കെപി റോ​ഡി​ൽ അ​പ​ക​ട​ങ്ങ​ൾ വ​ർ​ധി​ക്കു​ന്നു
Friday, May 17, 2024 11:36 PM IST
കാ​യം​കു​ളം: അ​പ​ക​ട നി​യ​ന്ത്ര​ണ പ​ദ്ധ​തി​ക​ൾ പ്ര​ഖ്യാ​പ​ന​ത്തി​ൽ ഒ​തു​ങ്ങി​യ​തോ​ടെ കാ​യം​കു​ളം -പു​ന​ലൂ​ർ കെപി റോ​ഡി​ൽ അ​പ​ക​ട​ങ്ങ​ൾ വ​ർ​ധി​ക്കു​ന്നു. അ​പ​ക​ട​ങ്ങ​ളി​ൽ ക​ഴി​ഞ്ഞ ഒ​രു വ​ർ​ഷ​ത്തി​നു​ള്ളി​ൽ നി​ര​വ​ധി പേ​രു​ടെ ജീ​വ​നാ​ണ് പൊ​ലി​ഞ്ഞ​ത്.

കൂ​ടാ​തെ ചെ​റു​തും വ​ലു​തു​മാ​യ അ​മ്പ​തി​ലേ​റെ അ​പ​ക​ട​ങ്ങ​ളു​ണ്ടാ​കു​ക​യും ചെ​യ്തു. ക​ഴി​ഞ്ഞ ദി​വ​സം കെ​എ​സ്ആ​ർ​ടി​സി ബ​സ് സൈ​ക്കി​ളി​ലി​ടി​ച്ച് സൈ​ക്കി​ൾ യാ​ത്ര​ക്കാ​ര​ൻ മ​രി​ച്ച​താ​ണ് ഒ​ടു​വി​ല​ത്തെ അ​പ​ക​ടം. ക​റ്റാ​നം ഭ​ര​ണി​ക്കാ​വ് ദേ​വി​സ​ദ​ന​ത്തി​ൽ ശ​ശി (58) ആ​ണ് മ​രി​ച്ച​ത്. ക​റ്റാ​നം ഗാ​നം തീ​യ​റ്റി​ന് സ​മീ​പ​മാ​യി​രു​ന്നു അ​പ​ക​ടം. ടി​പ്പ​റു​ക​ൾ ഉ​ൾ​പ്പ​ടെ​യു​ള്ള വാ​ഹ​ന​ങ്ങ​ളു​ടെ അ​മി​ത വേ​ഗ​വും ഇ​പ്പോ​ൾ അ​പ​ക​ടം വ​ർ​ധി​ക്കാ​ൻ കാ​ര​ണ​മാ​കു​ക​യാ​ണ്. സ്വ​കാ​ര്യ ബ​സു​ക​ളു​ടെ മ​ത്സ​ര​യോ​ട്ട​വും ടി​പ്പ​ർ ലോ​റി​ക​ളു​ടെ മ​ര​ണ​പ്പാ​ച്ചി​ലും കെ ​പി റോ​ഡി​ൽ അ​റു​തി​യി​ല്ലാ​തെ തു​ട​രു​ക​യു​മാ​ണ്.

അ​പ​ക​ട നി​യ​ന്ത്ര​ണ സം​വി​ധാ​ന​ങ്ങ​ൾ ഏ​ർ​പ്പെ​ടു​ത്താ​ത്ത​താ​ണ് തു​ട​ർ​ച്ച​യാ​യി അ​പ​ക​ട​ങ്ങ​ൾ ഉ​ണ്ടാ​കു​വാ​ൻ പ്രാ​ധാ​ന കാ​ര​ണം. ചാ​രും​മൂ​ട് ജം​ഗ്ഷ​നി​ലും തി​ര​ക്കേ​റി​യ കു​റ്റി​ത്തെ​രു​വ് ജം​ഗ്‌​ഷ​നി​ലും സ്ഥാ​പി​ച്ചി​ട്ടു​ള്ള സി​ഗ്ന​ൽ ലൈ​റ്റു​ക​ൾ മാ​ത്ര​മാ​ണ് കെ.​പി.​റോ​ഡി​ൽ ആ​കെ​യു​ള്ള ഗ​താ​ഗ​ത നി​യ​ന്ത്ര​ണ സം​വി​ധാ​നം.

മാ​തൃ​കാ ജം​ഗ്ഷ​നാ​യി പ്ര​ഖ്യാ​പി​ച്ച ചാ​രും​മൂ​ട് ജം​ഗ്‌​ഷ​നി​ൽ സി​ഗ്ന​ൽ ലൈ​റ്റു​ക​ൾ തെ​റ്റി​ച്ച് വാ​ഹ​ന​ങ്ങ​ൾ ക​ട​ന്നു​പോ​കു​ന്ന​തും പ​തി​വാ​ണ്.

സി​ഗ്ന​ൽ തെ​റ്റി​ച്ചു പോ​കു​ന്ന വാ​ഹ​ന​ങ്ങ​ൾ ക​ണ്ടെ​ത്തി ന​ട​പ​ടി​യെ​ടു​ക്കാ​നാ​യി ജം​ഗ്ഷ​നി​ൽ സി​സി​ടി​വി കാ​മ​റ സ്ഥാ​പി​ച്ചി​ട്ടു​ണ്ട്. എ​ന്നാ​ൽ ഇ​തൊ​ന്നും ബാ​ധ​ക​മ​ല്ലെ​ന്ന നി​ല​യി​ൽ വാ​ഹ​നം​ഓ​ടി​ച്ചു പോ​കു​ന്ന​വ​രെ ക​ണ്ടെ​ത്തി ന​ട​പ​ടി എ​ടു​ക്കാ​ൻ അ​ധി​കൃ​ത​ർ​ക്ക് ക​ഴി​യു​ന്നു​മി​ല്ല.

കു​റ്റി​ത്തെ​രു​വ് ജം​ഗ്‌​ഷ​നും ഇ​പ്പോ​ൾ സ്ഥി​രം അ​പ​ക​ട​മേ​ഖ​ല​യാ​യി മാ​റി. സി​ഗ്ന​ൽ സം​വി​ധാ​നം ഏ​ർ​പ്പെ​ടു​ത്തി​യെ​ങ്കി​ലും വാ​ഹ​ന​ങ്ങ​ളു​ടെ അ​മി​ത​വേ​ഗം നി​യ​ന്ത്രി​ക്കാ​ൻ സം​വി​ധാ​ന​മി​ല്ല. ജം​ഗ്ഷ​നി​ൽ പോ​ലീ​സ് സേ​വ​ന​വും ഏ​ർ​പ്പെ​ടു​ത്തി​യി​ട്ടു​ണ്ട്.

എ​ന്നാ​ൽ, ദി​നം പ്ര​തി കെപി റോ​ഡി​ൽ അ​പ​ക​ട​ങ്ങ​ൾ കൂ​ടു​ക​യാ​ണ്. ഭ​ര​ണി​ക്കാ​വ് പ​ഞ്ചാ​യ​ത്ത് മു​മ്പ് സ​മ്പൂ​ർ​ണ അ​പ​ക​ട നി​യ​ന്ത്ര​ണ മേ​ഖ​ല​യാ​യി പ്ര​ഖ്യാ​പി​ച്ചി​രു​ന്നു.

എ​ന്നാ​ൽ, പ​ഞ്ചാ​യ​ത്തി​ലെ ക​റ്റാ​നം ഉ​ൾ​പ്പെ​ടു​ന്ന മേ​ഖ​ല​യി​ലാ​ണ് ഏ​റ്റ​വും കൂ​ടു​ത​ൽ വാ​ഹ​നാ​പ​ക​ട​ങ്ങ​ൾ ഇ​പ്പോ​ൾ റി​പ്പോ​ർ​ട്ട് ചെ​യ്യു​ന്ന​ത്. കെപി റോ​ഡി​ലെ വ​ർ​ധി​ച്ചു വ​രു​ന്ന അ​പ​ക​ട​ങ്ങ​ൾ നി​യ​ന്ത്രി​ക്കാ​ൻ റോ​ഡി​ൽ സു​ര​ക്ഷാ വ​ര​ക​ൾ ദി​ശാ സൂ​ച​ക​ങ്ങ​ൾ സ് പീ​ഡ് ബ്രേ​ക്ക​റു​ക​ൾ എ​ന്നി​വ സ്ഥാ​പി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാ​ണ്.