മു​ണ്ട​ക്ക​യം: വ​ന്യ​ജീ​വി ആ​ക്ര​മ​ണം ത​ട​യാ​നാ​യി രൂ​പീ​ക​രി​ച്ചി​രിക്കു​ന്ന വ​നം​വ​കു​പ്പി​ന്‍റെ റാപ്പിഡ് റെ​സ്പോ​ൺ​സ് ടീം (ആ​ർ​ആ​ർ​ടി) ​പ്ര​ഹ​സ​ന​മെ​ന്ന് ആ​ക്ഷേപം.

വ​ന്യ​മൃ​ഗ​ശ​ല്യം അ​തി​രൂ​ക്ഷ​മാ​യ​തോ​ടെ മു​ണ്ട​ക്ക​യം വ​ണ്ട​ൻ​പാ​ത​ൽ ഫോ​റ​സ്റ്റ് സ്റ്റേ​ഷ​നി​ലും പീ​രി​മേ​ട്ടി​ലും ര​ണ്ട് ദ്രു​ത പ്ര​തി​ക​ര​ണ സം​ഘ​ങ്ങ​ളെ‌​യാ​ണു പു​തി​യ​താ​യി നി​യ​മി​ച്ച​ത്. ഒ​രു ടീ​മി​ൽ പ​ത്ത് അം​ഗ​ങ്ങ​ൾ ഉ​ണ്ടാ​കു​മെ​ന്നാ​യി​രു​ന്നു പ്ര​ഖ്യാ​പ​നം. എ​ന്നാ​ൽ, വ​ന്യ​മൃ​ഗ​ങ്ങ​ൾ ജ​ന​വാ​സ മേ​ഖ​ല​യി​ൽ ഇ​റ​ങ്ങി​യെ​ന്നു വി​ളി​ച്ച് ഇ​വ​രെ അ​റി​യി​ച്ചാ​ലും യാ​തൊ​രു പ്ര​യോ​ജ​ന​വും ഉ​ണ്ടാ​കു​ന്നി​ല്ലെ​ന്നാ​ണ് നാ​ട്ടു​കാ​ർ കു​റ്റ​പ്പെ​ടു​ത്തു​ന്നു.

ക​ഴി​ഞ്ഞ ദി​വ​സം ചെ​ന്നാ​പ്പാ​റ കൊ​മ്പ​ൻ​പാ​റ ഭാ​ഗ​ത്ത് കാ​ട്ടാ​ന ഇ​റ​ങ്ങി വീ​ട്ട​മ്മ​യെ കൊ​ല​പ്പെ​ടു​ത്തി​യി​രു​ന്നു. ആ​ന ഇ​റ​ങ്ങി​യ വി​വ​രം വ​നം​വ​കു​പ്പി​നെ അ​റി​യി​ച്ചെ​ങ്കി​ലും ഉ​ദ്യോ​ഗ​സ്ഥ​ർ യാ​തൊ​രു ന​ട​പ​ടി​യും സ്വീ​ക​രി​ച്ചി​ല്ലെ​ന്നും ആ​ക്ഷേ​പ​മു​ണ്ട്. ജീ​പ്പി​ൽ ഒ​ന്നോ ര​ണ്ടോ ഉ​ദ്യോ​ഗ​സ്ഥ​ർ വ​ന്നു ത​ല​കാ​ണി​ച്ച് മ​ട​ങ്ങു​ക​യാ​ണ് ചെ​യ്യു​ന്ന​തെ​ന്നും ഇ​വ​ർ​ക്കു വ​ന്യ​മൃ​ഗ​ങ്ങ​ളെ ജ​ന​വാ​സ മേ​ഖ​ല​യി​ൽ​നി​ന്നു തു​രു​ത്തു​ന്ന​തി​നു​ള്ള ആ​ധു​നി​ക സം​വി​ധാ​ന​ങ്ങ​ൾ ഒ​ന്നു​മി​ല്ലെ​ന്നും വ​നാ​തി​ർ​ത്തി മേ​ഖ​ല​യി​ലെ ആ​ളു​ക​ൾ പ​റ​യു​ന്നു.

പ​രാ​തി പ​റ​ഞ്ഞാ​ൽ വാ​ഹ​നം മാ​ത്ര​മാ​ണു​ള്ള​തെ​ന്നും ഉ​ദ്യോ​ഗ​സ്ഥ​റു​ടെ എ​ണ്ണം വ​ള​രെ കു​റ​വാ​ണെ​ന്നും പ​റ​ഞ്ഞ് ത​ടി​ത​പ്പു​ക​യാ​ണ് പ​തി​വ്. മേ​ഖ​ല​യി​ലി​റ​ങ്ങു​ന്ന കാ​ട്ടാ​ന​ക​ളെ നാ​ട്ടു​കാ​ർ ത​ന്നെ​യാ​ണ് വ​ന​ത്തി​ലേ​ക്ക് മ​ട​ക്കി അ​യ​യ്ക്കു​ന്ന​ത്. അ​തേ​സ​മ​യം, വ​ന​ത്തി​ൽ​നി​ന്നു ജ​ന​വാ​സ മേ​ഖ​ല​യി​ലേ​ക്ക് ഇ​റ​ങ്ങു​ന്ന ആ​ന​ക​ളെ തു​ര​ത്താ​ൻ ത​യാ​റാ​കാ​ത്ത വ​നം​വ​കു​പ്പ് ഉ​ദ്യോ​ഗ​സ്ഥ​ർ ആ​ളു​ക​ൾ വ​ന​ത്തി​ൽ ക​യ​റു​ന്നു​ണ്ടോ എ​ന്നു​ള്ള പ​രി​ശോ​ധ​ന മാ​ത്ര​മാ​ണ് ന​ട​ത്തു​ന്ന​തെ​ന്നും ഇ​തി​നു​വേ​ണ്ടി​യാ​ണ് പ​ല സ്ഥ​ല​ത്തും കൂ​ടു​ത​ൽ ഉ​ദ്യോ​ഗ​സ്ഥ​രെ നി​യ​മി​ച്ചി​രി​ക്കു​ന്ന​തെ​ന്നും ആ​ക്ഷേ​പം ശ​ക്ത​മാ​വു​ക​യാ​ണ്.

കാ​ട്ടാ​ന​പ്പേ​ടി: ചെ​ന്ന​ാപ്പാ​റ, മ​ത​മ്പ മേ​ഖ​ല​യി​ലേ​ക്കു​ള്ള
രാ​ത്രി​കാ​ല ബ​സ് സ​ർ​വീ​സ് നി​ർ​ത്തു​ന്നു

മു​ണ്ട​ക്ക​യം ഈ​സ്റ്റ്‌: കാ​ട്ടാ​ന​ശ​ല്യം അ​തി​രൂ​ക്ഷ​മാ​യ​തോ​ടെ പെ​രു​വ​ന്താ​നം പ​ഞ്ചാ​യ​ത്തി​ന്‍റെ മ​ത​മ്പ, ചെ​ന്നാ​പ്പാ​റ മേ​ഖ​ല​യി​ലേ​ക്കു​ള്ള രാ​ത്രി​കാ​ല സ്വ​കാ​ര്യ ബ​സ് സ​ർ​വീ​സു​ക​ൾ നി​ർ​ത്തു​ന്നു.
ര​ണ്ട് സ്വ​കാ​ര്യ ബ​സു​ക​ൾ അ​ഞ്ചു സ​ർ​വീ​സു​ക​ളാ​ണ് മേ​ഖ​ല​യി​ലേ​ക്ക് ന​ട​ത്തി​യി​രു​ന്ന​ത്. ഇ​തി​ൽ വൈ​കു​ന്നേ​രം 6.40ന് ​മു​ണ്ട​ക്ക​യ​ത്തു​നി​ന്നു പു​റ​പ്പെ​ട്ട് മ​ത​മ്പ​യി​ലെ​ത്തു​ന്ന ബ​സ് സ​ർ​വീ​സ് ചെ​ന്നാ​പ്പാ​റ ടോ​പ്പിൽ അ​വ​സാ​നി​പ്പി​ക്കു​ക​യാ​ണ്. രാ​ത്രി ഒ​മ്പ​തി​ന് മു​ണ്ട​ക്ക​യ​ത്തു​നി​ന്നു മ​ത​മ്പ​യി​ലേ​ക്കു​ള്ള ബ​സ് സ​ർ​വീ​സ് പൂ​ർ​ണ​മാ​യും നി​ർ​ത്തി.

അ​തി​രൂ​ക്ഷ​മാ​യ കാ​ട്ടാ​ന ശ​ല്യ​മാ​ണ് ഈ ​പ്ര​ദേ​ശ​ങ്ങ​ളി​ൽ ഉ​ള്ള​തെ​ന്നും ബ​സ് ക​ട​ന്നു​പോ​കു​മ്പോ​ൾ പ​ല​പ്പോ​ഴും കാ​ട്ടാ​ന​ക്കൂ​ട്ടം മു​ന്നി​ൽ എ​ത്താ​റു​ണ്ടെ​ങ്കി​ലും അ​ദ്ഭുത​ക​ര​മാ​യി​ട്ടാ​ണ് ര​ക്ഷ​പ്പെ​ടു​ന്ന​തെ​ന്നും ബ​സ് ജീ​വ​ന​ക്കാ​ർ പ​റ​യു​ന്നു. രാ​ത്രി ഒ​ന്പ​തി​ന് മു​ണ്ട​ക്ക​യ​ത്തു​നി​ന്ന് ആ​രം​ഭി​ക്കു​ന്ന സ​ർ​വീ​സ് മ​ത​മ്പ​യി​ലെ​ത്തി​യ ശേ​ഷം ഇ​വി​ടെ താ​മ​സി​ക്കാ​ൻ മ​തി​യാ​യ സൗ​ക​ര്യം ഇ​ല്ലാ​ത്ത​തി​നാ​ൽ ജീ​വ​ന​ക്കാ​ർ മു​ണ്ട​ക്ക​യ​ത്തേ​ക്ക് മ​ട​ങ്ങു​ക​യാ​ണ് പ​തി​വ്.

ക​ഴി​ഞ്ഞ ദി​വ​സം ബ​സ് സ​ർ​വീ​സി​നു​ശേ​ഷം മു​ണ്ട​ക്ക​യ​ത്തേ​ക്ക് മ​ട​ങ്ങു​ന്ന​തി​നി​ടെ ബ​സ് ജീ​വ​ന​ക്കാ​ർ കാ​ട്ടാ​ന​ക്കൂ​ട്ട​ത്തി​ന്‍റെ മു​ന്നി​ൽ അ​ക​പ്പെ​ട്ടെ​ങ്കി​ലും അ​ദ്ഭു​ത​ക​ര​മാ​യി ര​ക്ഷ​പ്പെ​ടു​ക​യാ​യി​രു​ന്നു.

ചെ​ന്നാ​പ്പാ​റ കൊ​മ്പ​ൻ​പാ​റ​യി​ൽ കാ​ട്ടാ​ന​യു​ടെ ആ​ക്ര​മ​ണ​ത്തി​ൽ ഒ​രു ജീ​വ​ൻകൂ​ടി പൊ​ലി​ഞ്ഞ​തോ​ടെ ഭ​യ​പ്പാ​ടോ​ടെ​യാ​ണ് സ​ർ​വീ​സ് ന​ട​ത്തു​ന്ന​തെ​ന്ന് ബ​സ് ജീ​വ​ന​ക്കാ​ർ പ​റ​യു​ന്നു. കൂ​ടാ​തെ മേ​ഖ​ല​യി​ലേ​ക്കു​ള്ള റോ​ഡും ത​ക​ർ​ന്ന് ശോ​ച​നീ​യാ​വ​സ്ഥ​യി​ലാ​ണ്. ഇ​താ​ണ് സ​ർ​വീ​സു​ക​ൾ വെ​ട്ടി​ക്കു​റ​യ്ക്കാ​ൻ കാ​ര​ണ​മെ​ന്നും സ്വ​കാ​ര്യ ബ​സ് ജീ​വ​ന​ക്കാ​ർ പ​റ​യു​ന്നു.

വ​ർ​ഷ​ങ്ങ​ൾ​ക്കു മു​മ്പ് മു​ണ്ട​ക്ക​യ​ത്തു​നി​ന്നു നി​ര​വ​ധി ബ​സു​ക​ൾ ഈ ​ഭാ​ഗ​ത്തേ​ക്ക് സ​ർ​വീ​സ് ന​ട​ത്തി​യി​രു​ന്നു. നി​ര​വ​ധി യാ​ത്ര​ക്കാ​ർ ഇ​തി​ൽ സ​ഞ്ച​രി​ക്കു​ക​യും ട്രി​പ്പ് സാ​മ്പ​ത്തി​ക നേ​ട്ട​മു​ണ്ടാ​ക്കു​ക​യും ചെ​യ്തി​രു​ന്നു. എ​ന്നാ​ൽ, കാ​ല​ങ്ങ​ൾ ക​ഴി​ഞ്ഞ​തോ​ടെ എ​സ്റ്റേ​റ്റി​ൽ വ​ന്യ​മൃ​ഗ​ശ​ല്യം അ​തി​രൂ​ക്ഷ​മാ​യി. പ​ല കു​ടും​ബ​ങ്ങ​ളും ഇ​വി​ടെ​നി​ന്നു മ​റ്റു സ്ഥ​ല​ങ്ങ​ളി​ലേ​ക്ക് ചേ​ക്കേ​റി.

ര​ണ്ടാ​യി​ര​ത്തി​ല​ധി​കം തൊ​ഴി​ലാ​ളി​ക​ൾ ജോ​ലി ചെ​യ്തി​രു​ന്ന ടി​ആ​ർ ആ​ൻ​ഡ് ടി ​എ​സ്റ്റേ​റ്റി​ൽ ഇന്ന് 700ൽ​താ​ഴെ ജീ​വ​ന​ക്കാ​ർ മാ​ത്ര​മാ​ണു​ള്ള​തെ​ന്നും പ​റ​യ​പ്പെ​ടുന്നു.