ക​ടു​ത്തു​രു​ത്തി: ന​ട​പ്പാ​ത​ക​ളി​ലൂ​ടെ പോ​കു​മ്പോ​ള്‍ ശ്ര​ദ്ധി​ക്ക​ണം....​പ​ല​യി​ട​ത്തും സ്ലാ​ബു​ക​ള്‍ ത​ക​ര്‍ന്നു കി​ട​ക്കു​വാ​ണേ... റോ​ഡ​രി​കി​ലെ ഓ​ട​യു​ടെ മു​ക​ളി​ലി​ട്ടി​രി​ക്കു​ന്ന സ്ലാ​ബു​ക​ളാ​ണ് നാ​ട്ടി​ലെ ന​ട​പ്പാ​ത. ഈ ​ന​ട​പ്പാ​ത​ക​ളി​ല്‍ പ​ല​തി​ന്‍റെ​യും സ്ലാ​ബു​ക​ള്‍ പൊ​ട്ടി​യും ത​ക​ര്‍ന്നും കി​ട​ക്കാ​ന്‍ തു​ട​ങ്ങി​യി​ട്ട് കാ​ല​ങ്ങ​ളാ​യി. ഇ​തു​മൂ​ലം ഏ​റ്റ​വും ബു​ദ്ധി​മു​ട്ട് നേ​രി​ടു​ന്ന​ത് കു​ട്ടി​ക​ളും പ്രാ​യ​മാ​യ​വ​രും ഉ​ള്‍പ്പെ​ടെ​യു​ള്ള കാ​ല്‍ന​ട​യാ​ത്ര​ക്കാ​രാ​ണ്.

സ്ലാ​ബു​ക​ളി​ല്ലാ​ത്ത ഭാ​ഗ​ത്തെ വി​ട​വി​ല്‍ അ​ക​പ്പെ​ട്ട് കാ​ല്‍ന​ട​യാ​ത്ര​ക്കാ​രും ഇ​രു​ച​ക്ര​വാ​ഹ​ന യാ​ത്രി​ക​രും അ​പ​ക​ട​ത്തി​ല്‍പ്പെടു​ന്ന​തും പ​തി​വ് കാ​ഴ്ച്ച​യാ​ണ്. പെ​രു​വ ടൗ​ണി​ല്‍ ക​ടു​ത്തു​രു​ത്തി​യി​ലേ​ക്ക് ബ​സ് കാ​ത്തു​നി​ല്‍ക്കു​ന്ന​തി​ന് സ​മീ​പം ഓ​ട​യു​ടെ സ്ലാ​ബ് ത​ക​ര്‍ന്ന് കി​ട​ക്കാ​ന്‍ തു​ട​ങ്ങി​യി​ട്ട് മാ​സ​ങ്ങ​ളാ​യി. ന​ട​ന്നു പോ​കു​ന്ന​തി​നി​ടെ കാ​ല്‍ അ​ക​ത്ത് വീ​ണാ​ല്‍ വ​ട്ടം ഒ​ടി​ഞ്ഞു പോ​കു​ന്ന സ്ഥി​തി​യാ​ണെ​ന്ന് പൊ​തു​പ്ര​വ​ര്‍ത്ത​ക​നാ​യ ടി.​എം. സ​ദ​ന്‍ പ​റ​ഞ്ഞു.

പ​ല​ത​വ​ണ പൊ​തു​മ​രാ​മ​ത്ത് വ​കു​പ്പ് അ​ധി​കൃ​ത​രെ അ​റി​യി​ച്ചെ​ങ്കി​ലും യാ​തൊ​രു ന​ട​പ​ടി​യു​മു​ണ്ടാ​യി​ല്ല. സ​മീ​പ​ത്തെ വ്യാ​പ​ാര സ്ഥാ​പ​ന​ത്തി​ലു​ള്ള​വ​ര്‍ പ​ല​ക​യു​ടെ ക​ഷ്ണം നി​ര​ത്തി​യി​ട്ടാ​ണ് താ​ത്കാ​ലി​ക​മാ​യി ഓ​ട മൂ​ടി​യി​ട്ടി​രി​ക്കു​ന്ന​ത്. പൊ​തു​മ​രാ​മ​ത്ത് വ​കു​പ്പ് പ​ല​പ്പോ​ഴും ന​ട​പ്പാ​ത​ക​ള്‍ ത​ക​ര്‍ന്നു കി​ട​ക്കു​ന്ന​ത് ക​ണ്ടാ​ലും വേ​ണ്ട​രീ​തി​യി​ല്‍ അ​റ്റ​കു​റ്റ​പ്പ​ണി ന​ട​ത്തി കാ​ല്‍ന​ട​യാ​ത്ര സു​ഗ​മ​മാ​ക്കാ​ന്‍ ഇ​ട​പെ​ടാ​റി​ല്ലെ​ന്ന ആ​ക്ഷേ​പ​വും നാ​ട്ടു​കാ​ര്‍ക്കു​ണ്ട്.

കു​റു​പ്പ​ന്ത​റ ബ​സ് സ്റ്റാ​ന്‍ഡി​ന് മു​ന്‍വ​ശ​മു​ള്ള ന​ട​പ്പാ​ത​യു​ടെ മു​ക​ളി​ലെ സ്ലാ​ബ് ത​ക​ര്‍ന്നു കി​ട​ക്കു​ന്ന​തും കാ​ല്‍ന​ട​യാ​ത്ര​ക്കാ​ര്‍ക്ക് ദു​രി​ത​മു​ണ്ടാ​ക്കു​ക​യാ​ണ്. ബ​സു​ക​ള്‍ സ്റ്റാ​ന്‍ഡി​ലേ​ക്ക് പ്ര​വേ​ശി​ക്കു​ക​യും ഇ​റ​ങ്ങു​ക​യും ചെ​യ്യു​ന്ന ഭാ​ഗ​ത്തെ കോ​ണ്‍ക്രീ​റ്റ് ഇ​ള​കിക്കിട​ക്കു​ക​യാ​ണ്. ഇ​ത് കാ​ല്‍ന​ട​യാ​ത്ര​ക്കാ​ര്‍ക്കും ബ​സു​ക​ള്‍ക്കും സ​ഞ്ച​രി​ക്കു​ന്ന​തി​ന് ബു​ദ്ധി​മു​ട്ടു​ണ്ടാ​ക്കു​ന്നു.

മാ​ഞ്ഞൂ​ര്‍ പ​ഞ്ചാ​യ​ത്തി​ന്‍റെ ക​മ്മ്യൂ​ണി​റ്റി ഹാ​ളി​ലേ​ക്കും കു​റു​പ്പ​ന്ത​റ പ​ച്ച​ക്ക​റി മാ​ര്‍ക്ക​റ്റി​ലേ​ക്കു​ള്ള പ്ര​വേ​ശ​ന ക​വാ​ട​ത്തി​ലും ഓ​ട​യു​ടെ സ്ലാ​ബു​ക​ള്‍ ഇ​ള​കി കി​ട​ക്കു​ക​യാ​ണ്. പൊ​തു​മ​രാ​മ​ത്ത് വ​കു​പ്പി​ന് കീ​ഴി​ലു​ള്ള റോ​ഡി​നോ​ട് ചേ​ര്‍ന്നു​ള്ള ന​ട​പ്പാ​ത​യു​ടെ അ​വ​സ്ഥ മി​ക്ക​യി​ട​ത്തും ഇ​തു​ത​ന്നെ​യാ​ണ്. ഏ​റ്റു​മാ​നൂ​ര്‍-​എ​റ​ണാ​കു​ളം റോ​ഡി​ല്‍ പ​ല​യി​ട​ത്തും ന​ട​പ്പാ​ത ത​ക​ര്‍ന്നു കി​ട​ക്കു​ക​യാ​ണ്. ചി​ല​യി​ട​ങ്ങ​ളി​ല്‍ പു​ല്ലും പ​ട​ര്‍പ്പും ക​യ​റി ന​ട​പ്പാ​ത ഉ​പ​യോ​ഗി​ക്കാ​നാ​കാ​തെ കി​ട​ക്കു​ന്ന അ​വ​സ്ഥ​യു​മു​ണ്ട്.

ഓ​ട​യു​ടെ​യും ന​ട​പ്പാ​ത​യു​ടെ​യും ന​വീ​ക​ര​ണ​വു​മാ​യി ബ​ന്ധ​പ്പെ​ട്ട ജോ​ലി​ക​ള്‍ക്കാ​യി സ​ര്‍ക്കാ​രി​ലേ​ക്ക് പ്രൊ​ജ​ക്ടു​ക​ള്‍ ന​ല്‍കി​യി​ട്ടു​ണ്ടെ​ന്നും അ​നു​മ​തി കി​ട്ട​ന്‍ വൈ​കു​ന്ന​താ​ണ് പ്ര​തി​സ​ന്ധി​ക്കി​ട​യാ​ക്കു​ന്ന​തെ​ന്നു​മാ​ണ് പൊ​തു​മ​രാ​മ​ത്ത് വ​കു​പ്പ് അ​ധി​കൃ​ത​രു​ടെ വി​ശ​ദീ​ക​ര​ണം.