വ​ട​ക്ക​ഞ്ചേ​രി: വ​ന​ത്തി​ൽ​നി​ന്നും ആ​ദി​വാ​സി​ക​ൾ ശേ​ഖ​രി​ക്കു​ന്ന പ​ച്ച​മ​രു​ന്നു​ക​ൾ​ക്ക് ന്യാ​യ​വി​ല ല​ഭ്യ​മാ​ക്കാ​ൻ ന​ട​പ​ടി സ്വീ​ക​രി​ക്കു​മെ​ന്ന വ​നം​വ​കു​പ്പി​ന്‍റെ ഉ​റ​പ്പ് മേ​ഖ​ല​യി​ലെ ആ​ദി​വാ​സി​വി​ഭാ​ഗ​ങ്ങ​ൾ​ക്ക് ആ​ശ്വാ​സ​മാ​കു​മെ​ന്ന് വി​ല​യി​രു​ത്ത​ൽ.

നി​ല​വി​ൽ പ​ച്ച​മ​രു​ന്നു​ക​ൾ ഉ​ൾ​പ്പെ​ടെ വ​ന​വി​ഭ​വ​ങ്ങ​ൾ സം​ഭ​രി​ക്കു​ന്ന​തി​നോ വി​ല്പ​ന ന​ട​ത്തു​ന്ന​തി​നോ മേ​ഖ​ല​യി​ൽ ഒ​രി​ട​ത്തും സം​വി​ധാ​ന​ങ്ങ​ളി​ല്ല. ഇ​തി​നാ​ൽ കി​ട്ടി​യ വി​ല​ക്ക് വി​ല​കൂ​ടി​യ പ​ല പ​ച്ച​മ​രു​ന്നു​ക​ളും ഇ​ട​നി​ല​ക്കാ​ർ​ക്ക് വി​ൽ​ക്കേ​ണ്ട ഗ​തി​കേ​ടാ​ണ് ആ​ദി​വാ​സി​ക​ൾ​ക്കു​ള്ള​ത്.

ഇ​തു​മൂ​ലം വ​ലി​യതോ​തി​ലു​ള്ള ചൂ​ഷ​ണ​വും ന​ട​ക്കു​ന്നു​ണ്ട്. വ​ന്യ​ജീ​വി ആ​ക്ര​മ​ണ ല​ഘൂ​ക​ര​ണ തീ​വ്ര​യ​ജ്ഞ പ​രി​പാ​ടി​യു​ടെ ഭാ​ഗ​മാ​യി ആ​ദി​വാ​സി ഉ​ന്ന​തി​ക​ൾ ഉ​ൾ​പ്പെ​ടു​ന്ന കി​ഴ​ക്ക​ഞ്ചേ​രി, വ​ണ്ടാ​ഴി എ​ന്നീ പ​ഞ്ചാ​യ​ത്തു​ക​ളി​ൽ വി​ളി​ച്ചു​കൂ​ട്ടി​യ യോ​ഗ​ങ്ങ​ളി​ലാ​ണ് വ​നം​വ​കു​പ്പ് ഉ​ദ്യോ​ഗ​സ്ഥ​ർ ഈ ​ഉ​റ​പ്പ് ന​ൽ​കി​യി​ട്ടു​ള്ള​ത്. ഇ​ട​നി​ല​ക്കാ​രു​ടെ ചൂ​ഷ​ണം ഒ​ഴി​വാ​ക്കി അ​ധ്വാ​ന​ത്തി​നു​ള്ള മാ​ന്യ​മാ​യ വി​ല ആ​ദി​വാ​സി​ക​ൾ​ക്ക് ല​ഭ്യ​മാ​ക്കും. ഉ​ത്പ​ന്ന​ത്തി​ന്‍റെ വി​ല സ്ഥ​ല​ത്ത് വ​ച്ചുത​ന്നെ ന​ൽ​കാ​നും വ​നസം​ര​ക്ഷ​ണസ​മി​തി വ​ഴി സം​വി​ധാ​ന​മൊ​രു​ക്കു​മെ​ന്നും റേ​ഞ്ച് ഓ​ഫീ​സ​ർ എ​ൻ. സു​ബൈ​ർ പ​റ​ഞ്ഞു.

കോ​ട്ട​ക്ക​ൽ ആ​ര്യ​വൈ​ദ്യ​ശാ​ല​യു​മാ​യി സ​ഹ​ക​രി​ച്ച് ഉ​ത്പ​ന്ന​ങ്ങ​ൾ വി​ൽ​ക്കാ​നാ​ണ് പ​ദ്ധ​തി. അ​ട്ടക​ടി​യേ​റ്റും വ​ന്യ​മൃ​ഗഭീ​ഷ​ണി നേ​രി​ട്ടും പ​ക​ൽ മു​ഴു​വ​ൻ കാ​ട്ടി​ല​ല​ഞ്ഞ് കി​ട്ടു​ന്ന പ​ച്ച​മ​രു​ന്നു​ക​ൾ​ക്ക് യ​ഥാ​ർ​ഥ​വി​ല​യു​ടെ പ​കു​തി പോ​ലും കി​ട്ടാ​ത്ത സ്ഥി​തി​യാ​ണു​ള്ള​ത്. കൃ​ഷി ചെ​യ്തു​ണ്ടാ​ക്കു​ന്ന പ​ച്ച​മ​രു​ന്നി​നേ​ക്കാ​ൾ ഗു​ണം കാ​ട്ടി​ലെ പ​ച്ച​മ​രു​ന്നു​ക​ൾ​ക്ക് ഉ​ണ്ടെ​ന്നി​രി​ക്കെ ഇ​ത് മ​റ​ച്ചു​വ​ച്ചാ​ണ് ആ​ദി​വാ​സി​ക​ൾ ക​ബ​ളി​പ്പി​ക്ക​പ്പെ​ടു​ന്ന​ത്. കാ​ട്ടി​ൽനി​ന്നും കു​ത്തി​യി​ള​ക്കി​യെ​ടു​ക്കു​ന്ന ന​ന്നാ​രി കി​ഴ​ങ്ങ് പോ​ലെ​യു​ള്ള​വ​ക്ക് തു​ച്ഛ​മാ​യ വി​ല​യാ​ണ് ല​ഭി​ക്കു​ക.

ആ​ദി​വാ​സി​ക​ളി​ൽനി​ന്നും വ​ന​വി​ഭ​വ​ങ്ങ​ൾ ശേ​ഖ​രി​ച്ച് ന്യാ​യ​വി​ല ഉ​റ​പ്പു​വ​രു​ത്തു​ന്ന സം​ഘ​ങ്ങ​ളൊ​ന്നും മം​ഗ​ലം​ഡാം കേ​ന്ദ്രീ​ക​രി​ച്ച് ഇ​ല്ലാ​ത്ത​തി​നാ​ൽ ചൂ​ഷ​ണം തു​ട​രു​ന്ന സ്ഥി​തി​യാ​ണ്. പീ​ച്ചി വൈ​ൽ​ഡ് ലൈ​ഫ് കേ​ന്ദ്ര​ത്തി​നു കീ​ഴി​ലു​ള്ള മ​ണി​യ​ൻ കി​ണ​ർ​പ്പോ​ലെ​യു​ള്ള ഉ​ന്ന​തി​ക​ളി​ൽ വ​ന​വി​ഭ​വ​ങ്ങ​ൾ ശേ​ഖ​രി​ക്കാ​ൻ നേ​ര​ത്തെ ത​ന്നെ സം​വി​ധാ​ന​മു​ണ്ട്.

ക​ട​പ്പാ​റ മൂ​ർ​ത്തി​ക്കു​ന്ന്, ത​ളി​ക​ക്ക​ല്ല്, ക​വി​ളു​പ്പാ​റ തു​ടങ്ങി​യ മ​ല​ക​ളി​ലെ​ല്ലാം ആ​ദി​വാ​സി ഉ​ന്ന​തി​ക​ളും നി​ര​വ​ധി കു​ടും​ബ​ങ്ങ​ളു​മു​ണ്ട്. ഇ​വ​രെ​ല്ലാം വ​നവി​ഭ​വ​ങ്ങ​ൾ ശേ​ഖ​രി​ച്ചാ​ണ് ഉ​പ​ജീ​വ​ന​മാ​ർ​ഗം ക​ണ്ടെ​ത്തു​ന്ന​ത്. സൗ​ജ​ന്യ റേ​ഷ​നാ​ണ് മ​ഴ​ക്കാ​ല​മാ​സ​ങ്ങ​ളി​ൽ ഈ ​കു​ടും​ബ​ങ്ങ​ളു​ടെ​യെ​ല്ലാം ഏ​ക ആ​ശ്ര​യം. ത​ളി​ക​ക്ക​ല്ലി​ലെ അ​റു​പ​തോ​ളം കു​ടും​ബ​ങ്ങ​ൾ​ക്ക് റേ​ഷ​ൻ വാ​ങ്ങാ​ൻ പ​ത്തും പ​ന്ത്ര​ണ്ടും കി​ലോ​മീ​റ്റ​ർ ന​ട​ന്ന് പൊ​ൻ​ക​ണ്ട​ത്ത് എ​ത്ത​ണം. ഇ​വ​ർ​ക്കു​ള്ള റേ​ഷ​ൻ​സാ​ധ​ന​ങ്ങ​ൾ ക​ട​പ്പാ​റ​യി​ൽ നി​ന്നും ല​ഭ്യ​മാ​ക്ക​ണ​മെ​ന്ന ആ​വ​ശ്യ​ത്തി​ന് ഏ​റെ കാ​ല​പ്പഴ​ക്ക​മു​ണ്ടെ​ങ്കി​ലും മു​റ​വി​ളി​ക്ക് പ​രി​ഹാ​ര​മാ​യി​ട്ടി​ല്ല. അ​പൂ​ർ​വ​മാ​യ പ​ച്ച​മ​രു​ന്നു​ക​ൾ​ക്ക് വി​പ​ണി​യി​ൽ ഉ​യ​ർ​ന്ന വി​ല​യു​ണ്ടെ​ങ്കി​ലും ഇ​ട​നി​ല​ക്കാ​രാ​ണ് വി​ല തീ​രു​മാ​നി​ക്കു​ന്ന​ത്.

തേ​ൻ, നെ​ല്ലി​ക്ക സീ​സ​ണി​ലും ഇ​തുത​ന്നെ​യാ​ണ് സ്ഥി​തി. കു​റു​ന്തോ​ട്ടി, ഓ​രി​ല, മൂ​വി​ല, പാ​ൽമ​രു​ത്, പൂ​ജാ കോ​ൽ തു​ട​ങ്ങി​യ പ​ച്ച​മ​രു​ന്നു​ക​ളാ​ണ് ഈ ​സീ​സ​ണി​ൽ വ​ന​ത്തി​ൽനി​ന്നും ല​ഭി​ക്കു​ന്ന​തെ​ന്ന് ആ​ദി​വാ​സി​ക​ൾ പ​റ​യു​ന്നു.