പെ​രി​ന്ത​ല്‍​മ​ണ്ണ: മു​ള്ള്യാ​ര്‍​കു​ര്‍​ശി​യി​ലെ ജ​ന​വാ​സ മേ​ഖ​ല​യി​ല്‍ വീ​ണ്ടും പു​ലി​യു​ടെ ആ​ക്ര​മ​ണം ഉ​ണ്ടാ​യ​തി​നെ തു​ട​ര്‍​ന്ന് ഡി​എ​ഫ്ഒ സ്ഥ​ലം സ​ന്ദ​ര്‍​ശി​ച്ചു. വ​നം വ​കു​പ്പ് ഉ​ദ്യോ​ഗ​സ്ഥ​ര്‍, ജ​ന​പ്ര​തി​നി​ധി​ക​ള്‍, പാ​ണ്ടി​ക്കാ​ട് പോ​ലീ​സ് എ​ന്നി​വ​രും സ്ഥ​ല​ത്തെ​ത്തി​യി​രു​ന്നു.

പു​ലി​യെ പി​ടി​കൂ​ടാ​നാ​യി കെ​ണി​വ​യ്ക്കാ​ന്‍ ഒ​രു​ക്ക​ങ്ങ​ള്‍ ന​ട​ത്തി​യി​ട്ടു​ണ്ടെ​ന്നും ഉ​ട​ന്‍ കൂ​ട് സ്ഥാ​പി​ക്കു​മെ​ന്നും ഡി​എ​ഫ്ഒ അ​റി​യി​ച്ചു. ക​ഴി​ഞ്ഞ ദി​വ​സ​മാ​ണ് വൈ​കി​ട്ട് നാ​ല​ര​യോ​ടെ മാ​ട്ടു​മ്മ​ല്‍ സ്വ​ദേ​ശി ഉ​മൈ​റി​ന്‍റെ വീ​ട്ടു​മു​റ്റ​ത്തു നി​ന്നു ആ​ടി​നെ പു​ലി ക​ടി​ച്ചു​കൊ​ണ്ടു​പോ​യ​ത്.

പു​ലി​യെ ക​ണ്ടെ​ത്താ​ന്‍ പ്ര​ദേ​ശ​ത്ത് നാ​ട്ടു​കാ​ര്‍ തെ​ര​ച്ചി​ല്‍ തു​ട​ങ്ങി​യി​രു​ന്നു. പു​ലി​യെ പി​ടി​ക്കാ​ന്‍ പ്ര​ദേ​ശ​ത്ത് കൂ​ട് സ്ഥാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് നാ​ട്ടു​കാ​ര്‍ റോ​ഡ് ഉ​പ​രോ​ധം അ​ട​ക്ക​മു​ള്ള പ്ര​ക്ഷോ​ഭം ന​ട​ത്താ​ന്‍ തീ​രു​മാ​നി​ച്ചി​രി​ക്കു​ക​യാ​ണ്.

അ​തി​നി​ടെ​യാ​ണ് ഡി​എ​ഫ്ഒ സ്ഥ​ലം സ​ന്ദ​ര്‍​ശി​ച്ച​ത്. തൊ​ട്ട​ടു​ത്ത ദി​വ​സം ത​ന്നെ കൂ​ട് സ്ഥാ​പി​ക്കു​മെ​ന്ന് ഡി​എ​ഫ്ഒ​യു​ടെ ഉ​റ​പ്പി​നെ​ത്തു​ട​ര്‍​ന്നു നാ​ട്ടു​കാ​ര്‍ പ്ര​ക്ഷോ​ഭ​ത്തി​ല്‍ നി​ന്നു പി​ന്‍​മാ​റു​ക​യാ​യി​രു​ന്നു.

ര​ണ്ടാ​ഴ്ച മു​മ്പ് സ​മാ​ന രീ​തി​യി​ല്‍ പു​ലി​യു​ടെ ആ​ക്ര​മ​ണം ഉ​ണ്ടാ​യി​രു​ന്നു. ഇ​തി​നു പി​ന്നാ​ലെ വ​നം വ​കു​പ്പ് പ്ര​ദേ​ശ​ത്ത് കാ​മ​റ​ക​ള്‍ സ്ഥാ​പി​ച്ചു. ഈ ​കാ​മ​റ​യി​ല്‍ പു​ലി​യു​ടെ ദൃ​ശ്യ​ങ്ങ​ള്‍ ല​ഭി​ച്ചി​ട്ടു​ണ്ട്. സ്ഥി​ര​മാ​യി പു​ലി സാ​ന്നി​ധ്യ​മു​ള്ള പ്ര​ദേ​ശ​മാ​ണ് മു​ള്ള്യാ​കു​ര്‍​ശി. മാ​ട്ടു​മ്മ​ല്‍ ഉ​മൈ​റി​ന്‍റെ ഇ​രു​പ​തി​ലേ​റെ ആ​ടു​ക​ളെ സ​മീ​പ​കാ​ല​ത്താ​യി കാ​ണാ​താ​യി​ട്ടു​ണ്ട്.