തി​രു​വാ​ങ്കു​ളം: ല​ഹ​രി വി​പ​ത്തി​നെ​തി​രെ യാ​ക്കോ​ബാ​യ സു​റി​യാ​നി ഓ​ർ​ത്ത​ഡോ​ക്സ് സ​ഭ ആ​രം​ഭി​ക്കു​ന്ന ല​ഹ​രി വി​മു​ക്ത കേ​ന്ദ്ര​ത്തി​ന്‍റെ പ്ര​വ​ർ​ത്ത​ന​ങ്ങ​ൾ കൂ​ടു​ത​ൽ വ്യാ​പി​പ്പി​ക്കു​മെ​ന്ന് തി​രു​വാ​ങ്കു​ളം ക്യം​താ സെ​മി​നാ​രി കാ​തോ​ലി​ക്കോ​സ് റെ​സി​ഡ​ൻ​സി​ൽ ശ്രേ​ഷ്ഠ കാ​തോ​ലി​ക്ക മാ​ർ ബ​സേ​ലി​യോ​സ് ജോ​സ​ഫ് ബാ​വാ​യു​ടെ അ​ധ്യ​ക്ഷ​ത ചേ​ർ​ന്ന അ​വ​ലോ​ക​ന യോ​ഗം വ്യ​ക്ത​മാ​ക്കി.

കാ​ല​ഘ​ട്ട​ത്തി​ന്‍റെ ആ​വ​ശ്യ​മാ​യി​ക്കൊ​ണ്ടി​രി​ക്കു​ന്ന ല​ഹ​രി വി​മു​ക്ത കേ​ന്ദ്ര​ങ്ങ​ൾ പ​രി​ശു​ദ്ധ സ​ഭ​യു​ടെ എ​ല്ലാ ഭ​ദ്രാ​സ​ന​ങ്ങ​ളി​ലും ആ​രം​ഭി​ക്കു​മെ​ന്ന് ശ്രേ​ഷ്ഠ കാ​തോ​ലി​ക്ക ബാ​വ പ​റ​ഞ്ഞു. ഡി-​അ​ഡി​ക്ഷ​ൻ സെ​ന്‍റ​റി​ന്‍റെ ചു​മ​ത​ല വ​ഹി​ക്കു​ന്ന സ​ഖ​റി​യാ​സ് മാ​ർ പീ​ല​ക്സി​നോ​സ് മെ​ത്രാ​പ്പോ​ലീ​ത്ത പ്ര​ഭാ​ഷ​ണം ന​ട​ത്തി.

കൊ​ച്ചി ഭ​ദ്രാ​സ​ന​ത്തി​ന്‍റെ നേ​തൃ​ത്വ​ത്തി​ൽ വെ​ളി​യ​നാ​ട് വ​ട്ട​പ്പാ​റ​യി​ൽ ആ​രം​ഭി​ക്കു​ന്ന ആ​ദ്യ സെ​ന്‍റ​റി​ന്‍റെ പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ന്നു. കോ​ട്ട​യം ഭ​ദ്രാ​സ​ന​ത്തി​ലെ വ​ട​വാ​തൂ​ർ മാ​ർ അ​പ്രേം യാ​ക്കോ​ബാ​യ സു​റി​യാ​നി പ​ള്ളി​യി​ൽ​നി​ന്നു ഡി-​അ​ഡി​ക്ഷ​ൻ സെ​ന്‍റ​റി​ലേ​ക്ക് ആം​ബു​ല​ൻ​സ് ന​ൽ​കി.

ശ്രേ​ഷ്ഠ കാ​തോ​ലി​ക്ക ബാ​വ​യും മെ​ത്രാ​പ്പോ​ലീ​ത്ത​യും ചേ​ർ​ന്ന് പ​ള്ളി വി​കാ​രി​മാ​രാ​യ ഫാ. ​അ​ജു കെ. ​ഫി​ലി​പ്പ് കോ​ട്ട​പ്പു​റം, ഫാ. ​തോ​മ​സ് കു​ര്യ​ൻ ക​ണ്ടാ​ന്ത​റ എ​ന്നി​വ​രി​ൽ​നി​ന്ന് ആം​ബു​ല​ൻ​സി​ന്‍റെ താ​ക്കോ​ൽ സ്വീ​ക​രി​ച്ചു.