അരുവിത്തുറ കോളജിൽ സംരംഭക വികസന ക്ലബ്
1581553
Tuesday, August 5, 2025 4:25 PM IST
അരുവിത്തുറ: വിദ്യാർഥികളിലെ സംരംഭക അഭിരുചികൾക്ക് പിന്തുണയുമായി അരുവിത്തുറ സെന്റ് ജോർജ് കോളജിൽ സംരംഭക വികസന ക്ലബ് രൂപീകരിച്ചു. ക്ലബിന്റെ ഉദ്ഘാടനം മൂവാറ്റുപുഴ ലൂവല്ലാ വെഞ്ചേഴ്സ് പ്രൈവറ്റ് ലിമിറ്റഡ് സ്ഥാപക ജോയ്സ് മേരി ആന്റണി നിർവഹിച്ചു.
ഒരു സംരംഭകനായി വിജയിക്കുന്നതിനു പിന്നിൽ കഠിനാധ്വാനത്തിന്റെയും ആത്മാർപ്പണത്തിന്റെയും ഏറെ കഥകൾ ഉണ്ടാവുമെന്ന് അവർ പറഞ്ഞു. കോളജ് ബർസാർ റവ.ഫാ. ബിജു കുന്നയ്ക്കാട്ട് അധ്യക്ഷത വഹിച്ചു.
വൈസ് പ്രിൻസിപ്പൽ ഡോ. ജിലു ആനി ജോൺ, കൊമേഴ്സ് വിഭാഗം മേധാവി പി.സി. അനീഷ്, പോഗ്രാം കോഓർഡിനേറ്റർമാരായ ബിനിൽ ജോസഫ്, ജിയോ ജോസ്, അനു കെ. ജോസ് തുടങ്ങിയവർ സംസാരിച്ചു.
നിരന്തര ആശയ സംവാദങ്ങളിലൂടെയും പ്രായോഗിക പരിശീലനങ്ങളിലൂടെയും വിദ്യാർഥികളിൽ സംരംഭകത്വം വളർത്തിയെടുക്കുന്നതിനുള്ള ശ്രമമാണ് ക്ലബ് ലക്ഷ്യമിടുന്നത്.