്ടു​ള്ള​ത്. അ​തി​ന് മാ​റ്റം ഉ​ണ്ടാ​കി​ല്ല എ​ന്ന​തി​ലു​പ​രി മി​ക​ച്ച മാ​ർ​ക്കോ​ടെ കു​ട്ടി​ക​ൾ വി​ജ​യി​ക്കു​മെ​ന്ന പ്ര​തീ​ക്ഷ​യാ​ണു​ള്ള​തെ​ന്ന് ഹോ​സ്റ്റ​ൽ വാ​ർ​ഡ​ൻ പി.​കെ.​ബി​ജു പ​റ​ഞ്ഞു.