മാ​ന്നാ​ര്‍: മാ​ന്നാ​ര്‍ ബ​സ് സ്റ്റാ​ന്‍​ഡ് ആ​ര്‍​ക്കും വേ​ണ്ടാ​താ​യി. ബ​സു​ക​ള്‍ പേ​രി​നു പോ​ലും ക​യ​റാ​താ​യ​തോ​ടെ ഇ​ത് എ​ന്തി​നു​വേ​ണ്ടി​യാ​ണെ​ന്ന ചോ​ദ്യമുയ​രാ​ന്‍ തു​ട​ങ്ങി​യി​ട്ട് വ​ര്‍​ഷ​ങ്ങ​ളാ​യി. ബ​സു​ക​ള്‍ ക​യ​റാ​താ​യ​തോ​ടെ യാ​ത്ര​ക്കാ​രും മാ​ന്നാ​ര്‍ ബ​സ് സ്റ്റാ​ന്‍​ഡി​നെ കൈ​യൊ​ഴി​ഞ്ഞു. കാ​ല്‍ നൂ​റ്റാ​ണ്ടി​നോ​ട​ടു​ക്കു​ന്ന ഈ ​സ്റ്റാ​ന്‍​ഡി​ല്‍ ബ​സു​ക​ള്‍ ക​യ​റി​യ​ത് കു​റ​ഞ്ഞദി​വ​സ​ങ്ങ​ളി​ല്‍ മാ​ത്ര​മാ​ണ്. എ​സ്. രാ​മ​ച​ന്ദ്ര​ന്‍​പി​ള്ള എം.​പി​യു​ടെ പ്രാ​ദേ​ശി​ക വി​ക​സ​ന​ഫ​ണ്ട് ഉ​പ​യോ​ഗി​ച്ച് 2000ല്‍ ​നി​ര്‍​മി​ച്ച മാ​ന്നാ​ര്‍ ഗ്രാ​മ​പ​ഞ്ചാ​യ​ത്ത് ബ​സ് സ്റ്റാ​ൻ​ഡ് തി​രു​വ​ല്ല-​കാ​യം​കു​ളം സം​സ്ഥാ​ന​പാ​ത​യി​ല്‍​നി​ന്നും 100 മീ​റ്റ​ര്‍ മാ​റി സ്റ്റോ​ര്‍ ജം​ഗ്ഷ​നി​ല്‍ മാ​ന്നാ​ര്‍-​പു​ലി​യൂ​ര്‍-​ചെ​ങ്ങ​ന്നൂ​ര്‍ പാ​ത​യോ​ര​ത്താ​ണ് നി​ര്‍​മി​ച്ചി​രി​ക്കു​ന്ന​ത്.

സം​സ്ഥാ​ന​പാ​ത​യി​ല്‍​നി​ന്ന് നൂ​റു​മീ​റ്റ​ര്‍ മാ​റി​യാ​യ​തി​നാ​ല്‍ ദൂ​ര​ക്കൂ​ടു​ത​ലും ചു​റ്റി​ക്ക​റ​ക്ക​വും കാ​ര​ണ​ങ്ങ​ള്‍ പ​റ​ഞ്ഞ് കെ​എ​സ്ആ​ര്‍​ടി​സി ഉ​ള്‍​പ്പെ​ടെ​യു​ള്ള ബ​സു​ക​ള്‍ ആ​ദ്യ കാ​ല​ങ്ങ​ളി​ല്‍ സ്റ്റാ​ന്‍​ഡി​ല്‍ ക​യ​റി​യി​രു​ന്നി​ല്ല. ദീ​ര്‍​ഘ​ദൂ​ര കെ​എ​സ്ആ​ര്‍​ടി​സി ബ​സു​ക​ള്‍​ക്ക് മാ​ന്നാ​റി​ല്‍ ബ​സ് സ്റ്റാ​ന്‍​ഡ് ഉ​ണ്ടെ​ന്നു പോ​ലും അ​റി​യു​ക​യി​ല്ല. സാ​മൂ​ഹ്യ​പ്ര​വ​ര്‍​ത്ത​ക​ര്‍ കോ​ട​തി​ക​യ​റി​യ​തി​ന്‍റെ ശ്ര​മ​ഫ​ല​മാ​യി​ട്ടാ​ണ് ഏതാനും ബ​സു​ക​ള്‍ സ്റ്റാ​ന്‍​ഡി​ല്‍ ക​യ​റി​ത്തു​ട​ങ്ങി​യ​ത്. നാ​ളു​ക​ള്‍ പി​ന്നി​ട്ട​പ്പോ​ള്‍ വീ​ണ്ടും ബ​സു​ക​ള്‍ ക​യ​റാ​താ​യ​തി. തു​ട​ര്‍​ന്ന് മാ​ന്നാ​ര്‍ ഗ്രാ​മ​പ​ഞ്ചാ​യ​ത്ത് ന​ട​പ​ടി എ​ടു​ത്ത​തി​നാ​ല്‍ സ്റ്റാ​ന്‍​ഡി​ല്‍ ക​യ​റി​ത്തു​ട​ങ്ങി​യ ബ​സു​ക​ള്‍ വീ​ണ്ടും സ്റ്റാ​ന്‍​ഡി​നെ കൈ​യൊ​ഴി​ഞ്ഞി​രി​ക്കു​ക​യാ​ണ്.

ടാ​റിം​ഗ് മു​ഴു​വ​ന്‍ ഇ​ള​കി വെ​ള്ള​ക്കെ​ട്ടാ​യി​ക്കി​ട​ന്ന ബ​സ് സ്റ്റാ​ന്‍​ഡി​ന്‍റെ ചെ​റി​യ ഒ​രു ഭാ​ഗം മാ​ത്രം ഈ ​അ​ടു​ത്ത സ​മ​യ​ത്ത് ടാ​ര്‍ ചെ​യ്തി​രു​ന്നെ​ങ്കി​ലും ബാ​ക്കി ഭാ​ഗം ത​ക​ര്‍​ന്നുത​ന്നെ കി​ട​ക്കു​ക​യാ​ണ്. സ്റ്റാ​ന്‍​ഡി​ന്‍റെ കാ​ത്തി​രു​പ്പു കേ​ന്ദ്ര​ത്തി​ന്‍റെ സീ​ലിം​ഗു​ക​ളും ബോ​ര്‍​ഡു​ക​ളും എ​ല്ലാം ഇ​ള​കി. ചെ​ങ്ങ​ന്നൂ​ര്‍ ഭാ​ഗ​ത്തേ​ക്കു പോ​കു​ന്ന​വ​ര്‍ ബ​സ് സ്റ്റാ​ന്‍​സി​ല്‍ കാ​ത്തു​നി​ല്‍​ക്കു​മെ​ങ്കി​ലും ബ​സു​ക​ള്‍ സ്റ്റാ​ന്‍​ഡി​ല്‍ ക​യ​റാ​തെ റോ​ഡി​ന്‍റെ എ​തി​ര്‍​വ​ശ​ത്തു നി​ര്‍​ത്തി​യാ​ണ് യാ​ത്ര​ക്കാ​രെ ക​യ​റ്റി ഇ​റ​ക്കു​ന്ന​ത്.

ഈ ​ബ​സി​ല്‍ ക​യ​റാ​നു​ള്ള​വ​ര്‍ ഓ​ടി റോ​ഡ് മു​റി​ച്ചുക​ട​ക്കു​ന്ന​തു മൂ​ലം അ​പ​ക​ട​ങ്ങ​ളും പ​തി​വാ​കു​ന്നു. തി​രു​വ​ല്ല, മാ​വേ​ലി​ക്ക​ര ഭാ​ഗ​ങ്ങ​ളി​ലേ​ക്കു പോ​കു​ന്ന ബ​സു​ക​ള്‍ സ്റ്റാ​ന്‍​ഡി​ല്‍ ക​യ​റാ​തെ സ്റ്റോ​ര്‍ ​ജം​ഗ്ഷ​നി​ലെ സി​ഗ്‌​ന​ലി​നു സ​മീ​പം നി​ര്‍​ത്തി​യാ​ണ് യാ​ത്ര​ക്കാ​രെ ക​യ​റ്റി​യി​റ​ക്കു​ന്ന​ത്. ഇ​ത് ഗ​താ​ഗ​ത​ക്കു​രു​ക്കി​നും കാ​ര​ണ​മാ​കു​ന്നു.

ര​ണ്ടു പ​തി​റ്റാ​ണ്ട് പി​ന്നി​ട്ട മാ​ന്നാ​ര്‍ പ​ഞ്ചാ​യ​ത്ത് ബ​സ് സ്റ്റാ​ന്‍​ഡി​നു ക​ഴി​ഞ്ഞ വ​ര്‍​ഷ​മാ​ണ് അം​ഗീ​കാ​രം ആ​വ​ശ്യപ്പെ​ട്ട് ട്രാ​ന്‍​സ്‌​പോ​ര്‍​ട്ട് അ​ഥോറി​റ്റി ചെ​യ​ര്‍​മാ​നാ​യ ക​ള​ക്ട​ര്‍​ക്ക് പ​ഞ്ചാ​യ​ത്ത് സെ​ക്ര​ട്ട​റി അ​പേ​ക്ഷ ന​ല്‍​കു​ന്ന​ത്. തു​ട​ര്‍​ന്ന് ആ​ര്‍​ടി​ഒ​യു​ടെ നി​ര്‍​ദേശ​പ്ര​കാ​രം ചെ​ങ്ങ​ന്നൂ​ര്‍ എം​വിഐ ബി.​ ജി​നേ​ഷ്, എ​എം​വി​ഐ ശ്യാം​കു​മാ​ര്‍ എ​ന്നി​വ​ര്‍ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ടി.​വി. ര​ത്‌​ന​കു​മാ​രി, അ​സി.​ സെ​ക്ര​ട്ട​റി ഹ​രി​കു​മാ​ര്‍, ഓ​ഫീ​സ് അ​സി.​ ജി​തേ​ഷ് എ​ന്നി​വ​രു​ടെ സാ​ന്നി​ധ്യ​ത്തി​ല്‍ ബ​സ് സ്റ്റാ​ന്‍​ഡി​ലെ​ത്തി പ​രി​ശോ​ധ​ന ന​ട​ത്തു​ക​യു​ണ്ടാ​യി.

എ​ന്നാ​ല്‍, നി​ര​വ​ധി പോ​രാ​യ്മ​ക​ള്‍ ക​ണ്ട​തി​നെത്തു​ട​ര്‍​ന്ന് റോ​ഡ് ട്രാ​ന്‍​സ്‌​പോ​ര്‍​ട്ട് അ​ഥോറി​റ്റി അ​പ​ക്ഷ ത​ള്ളി. നാ​ലു ബ​സു​ക​ള്‍​ക്കെ​ങ്കി​ലും ഒ​രേ​സ​മ​യം പാ​ര്‍​ക്ക് ചെ​യ്യാനു​ള്ള സൗ​ക​ര്യ​വും ബ​സു​ക​ള്‍ ക​യ​റി ഇ​റ​ങ്ങി പോ​കു​ന്ന​തി​നാ​യി കൂ​ടു​ത​ല്‍ സൗ​ക​ര്യ​ങ്ങ​ളും ഒ​രു​ക്ക​ണ​മെ​ന്നാ​ണ് പ്ര​ധാ​ന​മാ​യും ട്രാ​ന്‍​സ്‌​പോ​ര്‍​ട്ട് അഥോ​റി​റ്റി ചൂ​ണ്ടി​ക്കാ​ട്ടി​യ​ത്.

നി​ല​വി​ലെ ഭ​ര​ണ​സ​മി​തി​യാ​ണ് ബ​സ് സ്റ്റാ​ന്‍​ഡി​ന്‍റെ അം​ഗീ​കാ​ര​ത്തി​നാ​യി പ​രി​ശ്ര​മ​ങ്ങ​ള്‍ ന​ട​ത്തി​യ​ത്. പോ​രാ​യ്മ​ക​ള്‍ പ​രി​ഹ​രി​ച്ച് ബ​സ് സ്റ്റാ​ന്‍​ഡ് ന​വീ​ക​രി​ക്കു​ന്ന​തി​നാ​യി പ​ദ്ധ​തി സ​മ​ര്‍​പ്പി​ക്കു​മെ​ന്നും ബ​സു​ക​ള്‍ സ്റ്റാ​ന്‍​ഡി​ല്‍ ക​യ​റു​ന്ന​തി​നു ന​ട​പ​ടി​ക​ള്‍ കൈ​ക്കൊ​ള്ളു​മെ​ന്നും ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ടി.​വി. ര​ത്‌​ന​കു​മാ​രി പ​റ​ഞ്ഞു.