അ​ന​ധി​കൃ​ത മദ്യവി​ല്പന​: പോലീസിനെ കണ്ട് പ്രതികൾ ഓ​ടി ര​ക്ഷ​പ്പെ​ട്ടു
Monday, October 3, 2022 10:55 PM IST
മാ​ന്നാ​ർ: പോ​ലീ​സ് സം​ഘ​ത്തെ ക​ണ്ട് അ​ന​ധി​കൃ​ത​മാ​യി മ​ദ്യ​ക്ക​ച്ച​വ​ടം ന​ടത്തി​യ​വ​ർ മ​ദ്യം ഉ​പേ​ക്ഷി​ച്ച് ഓ​ടി ര​ക്ഷ​പ്പെ​ട്ടു. ചെ​ന്നി​ത്ത​ല വെ​ട്ട​ത്തു​വി​ള സ്കൂ​ളി​നു പ​ടി​ഞ്ഞാ​റ് തോ​ട്ട​ങ്ക​ര ക​ലു​ങ്കി​ന്‍റെ സ​മീ​പ​ത്താ​ണ് അ​ന​ധി​കൃ​ത മ​ദ്യ​ക്ക​ച്ച​വ​ടം ന​ട​ന്നുവ​ന്നി​രു​ന്ന​ത്. 

​പ്ര​ദേ​ശ​ത്ത് അ​ന​ധി​കൃ​ത മ​ദ്യ വി​ല്പന ന​ട​ക്കു​ന്ന​താ​യി നാ​ട്ടു​കാ​ർ ന​ൽ​കി​യ പ​രാ​തി​യെത്തുട​ർ​ന്നാ​ണ് പോ​ലീ​സെ​ത്തി​യ​ത്. ഒ​രു ലി​റ്റ​ർ, അ​ര ലി​റ്റ​ർ കു​പ്പി​ക​ളി​ലാ​യി ല​ഭി​ക്കു​ന്ന വി​ദേ​ശ​മ​ദ്യ​മാ​ണ് ഇ​വ​ർ പ​ല​ഭാ​ഗ​ങ്ങ​ളി​ലാ​യി വി​ൽ​പ്പ​ന​യും വി​ത​ര​ണ​വും ന​ട​ത്തി​യി​രു​ന്ന​ത്.

മ​ദ്യക്കച്ച​വ​ടം കാ​ര​ണം സ്ത്രീ​ക​ൾ​ക്കും കു​ട്ടി​ക​ൾ​ക്കും ഈ ​വ​ഴി​യി​ലൂ​ടെ സ​ഞ്ച​രി​ക്കാ​ൻ പ​റ്റാ​ത്ത അ​വ​സ്ഥ​യാ​യി​രു​ന്നു. ഇ​വി​ടെനി​ന്ന് മ​ദ്യ​പി​ക്കു​ന്ന സം​ഘം പി​ന്നീ​ട് അ​സ​ഭ്യവ​ർ​ഷം ന​ട​ത്തു​ന്ന​തും പ​തി​വാ​യി​രു​ന്നു. മ​ദ്യസം​ഘ​ത്തി​ന്‍റെ ശ​ല്യം ഏ​റി​യ​തോ​ടെ​യാ​ണ് നാ​ട്ടു​കാ​ർ സം​ഘ​ടി​ച്ച് മാ​ന്നാ​ർ പോ​ലീ​സി​ൽ പ​രാ​തി ന​ൽ​കി​യ​ത്.

തു​ട​ർ​ന്ന് റെ​യ്ഡി​നെ​ത്തി​യ പോ​ലീ​സ് സം​ഘ​ത്തെ ക​ണ്ട് മ​ദ്യ ക്കുപ്പി​ക​ൾ ഉ​പേ​ക്ഷി​ച്ച് വി​ത​ര​ണ​ക്കാ​ർ ഓ​ടി ര​ക്ഷ​പ്പെ​ട്ടു. അ​ടു​ത്തി​ടെ സ​മീ​പ​ത്തു​ള്ള വീ​ട്ടി​ൽനി​ന്നും വ്യാ​ജ സ്പി​രി​റ്റ് പോ​ലീ​സ്-എ​ക്സൈ​സ് സം​ഘം പി​ടി​കൂ​ടി​യി​രു​ന്നു.​ പ്ര​തി​ക​ളെക്കുറി​ച്ചു​ള്ള സൂ​ച​ന ല​ഭി​ച്ച​താ​യി പോ​ലീ​സ് പ​റ​ഞ്ഞു.
Copyright @ 2022 , Rashtra Deepika Ltd.