ന​ന്ദി​കേ​ശ​ന്മാ​ൻ അ​ണി​ഞ്ഞൊ​രു​ങ്ങി; ഓ​ണോ​ത്സ​വ കെ​ട്ടു​കാ​ഴ്ച ഇ​ന്ന്
Saturday, October 12, 2024 3:12 AM IST
കായം​കു​ളം: ഇ​രു​പ​ത്തെ​ട്ടാം ഓ​ണ​മ​ഹോ​ത്സ​വത്തോ​ട​നു​ബ​ന്ധി​ച്ച് ഓ​ച്ചി​റ പ​ട​നി​ല​ത്ത് ന​ട​ക്കു​ന്ന​കെ​ട്ടു​കാ​ഴ്ച്ച വി​സ്മ​യ​ത്തി​ന് ന​ന്ദി കേ​ശ​ന്മാ​ന്‍ അ​ണി​ഞ്ഞൊ​രു​ങ്ങി. ഇ​ന്ന് മൂ​ന്നിന് അ​ണി​യി​ച്ചൊ​രു​ക്കി​യ ന​ന്ദി​കേ​ശ​ന്മാ​രെ ഓ​ച്ചി​റ പ​ര​ബ്ര​ഹ്‌​മ​സ​ന്നി​ധി​ലേ​ക്ക് ആ​ന​യി​ക്കും.

ക​രു​നാ​ഗ​പ്പ​ള്ളി, കാ​ര്‍​ത്തി​ക​പ്പ​ള്ളി, മാ​വേ​ലി​ക്ക​ര താ​ലൂ​ക്കു​ക​ളി​ലെ 56 ക​ര​ക​ളി​ല്‍​നി​ന്നാ​യി നൂ​റ്റി​യ​മ്പ​തോ​ളം ന​ന്ദി​കേ​ശസ​മി​തി​ക​ളു​ടെ ന​ന്ദി​കേ​ശ രൂ​പ​ങ്ങ​ള്‍ പ​ട​നി​ല​ത്തേ​ക്ക് എ​ത്തും. ച​ട്ടം എ​ന്ന​റി​യ​പ്പെ​ടു​ന്ന വാ​ഹ​ന​ത്തി​ല്‍ ഉ​റ​പ്പി​ച്ച ര​ണ്ട് ന​ന്ദി​കേ​ശ വി​ഗ്ര​ഹ​ങ്ങ​ളാ​ണ് സാ​ധാ​ര​ണ​യാ​യി എ​ഴു​ന്ന​ള്ളി​ക്കു​ന്ന​ത്.

രാ​വി​ലെ ഏ​ഴു​മു​ത​ല്‍ ഓ​ച്ചി​റ ക്ഷേ​ത്ര​ത്തി​ലെ​ന്ന​പോ​ലെ എ​ല്ലാ കാ​ള​മൂ​ടു​ക​ളി​ലും ക​ഞ്ഞി​വി​ത​ര​ണം ന​ട​ക്കും. തു​ട​ര്‍​ന്ന് ഗ​ണ​പ​തി​ഹോ​മം, ഭാ​ഗ​വ​ത​പ​രാ​യ​ണം, അ​ന്ന​ദാ​നം, ദീ​പാ​രാ​ധ​ന, ദീ​പ​ക്കാ​ഴ്ച, പ​റ​യി​ടീ​ല്‍ തു​ട​ങ്ങി​യ ച​ട​ങ്ങു​ക​ള്‍ ന​ട​ക്കും.

അം​ബ​ര​ചും​ബി​യാ​യി ഉ​ടു​ത്തൊ​രു​ങ്ങി ഓ​ണാ​ട്ടു​ ക​തി​ര​വ​ൻ

കായം​കു​ളം: ഇ​രു​പ​ത്തി​യെ​ട്ടാം ഓ​ണ മ​ഹോ​ത്സ​വ കെ​ട്ടു​കാ​ഴ്ച്ക്കാ​യി ഇ​ന്നു നൂ​റു​ക​ണ​ക്കി​ന് ന​ന്ദി​കേ​ശ​ന്മാ​ര്‍ അ​ണി​നി​ര​ക്കു​മ്പോ​ള്‍ ത​ല​യെ​ടു​പ്പു​കൊ​ണ്ട് ഭ​ക്ത​ജ​ന മ​ന​സു​ക​ളി​ല്‍ ഇ​തി​ഹാ​സ​മാ​കാ​ന്‍ അം​ബ​ര ചും​ബി​യാ​യി ഓ​ണാ​ട്ടു​ക​തി​ര​വ​നെ അ​ണി​യി​ച്ചൊ​രു​ക്കി. കാ​യം​കു​ളം കൃ​ഷ്ണ​പു​രം മാ​മ്പ്ര​ക്ക​ന്ന​യി​ല്‍ യു​വ​ജ​ന സ​മി​തി​യു​ടെ ന​ന്ദി​കേ​ശ കെ​ട്ടു​രൂ​പ​മാ​ണ് ഓ​ണാ​ട്ടു ക​തി​ര​വ​ന്‍.

ഇ​ന്ന് ഓ​ച്ചി​റ പ​ര​ബ്ര​ഹ്‌​മ ക്ഷേ​ത്ര​ത്തി​ലേ​ക്ക് ഓ​ണാ​ട്ടു​ക​തി​ര​വ​നെ എ​ഴു​ന്ന​ള്ളി​ക്കു​മ്പോ​ള്‍ ഏ​റ്റ​വും വ​ലി​യ പൊ​ക്ക​മു​ള്ള കെ​ട്ടു​കാ​ഴ്ച​യാ​യി ഇ​ത് മാ​റും. പോ​രാ​ട്ട ങ്ങ​ളു​ടെ വീ​ര്യം ത്ര​സി​ച്ചു നി​ല്‍​ക്കു​ന്ന ഓ​ച്ചി​റ പ​ട​നി​ല​ത്തേ​ക്ക് ചു​വ​പ്പി​ലും വെ​ളു​പ്പി​ലും ഉ​ടു​ത്തൊ​രു​ങ്ങി ശി​വ​പാ​ര്‍​വ​തി സ​ങ്ക​ല്‍​പ​ത്തി​ന്‍റെ പ്ര​തീ​ക​മാ​യാ​ണ് ഋ​ഷ​ഭ​വീ​ര​ന്മാ​രെ ക​ര​ഒ​ന്നാ​കെ ക​യ്യും​മെ​യ്യും മ​റ​ന്ന് എ​ഴു​ന്ന​ള്ളി​ക്കു​ന്ന​ത്.


കേ​ര​ള​ത്തി​ലെ കെ​ട്ടു​കാ​ഴ്ച ഉ​ത്സ​വ​ത്തി​ന് തു​ട​ക്ക​മി​ടു​ന്ന​ത് ഓ​ച്ചി​റ ഇ​രു​പ​ത്തി​യെ​ട്ടാം ഓ​ണ മ​ഹോ​ത്സ​വ​ത്തി​നാ​ണെ​ന്നാ​ണ് വി​ശ്വാ​സം ഓ​ച്ചി​റ​ക്കാ​രു​ടെ പൂ​ര​മാ​യി ഈ ​ആ​ഘോ​ഷം മാ​റി​യി​ട്ടു​ണ്ട്. ഓ​ണാ​ട്ടു ക​തി​ര​വ​ന്‍​എ​ന്ന ന​ന്ദി​കേ​ശ​നെ ത​ള​ക്ക​ല്ല് മാ​തൃ​ക​യി​ലു​ള്ള മ​ര​ച്ച​ട്ട​ത്തി​ലാ​ണ് ഉ​റ​പ്പി​ച്ചി​രി​ക്കു​ന്ന​ത് ന​ന്ദി​കേ​ശ​ന്മാ​രു​ടെ ഏ​ക​ദേ​ശ ഉ​യ​രം 55 അ​ടി​യും ശി​ര​സി​ന്‍റെ ഉ​യ​രം മാ​ത്രം 15 അ​ടി.

ഏ​ക​ദേ​ശം 400 ക്യു​ബി​ക് അ​ടി ത​ടി​യാ​ണ് ഉ​പ​യോ​ഗി​ച്ചി​രി​ക്കു​ന്ന​ത്. എ​ട്ടു ട​ണ്‍ ക​ച്ചി, ചു​വ​പ്പും വെ​ളു​പ്പു​മാ​യ 800 മീ​റ്റ​ര്‍ പ​ട്ട്, കൂ​ടാ​തെ 3500 ഓ​ളം മ​ണി, 600 മീ​റ്റ​ര്‍ ചാ​ക്ക് എ​ന്നി​വ​യാ​ണ് നി​ര്‍​മാ​ണ സാ​മ​ഗ്രി​ക​ള്‍. ഇ​തി​ന്‍റെ ശി​ര​സ് വി​ശി​ഷ്ട​മാ​യ രീ​തി​യി​ലാ​ണ് നി​ര്‍​മാ​ണം.

ക​മാ​ന ആ​കൃ​തി​യി​ലു​ള്ള അ​ര്‍​ജു​ന​ന്‍റെ ഗാ​ണ്ഡീ​വ വി​ല്ലി​നോ​ട് സാ​മ്യ​മു​ള്ള ബ​ലി​ഷ്ഠ​മാ​യ ഇ​രു​കൊ​മ്പു​ക​ള്‍ ച​ന്ദ്ര​ചൂ​ഡാ​മ​ണി മ​ര​ത​ക​ക​ല്ല്, 21 അ​ടി സ്വ​ര്‍​ണം ആ​ലേ​പ​നം ചെ​യ്ത നെ​റ്റി​പ്പ​ട്ടം അ​തി​ന്‍റെ തി​ട​മ്പി​ല്‍ ഭ​ഗ​വാ​ന്‍റെ ധ്യാ​ന​നി​മ​ഗ്ന രൂ​പ​വും അ​ട​ങ്ങു​ന്ന​താ​ണ് ഓ​ണാ​ട്ടു ക​തി​ര​വ​ന്‍, ക​ല്‍​പ​വൃ​ക്ഷ​ത്തി​ന്‍റെ കു​രു​ത്തോ​ല​യി​ല്‍ നി​ര്‍​മി​ച്ച മാ​ല​യും മ​യി​ല്‍​പ്പീ​ലി​യി​ല്‍ നി​ര്‍​മി​ച്ച ആ​ല​വ​ട്ട​വും അ​ണി​യി​ക്കു​ന്ന​തോ​ടെ പൊ​ക്ക​ത്തി​ലും മ​നോ​ഹാ​രി​ത​യി​ലും ഓ​ണാ​ട്ടു​ക​തി​ര​വ​ന്‍ വി​സ്മ​യ​മാ​കും.