തുറ​വൂ​ർ: നെ​ൽ​കൃ​ഷി​യു​ടെ മ​റ​വി​ൽ വ​ൻ തി​ട്ട​പ്പെ​ന്ന് ആ​രോ​പ​ണം. ചേ​ർ​ത്ത​ല താ​ലൂ​ക്ക് വ​ട​ക്ക​ൻ മേ​ഖ​ല​യി​ലെ പാ​ട​ശേ​ഖ​ര​ങ്ങ​ളി​ലാ​ണ് നെ​ൽ​കൃ​ഷി​യു​ടെ പേ​രി​ൽ വ​ൻ ത​ട്ടി​പ്പ് ന​ട​ക്കു​ന്ന​ത്. വ​യ​ലാ​ർ, ക​ട​ക്ക​ര​പ്പ​ള്ളി, പ​ട്ട​ണ​ക്കാ​ട്, തു​റ​വു​ർ, കു​ത്തി​യ​തോ​ട്, കോ​ടം​തു​രു​ത്ത്, എ​ഴു​പു​ന്ന തു​ട​ങ്ങി​യ പ​ഞ്ചാ​യ​ത്ത് പ്ര​ദേ​ശ​ങ്ങ​ളി​ലാ​ണ് നെ​ൽ​കൃ​ഷി ന​ട​ത്തു​ന്ന​തി​ന്‍റെ പേ​രി​ൽ സ​ർ​ക്കാ​രി​ൽനി​ന്ന് ല​ക്ഷ​ങ്ങ​ൾ ത​ട്ടു​ന്ന​ത്.

മേ​ഖ​ല​യി​ലെ ഒ​ട്ടു​മി​ക്ക പാ​ട​ശേ​ഖ​ര​ങ്ങ​ളി​ലും ഉ​ട​മ​ക​ൾ നെ​ൽ​കൃ​ഷി ചെ​യ്യു​ന്നി​ല്ല. തൊ​ഴി​ലാ​ളി​ക​ളു​ടെ ല​ഭ്യ​ത​ക്കു​റ​വും അ​ധി​ക​ക്കൂ​ലി​യും മൂ​ലം കൃ​ഷി ലാ​ഭ​ക​ര​മ​ല്ലാ​താ​ക്കു​ക​യും ഇ​വി​ട​ത്തെ പാ​ട​ശേ​ഖ​ര​ങ്ങ​ളു​ടെ അ​വ​സ്ഥ​യി​ൽ യ​ന്ത്ര​ങ്ങ​ൾ ഇ​റ​ക്കു​വാ​ൻ സാ​ധി​ക്കാ​തെ വ​ന്ന​തോ​ടെ​യാ​ണ് പാ​ട​ശേ​ഖ​ര ഉ​ട​മ​ക​ൾ നെ​ൻ​കൃ​ഷി ന​ട​ത്താ​താ​യ​ത്. എ​ന്നാ​ൽ ഈ ​അ​വ​സ്ഥ മു​ത​ലെ​ടു​ത്തു മ​ത്സ്യ മാ​ഫി​യ രം​ഗ​ത്തു​വ​രു​ക​യും ക​ർ​ഷ​ക സം​ഘ​ങ്ങ​ളു​മാ​യി കൈ​കോ​ർ​ത്ത് വ​ൻ ത​ട്ടി​പ്പ് ന​ട​ത്തു​ക​യു​മാ​ണ് ചെ​യ്യു​ന്ന​ത്.

ക​ർ​ഷ​ക സം​ഘ​ങ്ങ​ൾ പൊ​തു​യോ​ഗ​ങ്ങ​ൾ വി​ളി​ച്ചുകൂ​ട്ടു​ക​യും കൃ​ഷി​യു​ടെ ന​ഷ്ട​ക്ക​ണ​ക്കു​ക​ൾ പ​റ​യു​ക​യും ചെ​യ്യും. ഇ​തി​നു ശേ​ഷം ക​ർ​ഷ​ക​ർ​ക്ക് വ​ൻ ആ​നു​കൂ​ല്യ​ങ്ങ​ൾ പ്ര​ഖ്യാ​പി​ക്കു​ക​യും കൃ​ഷി​യി​ടം നെ​ൽ​കൃ​ഷി​ക്ക് ആ​യി പാ​ട്ട​ത്തി​നു ന​ൽ​കു​ക​യും ചെ​യ്യും. പാ​ട​ശേ​ഖ​ര ഉ​ട​മ​ക​ളി​ൽനി​ന്ന് ഒ​പ്പ് ശേ​ഖ​രി​ച്ച് കൃ​ഷിഭ​വ​നും ത്രി​ത​ല പ​ഞ്ചാ​യ​ത്തു​ക​ൾ​ക്കും ന​ൽ​കി​യാ​ണ് ഇ​ത്ത​രം കാ​ര്യ​ങ്ങ​ൾ ന​ട​ക്കു​ന്ന​തെ​ന്നാ​ണ് ആ​ക്ഷേ​പം.