ചെ​ങ്ങ​ന്നൂ​ർ: ഒ​ഴു​ക്കുനി​ല​ച്ച ഉ​ത്ത​ര​പ്പ​ള്ളി​യാ​റി​ന്‍റെ പു​ന​രു​ജ്ജീ​വ​നം ന​ട​പ​ടി​യി​ല്ലാ​ത്ത​തി​ല്‍ ആ​ലാ റൂ​റ​ല്‍ ഡ​വ​ല​പ്‌​മെന്‍റ് ആ​ന്‍​ഡ് ക​ള്‍​ച​റ​ല്‍ സൊ​സൈ​റ്റി ഹൈ​ക്കോ​ട​തി​യി​ൽ വീ​ണ്ടും ഹ​ര്‍​ജി ന​ല്കി. കോ​ട​തി അ​തൃ​പ്തി അ​റി​യ​ച്ച​തി​നെ​ത്തു​ട​ർ​ന്നു കൈ​യേ​റ്റ​ക്കാ​ര്‍​ക്കു വീ​ണ്ടും പ​ഞ്ചാ​യ​ത്തു​ക​ള്‍ നോ​ട്ടി​സ് ന​ല്‍​കി. ‌

2018-ലെ ​ഹൈ​ക്കോ​ട​തി​യു​ടെ വി​ധി നാ​ളി​തു​വ​രെ ന​ട​പ്പാ​ക്ക​ത്ത​തി​ലാ​ണ് കോ​ട​തി അ​തൃ​പ്തി പ്ര​ക​ട​പ്പി​ച്ച​ത്. വെ​ണ്‍​മ​ണി​യി​ല്‍ അ​ച്ച​ന്‍​കോ​വി​ലാ​റ്റി​ല്‍നി​ന്നു തു​ട​ങ്ങി ബു​ധ​നൂ​ര്‍ ഇ​ല്ലി​മ​ല​യി​ല്‍ പ​മ്പ​യാ​റ്റി​ല്‍ അ​വ​സാ​നി​ച്ചി​രു​ന്ന ന​ദി​യാ​ണ് ഉ​ത്ത​ര​പ്പ​ള്ളി​യാ​ര്‍.

കൈ​യേ​റ്റ​ങ്ങ​ൾ ഒ​ഴി​പ്പി​ച്ച് ന​ദി​യെ വീ​ണ്ടെ​ടു​ക്കാ​നു​ള്ള ന​ട​പ​ടി ചു​വ​പ്പു​നാ​ട​യി​ൽ കു​ടു​ങ്ങിക്കിട​ക്കു​ക​യാ​ണ്. സ​ർ​വേ ക​ഴി​ഞ്ഞി​ട്ട് വ​ർ​ഷ​ങ്ങ​ളേ​റെ​യാ​യെ​ങ്കി​ലും കൈ​യേ​റ്റ​ങ്ങ​ൾ​ക്ക​റു​തി​യി​ല്ല. മാ​ലി​ന്യം ത​ള്ള​ലും കൈയേറ്റ​വും മൂ​ലം ആ​റി​ന്‍റെ ഒ​ഴു​ക്ക് ഇ​ല്ലാ​താ​യി​ട്ടു വ​ര്‍​ഷ​ങ്ങ​ളേ​റെ​യാ​യി. വ​ർ​ഷ​ങ്ങ​ളാ​യു​ള്ള കൈയേ​റ്റ​ങ്ങ​ളാ​ണ് ആ​റി​ന്‍റെ ഇ​പ്പോ​ഴ​ത്തെ അ​വ​സ്ഥ​യ്ക്കു കാ​ര​ണം.

പ്ര​കൃ​തി - പ​രി​സ്ഥി​തി സം​ര​ക്ഷ​ണ പ്ര​വ​ർ​ത്ത​ക​രു​ടെ​യും ഏ​താ​നും സ​ന്ന​ദ്ധ സം​ഘ​ട​ന​ക​ളു​ടെ​യും നാ​ട്ടു​കാ​രു​ടെ​യും നി​ര​ന്ത​ര​മാ​യ നി​വേ​ദ​ന​ങ്ങ​ളും സ​മ​ര​ങ്ങ​ളും ഉ​ത്ത​ര​പ്പ​ള്ളി​യാ​റി​നെ വീ​ണ്ടെ​ടു​ക്കാ​നു​ള്ള ന​ട​പ​ടി​ക​ൾ​ക്കു സ​ർ​ക്കാ​ർ ഉ​ത്ത​ര​വി​റ​ക്കു​ക​യും അ​ത​നു​സ​രി​ച്ച് റ​വ​ന്യു സം​ഘം സ​ർ​വേ ന​ട​പ​ടി​ക​ളും പൂ​ർ​ത്തി​യാ​ക്കി​യി​രു​ന്നു. അ​ന്ത​രി​ച്ച മു​ന്‍ എം​എ​ല്‍​എ കെ.​കെ.​ രാ​മ​ച​ന്ദ്ര​ന്‍ നാ​യ​രു​ടെ നേ​തൃ​ത്വ​ത്തി​ല്‍ 2015ലാ​ണു ന​ദി വീ​ണ്ടെ​ടു​ക്കാ​നു​ള​ള ശ്ര​മം ആ​രം​ഭി​ച്ച​ത്.

വെ​ണ്‍​മ​ണി, ആ​ലാ, ചെ​റി​യ​നാ​ട്, പു​ലി​യൂ​ര്‍, ബു​ധ​നൂ​ര്‍ പ​ഞ്ചാ​യ​ത്തു​ക​ളി​ലൂ​ടെ​യാ​ണു ന​ദി ക​ട​ന്നു പോ​കു​ന്ന​ത്. മേ​ഖ​ല​യി​ലെ ഹെ​ക്ട​ര്‍ ക​ണ​ക്കി​നു പാ​ട​ശേ​ഖ​ര​ങ്ങ​ളി​ലെ കൃ​ഷി​ക്ക് ആ​വ​ശ്യ​മാ​യ ജ​ലം എ​ത്തി​യി​രു​ന്ന​ത് ന​ദി​യി​ലൂ​ടെ​യാ​യി​രു​ന്നു.

ന​ദി ഇ​ല്ലാ​താ​യ​തോ​ടെ ഈ ​പാ​ട​ശേ​ഖ​ര​ങ്ങ​ള്‍ വ​ര്‍​ഷ​ങ്ങ​ളാ​യി ത​രി​ശു​കി​ട​ക്കു​ക​യാ​ണ്. അ​ള​ന്നു തി​ട്ട​പ്പെ​ടു​ത്തി അ​തി​ര്‍​ത്തി നി​ര്‍​ണ​യി​ക്കാ​നും കൈയേറ്റ​ങ്ങ​ള്‍ ഒ​ഴി​പ്പി​ച്ച് പൂ​ര്‍​വ​സ്ഥി​തി​യി​ലാ​ക്കാ​നും തീ​രു​മാ​നി​ച്ചെ​ങ്കി​ലു നാ​ളി​തു​വ​രെ​യാ​യി ന​ട​പ​ടി​യാ​യി​ട്ടി​ല്ല. ന​ദി​യി​ലു​ട​നീ​ളം ചെ​റു​തും വ​ലു​തു​മാ​യ 145 കൈയേറ്റ​ങ്ങ​ള്‍ ഉ​ണ്ടെ​ന്നാ​യി​രു​ന്നു ക​ണ്ടെ​ത്ത​ല്‍.

സ​ര്‍​വേ​ക്ക​ല്ലു​ക​ള്‍ സ്ഥാ​പി​ച്ച് ന​ദി കൈയേറി​യ​വ​ര്‍​ക്കു നോ​ട്ടി​സ് ന​ല്‍​കു​ക​യും ചെ​യ്തു. 48 പേ​ര്‍ ന​ദി ക​യ്യേ​റി​യ​താ​യും ക​ണ്ടെ​ത്തി. യാ​തൊ​രു എ​തി​ര്‍​പ്പും പ്ര​ക​ടി​പ്പി​ക്കാ​തെ ഭൂ​മി ന​ദി​ക്കാ​യി വി​ട്ടു​ന​ല്‍​കാ​ന്‍ ഇ​വ​ര്‍ സ​മ്മ​ത​പ​ത്രം ന​ല്‍​കി​യാ​താ​യും ഉ​ദ്യോ​ഗ​സ്ഥ​ര്‍ പ​റ​ഞ്ഞു.

അ​ള​ന്നു തി​ട്ട​പ്പെ​ടു​ത്തി​യ ഈ ​ഭാ​ഗ​ത്തെ ക​യ്യേ​റ്റ​ങ്ങ​ള്‍ ഒ​ഴി​പ്പി​ക്കാ​നു​ള​ള ന​ട​പ​ടി​ക​ളും തു​ട​ങ്ങി​യി​രു​ന്നു. എ​ന്നാ​ൽ, പി​ന്നെ​യും വ​ർ​ഷ​ങ്ങ​ൾ ക​ഴി​ഞ്ഞി​ട്ടും ഉ​ത്ത​ര​പ്പ​ള്ളി​യാ​റ്റി​ലെ നീ​രൊ​ഴു​ക്കി​നു​ള്ള തു​ട​ർ ന​ട​പ​ടി സ്വീ​ക​രി​ക്കാ​ൻ ബ​ന്ധ​പ്പെ​ട്ട വ​കു​പ്പു​ക​ൾ ഇ​നി​യും ത​യാ​റാ​യി​ട്ടി​ല്ലെ​ന്ന് ആ​ലാ റൂ​റ​ൽ ഡ​വ​ല​പ്മെ​ന്‍റ് ആ​ൻ​ഡ് ക​ൾ​ച്ച​റ​ൽ സൊ​സൈ​റ്റി ഭാ​ര​വാ​ഹി​ക​ൾ പ​റ​യു​ന്നു.

ആ​ലാ പ​ഞ്ചാ​യ​ത്തി​ന്‍റെ പ​രി​ധി​യി​ൽ വ​രു​ന്ന ഭാ​ഗ​ത്താ​ണ് ഏ​റ്റ​വും കൂ​ടു​ത​ൽ കൈയേ​റ്റം ന​ട​ന്നി​ട്ടു​ള്ള​തെ​ന്ന് പ​ല​സ​ർ​വേ റി​പ്പോ​ർ​ട്ടു​ക​ളും വ്യ​ക്ത​മാ​ക്കു​ന്നു. ആ​റി​ന്‍റെ ചി​ല ഭാ​ഗ​ത്ത് 25 മീ​റ്റ​റോ​ളം വീ​തി​യു​ള്ള​പ്പോ​ൾ ചി​ലേ​ട​ത്ത് കൈ​ത്തോ​ടി​ന്‍റെ വ​ലി​പ്പം പോ​ലു​മി​ല്ല. കൈയേറി​യ ഭാ​ഗ​ങ്ങ​ളി​ൽ കെ​ട്ടി​ട​ങ്ങ​ൾ പോ​ലും നി​ർ​മി​ച്ചി​രി​ക്കു​ന്നു.

കെ​ട്ടി​ക്കി​ട​ക്കു​ന്ന മ​ലി​ന​ജ​ലം ഉ​റ​വ​ക​ളാ​യി ഒ​ലി​ച്ചി​റ​ങ്ങി ആ​റി​ന്‍റെ സ​മീ​പ പ്ര​ദേ​ശ​ങ്ങ​ളി​ലെ കി​ണ​റു​ക​ളി​ൽ എ​ത്തു​ന്ന​തു​മൂ​ലം കാ​ൻ​സ​ർ പോ​ലു​ള്ള മാ​ര​ക​രോ​ഗ​ങ്ങ​ൾ വ​രെ ഉ​ണ്ടാ​കാ​നും സാ​ധ്യ​ത ഏ​റെ​യാ​ണ്.

അ​തേസ​മ​യം, പു​ഴ ഒ​ഴു​കി​യി​രു​ന്ന പ്ര​ദേ​ശ​ങ്ങ​ളി​ൽ വ​ൻ മ​ണ​ൽ ശേ​ഖ​ര​ത്തി​ന്‍റെ സാ​ന്നി​ധ്യ​മു​ണ്ട്. മേ​ൽ​മ​ണ്ണ് മാ​റ്റി​യാ​ൽ 25 അ​ടി മു​ത​ൽ 40 അ​ടി ആ​ഴ​ത്തി​ൽ വ​രെ മ​ണ​ലാ​ണ്.

ഇ​വി​ടെ അ​ന​ധി​കൃ​ത മ​ണ​ലൂ​റ്റ് മു​ൻ​പ് ന​ട​ന്നി​രു​ന്നു. കു​ട്ട​നാ​ട് പാ​ക്കേ​ജി​ൽ ഉ​ൾ​പ്പെ​ടു​ത്തി ഉ​ത്ത​ര​പ്പ​ള്ളി​യാ​റ് സം​ര​ക്ഷി​ക്ക​ണ​മെ​ന്ന ആ​വ​ശ്യ​വും ക​ട​ലാ​സി​ൽ ഒ​തു​ങ്ങി. ഇ​ക്കാ​ര്യ​ത്തി​ൽ ഡോ.​സ്വാ​മി​നാ​ഥ​ൻ ക​മ്മീ​ഷ​ൻ ആ​ലാ റൂ​റ​ൽ ഡ​വ​ല​പ്മെ​ന്‍റ് ആ​ൻ​ഡ് ക​ൾ​ച്ച​റ​ൽ സൊ​സൈ​റ്റി സ​മീ​പി​ച്ചി​രു​ന്നു.
ഇ​തി​ന്‍റെ അ​ടി​സ്ഥാ​ന​ത്തി​ൽ ക​മ്മീ​ഷ​ൻ ഉ​ത്ത​ര​പ്പ​ള്ളി​യാ​റി​ന്റെ പ്ര​ദേ​ശ​ങ്ങ​ൾ നേ​രി​ട്ട് സ​ന്ദ​ർ​ശി​ക്കു​ക​യും പു​ന​രു​ദ്ധാ​ര​ണ പ​ദ്ധ​തി​യി​ൽ ഉ​ന്ന​ര​പ്പ​ള്ളി​യാ​റ് ഉ​ൾ​പ്പെ​ടു​ത്തു​മെ​ന്ന് സ​മ്മ​തി​ക്കു​ക​യും ചെ​യ്തി​തി​രു​ന്നു.