കുരുത്തോലയിൽ വി​സ്മ​യം തീ​ർ​ത്ത് രാ​ജ​ൻ
Sunday, May 19, 2024 6:04 AM IST
മാ​ന്നാ​ർ: കു​രു​ത്തോ​ല രാ​ജ​ന്‍റെ കൈയിലെ​ത്തി​യാ​ൽ അ​ത് അ​ല​ങ്കാ​ര വ​സ്തു​ക്ക​ളാ​കാ​ൻ അ​ധി​ക സ​മ​യം വേ​ണ്ട. ഓ​ലപ​ന്തും വ​ട്ടക്ക​ണ്ണ​ട​യും ഓ​ലപീ​പ്പി​യു​മൊ​ക്കെ ഉ​ണ്ടാ​ക്കു​ന്ന​ത് സാ​ധാ​ര​ണ​മാ​ണ​ങ്കി​ലും രാ​ജ​ൻ ഇ​വകൊ​ണ്ട് നി​ർ​മി​ക്കു​ന്ന​ത് വി​സ്മ​യക്കാ​ഴ്ച​ക​ളാ​ണ്.

ആ​ഘോ​ഷ​വേ​ദി​ക​ളെ അ​ല​ങ്ക​രി​ക്കാ​ൻ രാ​ജ​ൻ ഒ​രു​ക്കു​ന്ന ഓ​ല​ച്ച​മ​യം വി​സ്മ​യം സൃ​ഷ്ടി​ക്കു​ക​യാ​ണ്. വി​വാ​ഹ വേ​ദി​ക​ളി​ലും ക്ഷേ​ത്ര​മു​റ്റ​ത്തും ഓ​ല​ക​ളി​ൽ തീ​ർ​ത്ത മ​നോ​ഹ​ര​ങ്ങ​ളാ​യ അ​ല​ങ്കാ​ര​ങ്ങ​ളാ​ണ് മാ​ന്നാ​ർ കു​ള​ഞ്ഞി​ക്കാ​രാ​ഴ്മ പു​ത്ത​ൻ​പു​ര​യ്ക്ക​ൽ തെ​ക്കേ​തി​ൽ കെ.​ രാ​ജ​ൻ(50) ഒ​രു​ക്കു​ന്ന​ത്. ഓ​ല​ക​ൾ മെ​ട​ഞ്ഞും പി​ന്നിയും മ​നോ​ഹ​ര രൂ​പ​ങ്ങ​ൾ ഒ​രു​ക്കു​ന്ന രാ​ജ​ൻ ആ​റ​ന്മു​ള എ​ൻ​ജി​നി​യ​റിം​ഗ് കോ​ള​ജി​ൽ മെ​ക്കാ​നി​ക്ക​ൽ ട്രേ​ഡ് ഇ​ൻ​സ്ട്ര​ക്ട​റാണ്.

ജോ​ലി ക​ഴി​ഞ്ഞു​ള്ള സ​മ​യ​മാ​ണ് രാ​ജ​ൻ ത​ന്‍റെ ക​ര​വി​രു​തി​നാ​യി ഉ​പ​യോ​ഗി​ക്കു​ന്ന​ത്. ഓ​ല​ച്ച​മ​യ​ത്തി​ൽ രാ​ജ​ന്‍റെ ക​ലാ​വൈ​ഭ​വം അ​റി​ഞ്ഞ ഇ​വ​ന്‍റ് മാ​നേ​ജ്‌​മെ​ന്‍റ് ക​മ്പ​നി​ക​ൾ രാ​ജ​നെ തേ​ടി​യെ​ത്താ​റു​ണ്ട്. ചെ​റുപ്രാ​യ​ത്തി​ൽത്ത​ന്നെ ക​ര​കൗ​ശ​ല വ​സ്തു​ക്ക​ളു​ടെ നി​ർ​മാ​ണ​ത്തി​ൽ വി​ദ​ഗ്ധ​നാ​യ രാ​ജ​ൻ ചി​ര​ട്ട​ക​ളി​ലും ത​ന്‍റെ ക​ര​വി​രു​ത് തെ​ളി​യി​ക്കു​ന്നു​ണ്ട്. ത​ന്‍റെ ക​ര​വി​രു​തി​ൽ വി​രി​ഞ്ഞ ക​ലാ​സൃ​ഷ്ടി​ക​ളു​ടെ ഒ​രു പ്ര​ദ​ർ​ശ​നം ന​ട​ത്ത​ണ​മെ​ന്നാ​ണ് രാ​ജ​ന്‍റെ ആ​ഗ്ര​ഹം.

മാ​ന്നാ​ർ കു​ര​ട്ടി​ക്കാ​ട് പാ​ട്ട​മ്പ​ലം ദേ​വീ​ക്ഷേ​ത്ര​ത്തി​ൽ ന​ട​ന്ന അ​ൻ​പൊ​ലി അ​രീ​പ്പ​റ മ​ഹോ​ത്സ​വ​ത്തോ​ട​നു​ബ​ന്ധി​ച്ച് രാ​ജ​ന്‍റെ നേ​തൃ​ത്വ​ത്തി​ൽ ഒ​രു​ക്കി​യ ഓ​ല​ച്ച​മ​യം ഭ​ക്ത​രുടെ മ​ന​സി​നെ കു​ളി​ര​ണി​യി​ച്ചു. ആ​ദ്യ​മാ​യാ​ണ് ഇ​ത്ര​യും വ​ലി​യ​രീ​തി​യി​ൽ ഓ​ല​ച്ച​മ​യം ഒ​രു​ക്കാ​ൻ ക​ഴി​ഞ്ഞ​തെ​ന്നും അ​തെ​ല്ലാം പാ​ട്ട​മ്പ​ല​ത്തി​ല​മ്മ​യു​ടെ അ​നു​ഗ്ര​ഹ​മാ​ണെ​ന്നും രാ​ജ​ൻ പ​റ​യുന്നു.

സ​ഹോ​ദ​ര​ൻ ര​മേ​ശും സ​ഹാ​യ​ത്തി​നാ​യി കൂ​ടെ​യു​ണ്ട്. ഓ​ല​ച്ച​മ​യ​ത്തി​ന്‍റെ പ​ണി​ക​ൾ ഏ​റു​മ്പോ​ൾ പു​റ​ത്തുനി​ന്ന് ആ​ൾ​ക്കാ​രെ ജോ​ലി​ക്ക് നി​ർ​ത്തി​യാ​ണ് പ​ണി​ക​ൾ പൂ​ർ​ത്തി​യാ​ക്കു​ന്ന​ത്. തു​ട​ക്ക​ത്തി​ൽ നി​സാ​ര വി​ല​യ്ക്ക് കി​ട്ടി​യി​രു​ന്ന ഓ​ല​യ്​ക്ക് ഇ​പ്പോ​ൾ 250 രൂ​പ വേ​ണ്ടി വ​രു​ന്ന​താ​യി രാ​ജ​ൻ പ​റ​യു​ന്നു. പ്ലാ​സ്റ്റി​ക് അ​ല​ങ്കാ​ര​ങ്ങ​ൾ​ക്ക് വി​ട ന​ൽ​കു​ന്ന ആ​ഘോ​ഷ​വേ​ദി​ക​ൾ അ​ല​ങ്ക​രി​ക്കാ​ൻ രാ​ജ​ന്‍റെ സാ​നി​ധ്യം അ​നി​വാ​ര്യ​മാ​യി​രി​ക്കു​ക​യാ​ണ്.

മാ​ന്നാ​ർ പ​ഞ്ചാ​യ​ത്ത് പ്ര​സി​ഡ​ന്‍റ് ടി.​വി. ര​ത്ന​കു​മാ​രി​യാ​ണ് ഭാ​ര്യ. ഏ​ക മ​ക​ൾ അ​ന​ന്ത​ല​ക്ഷ്മി കോ​ട്ട​യം സി​എം​എ​സ് കോ​ള​ജ് ഒ​ന്നാം വ​ർ​ഷ ബി​രു​ദ വി​ദ്യാ​ർ​ഥി​നിയാണ്.