ആല​പ്പു​ഴ: ക​ലാ​ശ​ക്കൊ​ട്ടി​ന് ഒ​രു​ദി​വ​സം മാ​ത്രം. സ്ഥാ​നാ​ര്‍​ഥി​ക​ള്‍ പ്ര​ചാ​ര​ണ​ത്തി​ന്‍റെ അ​വ​സാ​ന ലാ​പ്പി​ൽ വോ​ട്ടി​നു​ള്ള നെ​ട്ടോ​ട്ട​ത്തി​ൽ. പ​ര​സ്യ​പ്ര​ചാ​ര​ണം നാ​ളെ വൈ​കി​ട്ടാ​ണ് അ​വ​സാ​നി​ക്കു​ക. ഓരോ വോട്ടും ഉറപ്പിച്ചുള്ള പ്രവ ർത്തനമാണ് സ്ഥാനാർഥികൾ നടത്തുന്നത്. എ​ല്ലാ മു​ന്ന​ണി​ക​ളും പ്ര​ചാ​ര​ണ​ത്തി​ന്‍റെ പോ​രാ​യ്മ​ക​ൾ തി​രു​ത്താ​നു​ള്ള ഓ​ട്ട​ത്തി​ൽ. എ​ങ്കി​ലും തെ​ര​ഞ്ഞെ​ടു​പ്പ് പ്ര​ച​ാര​ണ​ത്തി​ൽ ബ​ഹു​ദൂ​രം മു​ന്നി​ലെ​ന്ന ആ​ത്മ​വി​ശ്വാ​സ​ത്തി​ലാ​ണ് മു​ന്ന​ണി​ക​ൾ.

വ്യാ​ജ പ്ര​ചാ​ര​ണ​ങ്ങ​ളു​ടെ​യും അ​പ​കീ​ർ​ത്തി​ക​ളു​ടെ​യും പേ​രി​ൽ പ​ര​സ്പ​രം പ​രാ​തി​ക​ൾ കൊ​ടു​ത്തും കേ​സു​ക​ൾ ഫ​യ​ൽ ചെ​യ്തു​മൊ​ക്കെ വോ​ട്ട​ർ​മാ​രു​ടെ മേ​ൽ സ്വ​ന്തം മേ​ന്മ​യും മി​ക​വും പ​റ​ഞ്ഞ് ന​ട​ത്തി​യ സ്വാ​ധീ​ന​ശ്ര​മ​ത്തി​ന്‍റെ പ​ര​സ്യ​പ്ര​ചാ​ര​ണ​മാ​ണ് നാ​ളെ അ​വ​സാ​നി​ക്കു​ന്ന​ത്.

ആ​ല​പ്പു​ഴ, മാ​വേ​ലി​ക്ക​ര പാ​ർ​ല​മെ​ന്‍റ് മ​ണ്ഡ​ല​ത്തി​ലെ വി​വി​ധ കേ​ന്ദ്ര​ങ്ങ​ളി​ൽ പ്ര​വ​ർ​ത്ത​ക​ർ ക​ലാ​ശക്കൊട്ടി​ന്‍റെ ഭാ​ഗ​മാ​കും. ആ​വേ​ശം കൊ​ടു​മു​ടി ക​യ​റു​ന്ന റോ​ഡ് ഷോ​ക​ളി​ൽ സ്ഥാ​നാ​ർ​ഥി​ക​ൾ​ക്കൊ​പ്പം നേ​താ​ക്ക​ളും അ​ണി​ക​ളും ഒ​ഴു​കി​യെ​ത്തും. മ​ണ്ഡ​ല​ത്തി​ലെ ഭൂ​രി​ഭാ​ഗം പ്ര​ദേ​ശ​ങ്ങ​ളി​ലും സ്ഥാ​നാ​ർ​ഥി​ക​ൾ ത​ങ്ങ​ളു​ടെ പ​ര്യ​ട​നം ന​ട​ത്തി​ക്ക​ഴി​ഞ്ഞു. വാ​ദ​പ്ര​തി​വാ​ദ​ങ്ങ​ളു​മാ​യി നാ​ളെ ക​ഴി​ഞ്ഞ് നി​ശ​ബ്ദ പ്ര​ചാ​ര​ണ​ത്തി​ലാ​വും സ്ഥാ​നാ​ർ​ഥി​ക​ൾ. വെ​ള്ളി​യാ​ഴ്ച​യാ​ണ് വോ​ട്ടെ​ടു​പ്പ്.

ക​ഴി​ഞ്ഞ തെ​ര​ഞ്ഞെ​ടു​പ്പി​ൽ മാ​റി​നി​ന്ന കെ.​സി. വേ​ണു​ഗോ​പാ​ലും എ.​എം. ആ​രി​ഫും ത​മ്മി​ലാ​ണ് ആ​ല​പ്പു​ഴ​യി​ൽ നേ​രി​ട്ട് മ​ത്സ​രം. എ​ൻ​ഡി​എ സ്ഥാ​നാ​ർ​ഥി ശോ​ഭാ സു​രേ​ന്ദ്ര​ൻ സ​ജീ​വ​മാ​ണെ​ന്നും ത്രി​കോ​ണ മ​ത്സ​ര​മാ​ണ് ആ​ല​പ്പു​ഴ​യി​ലെ​ന്നും വെ​ള്ളാ​പ്പ​ള്ളി​യെ പോ​ലു​ള്ള​വ​ർ പ​റ​യു​ന്നു​ണ്ട്. മാ​വേ​ലി​ക്ക​ര​യി​ൽ ജൈ​ത്ര​യാ​ത്ര തു​ട​രു​ന്ന കൊ​ടു​ക്കു​ന്നി​ലി​ന് ഭീ​ഷ​ണി​യാ​യി അ​രു​ൺകു​മാ​റും തീ​പാ​റു​ന്ന മ​ത്സ​രം കാ​ഴ്ച​വ​യ്ക്കു​ന്നു. കൊ​ട്ടി​ക്ക​ലാ​ശ​ത്തി​ൽ പ്ര​വേ​ശി​ക്കു​ന്ന ബൈ​ജു ക​ലാ​ശാ​ല​യും പോ​രാ​ട്ട​നി​റ​വി​ൽ ത​ന്നെ. 27 ദി​വ​സം നീ​ണ്ടു​നി​ന്ന പ​ര​സ്യ​പ്ര​ച​ാര​ണ​ത്തി​നാ​ണ് നാ​ളെ പ​രി​സ​മാ​പ്തി കു​റി​ക്കു​ന്ന​ത്.

കൊ​ട്ടി​ക്ക​ലാ​ശം ക​ഴി​ഞ്ഞു​ള്ള മ​ണി​ക്കൂ​റു​ക​ൾ നി​ശ​ബ്ദ പ്ര​ചാ​ര​ണ​ത്തി​ൽ ജ​ന​ങ്ങ​ളി​ലേ​ക്ക് നേ​രി​ട്ടി​റ​ങ്ങി വോ​ട്ടു​റ​പ്പി​ക്കാ​നു​ള്ള സ​മ​യ​മാ​യി മു​ന്ന​ണി​ക​ൾ കാ​ണു​ന്നു. തു​ട​ർ​ന്നു​ള്ള ഒ​രു പ​ക​ലി​നും രാ​ത്രി​ക്കു​മ​പ്പു​റം വോ​ട്ട​ർ​മാ​ർ ബു​ത്തി​ലേ​ക്ക്. മാ​വേ​ലി​ക്ക​ര​യെ​യും ആ​ല​പ്പു​ഴ​യെ​യും പ്ര​തി​നി​ധീ​ക​രി​ച്ച് ആ​ര് പാ​ർ​ല​മെ​ന്‍റിൽ പോ​ക​ണ​മെ​ന്ന് അ​ന്ന് ജ​ന​ങ്ങ​ൾ തീ​രു​മാ​നി​ക്കും.

കൊ​ട്ടി​ക്ക​ലാ​ശം
മ​വേ​ലി​ക്ക​ര

മാ​വേ​ലി​ക്ക​ര മ​ണ്ഡ​ല​ത്തി​ലെ മൂ​ന്നു മു​ന്ന​ണി സ്ഥാ​നാ​ർ​ഥി​ക​ളും കൊ​ട്ടി​ക്ക​ലാ​ശം ന​ട​ത്തു​ന്ന​ത് ചെ​ങ്ങ​ന്നൂ​രി​ലാ​ണ്. യു​ഡി​എ​ഫ് സ്ഥാ​നാ​ർ​ഥി കൊ​ടി​ക്കു​ന്നി​ൽ സു​രേ​ഷ് മ​ണ്ഡ​ല​ത്തി​ലാ​ക​മാ​നം റോ​ഡ് ഷോ ​ന​ട​ത്തി ചെ​ങ്ങ​ന്നൂ​രി​ലെ എ​ല്ലാ പ​ഞ്ചാ​യ​ത്തു​ക​ളി​ലും പ​ര്യ​ട​നം ന​ട​ത്തി ചെ​ങ്ങ​ന്നൂ​രി​ൽ സ​മാ​പി​ക്കും.

എ​ൽഡി​എ​ഫ് സ്ഥാ​നാ​ർ​ഥി സി.​എ.​ അ​രു​ൺ​കു​മാ​ർ ഇ​ന്നു മൂ​ന്ന് മ​ണ്ഡ​ങ്ങ​ളി​ൽ ഓ​ട്ട​പ്ര​ദ​ക്ഷി​ണം ന​ട​ത്തി നാ​ളെ മാ​വേ​ലി​ക്ക​ര​യി​ൽ രാ​വി​ലെ റോ​ഡ് ഷോ ​ന​ട​ത്തും. തു​ട​ർ​ന്ന് ചെ​ങ്ങ​ന്നൂ​രി​ലെ പ​ഞ്ചാ​യ​ത്തു​ക​ളി​ലും അ​വ​സാ​ന ഘ​ട്ട പ്ര​ചാ​ര​ണം ന​ട​ത്തി ടൗ​ണി​ൽ നി​ര​വ​ധി വാ​ഹ​ന​ങ്ങ​ളു​ടെ അ​ക​മ്പ​ടി​യി​ൽ കൊ​ട്ടി​ക്ക​ലാ​ശ വേ​ദി​യി​ലേ​ക്ക് വ​രും.

എ​ൻഡിഎ സ്ഥാ​നാ​ർ​ഥി ബൈ​ജു ക​ലാ​ശാ​ല​യു​ടെ കൊ​ട്ടി​ക്ക​ലാ​ശ​വും ചെ​ങ്ങ​ന്നൂ​രി​ലാ​ണ്. ഇ​ന്ന് ശാ​സ്താം​കോ​ട്ട​യി​ലും കു​ന്ന​ത്തൂ​രി​ലും സ്വീ​ക​ര​ണ പ​രി​പാ​ടി​ക​ൾ ന​ട​ത്തും. നാ​ളെ ചെ​ങ്ങ​ന്നൂ​രി​ലും മാ​വേ​ലി​ക്ക​ര​യി​ലും ഓ​ട്ട​പ്ര​ദ​ക്ഷി​ണം ന​ട​ത്തി കൊ​ട്ടി​ക​ശാ​ല​ത്തോ​ടെ ചെ​ങ്ങ​ന്നൂ​രി​ൽ സ​മാ​പി​ക്കും.