ക്രിസ്തുരാജ് ഹൈസ്കൂൾ മന്ദിരോദ്ഘാടനവും വാര്‍ഷികവും നാളെ
1509697
Friday, January 31, 2025 3:08 AM IST
കട്ടപ്പന: വലിയതോവാള ക്രിസ്തുരാജ് ഹൈസ്‌കൂളില്‍ പുതിയ മന്ദിരോദ്ഘാടനവും 68-ാമത് സ്‌കൂള്‍ വാര്‍ഷികവും യാത്ര അയപ്പ് സമ്മേളനവും നാളെ നടക്കും. രാവിലെ പത്തിന് സ്‌കൂള്‍ ഓഡിറ്റോറിയത്തില്‍ മന്ത്രി വി. ശിവന്‍കുട്ടി ഉദ്ഘാടനം നിര്‍വഹിക്കും. മന്ത്രി റോഷി അഗസ്റ്റിന്‍ അധ്യക്ഷത വഹിക്കും. എം.എം. മണി എം.എല്‍.എ മുഖ്യ പ്രഭാഷണം നടത്തും.
ഉച്ചകഴിഞ്ഞ് 2.30ന് നടക്കുന്ന വാര്‍ഷികവും യാത്ര അയപ്പ് സമ്മേളനവും കാഞ്ഞിരപ്പള്ളി രൂപതാ കോര്‍പ്പറേറ്റ് മാനേജര്‍ ഫാ. ഡൊമിനിക് അയിലൂപ്പറമ്പില്‍ ഉദ്ഘാടനം ചെയ്യും. സ്‌കൂള്‍ മാനേജര്‍ ഫാ. സെബാസ്റ്റ്യന്‍ കിടങ്ങത്താഴെ അധ്യക്ഷത വഹിക്കും. എലിസബത്ത് തോമസ് മുഖ്യ പ്രഭാഷണം നടത്തും. ചടങ്ങില്‍ വിരമിക്കുന്ന അധ്യാപകര്‍ക്ക് ഉപഹാരങ്ങള്‍ സമര്‍പ്പിക്കുമെന്ന് സ്‌കൂള്‍ മാനേജര്‍ ഫാ. സെബാസ്റ്റ്യന്‍ കിടങ്ങത്താഴെ, ഹെഡ്മിസ്ട്രസ് ആന്‍സമ്മ തോമസ്, പി.ടി.എ. പ്രസിഡന്‍റ് ഷിബു മുള്ളന്‍കുഴി, ബിനു, വിപിന്‍, രാജു പാതയില്‍ എന്നിവര്‍ പറഞ്ഞു.