മെ​ഡി​ക്ക​ല്‍​കോ​ള​ജ്: യു​വാ​വി​നെ കൊ​ല​പ്പെ​ടു​ത്താ​ന്‍ ശ്ര​മി​ച്ച മൂ​ന്നം​ഗ​സം​ഘ​ത്തെ മെ​ഡി​ക്ക​ല്‍​കോ​ള​ജ് പോ​ലീ​സ് പി​ടി​കൂ​ടി.

ശ്രീ​കാ​ര്യം ക​ല്ല​മ്പ​ള്ളി ക​രി​മ്പൂ​ക്കോ​ണം മേ​ലാ​ങ്കോ​ണം പു​തു​വ​ല്‍ പു​ത്ത​ന്‍​വീ​ട്ടി​ല്‍ എ​ബി (32), മേ​ലാ​ങ്കോ​ണം പു​തു​വ​ല്‍ പു​ത്ത​ന്‍ വീ​ട്ടി​ല്‍ സി​ബി (31), നാ​ലാ​ഞ്ചി​റ ത​ട്ടി​ന​കം കി​ഴ​ക്കേ​വി​ള വീ​ട്ടി​ല്‍ ശി​വ​പ്ര​സാ​ദ് (31) എ​ന്നി​വ​രാ​ണ് പി​ടി​യി​ലാ​യ​ത്. എ​ബി​യും സി​ബി​ യും സ​ഹോ​ദ​ര​ങ്ങ​ളും ശി​വ​പ്ര​സാ​ദ് ഇ​വ​രു​ടെ സു​ഹൃ​ത്തു​മാ​ണ്.

ഫെ​ബ്രു​വ​രി രണ്ടിനാ​യിരുന്നു കേ​സി​നാ​സ്പ​ദ​മാ​യ സം​ഭ​വം. ക​ന്യാ​കു​ള​ങ്ങ​ര ഇ​ട​വി​ളാ​കം ബൈ​ത്തു​ല്‍ ഫി​ര്‍​ദൗ​സി​ല്‍ നു​ജു​മു​ദ്ദീ​ന്‍റെ മ​ക​നും ആം​ബു​ല​ന്‍​സ് ഡ്രൈ​വ​റു​മാ​യ മ​ഹ​ബൂ​ബ് (23) ആ​ണ് ആ​ക്ര​മ​ണ​ത്തി​നി​ര​യാ​യ​ത്. മെ​ഡി​ക്ക​ല്‍​ കോ​ള​ജ് ആ​ശു​പ​ത്രി​ക്കു സ​മീ​പ​ത്തു​നി​ന്നു പ്ര​തി​ക​ള്‍ ചേ​ര്‍​ന്നു മ​ഹ​ബൂ​ബി​നെ ത​ട്ടി​ക്കൊ​ണ്ടു​പോ​കു​ക​യും ശ്രീ​കാ​ര്യ​ത്ത് ആ​ളൊ​ഴി​ഞ്ഞ സ്ഥ​ല​ത്തു​വ​ച്ച് സ്മാ​ര്‍​ട്ട്‌​ഫോ​ണ്‍ അ​പ​ഹ​രി​ക്കു​ക​യും ക്രൂ​ര​മാ​യി മ​ര്‍​ദിച്ചു കൊ​ല​പ്പെ​ടു​ത്താ​ന്‍ ശ്ര​മി​ക്കു​ക​യും ചെ​യ്തു.

പ്ര​തി​ക​ള്‍​ക്ക് യു​വാ​വി​നോ​ടു​ണ്ടാ​യി​രു​ന്ന വ്യ​ക്തി​വി​രോ​ധ​മാ​യി​രു​ന്നു ആ​ക്ര​മ​ണ​ത്തി​നു കാ​ര​ണം. പാ​ര്‍​ക്കിം​ഗ് ഏ​രി​യ​യി​ല്‍ നി​ല്‍​ക്കു​ക​യാ​യി​രു​ന്ന മെ​ഹ​ബൂ​ബി​നെ ഓ​ട്ടോ​റി​ക്ഷ​യി​ലെ​ത്തി​യാ​ണ് പ്ര​തി​ക​ള്‍ ശ്രീ​കാ​ര്യ​ത്തേ​ക്ക് കൊ​ണ്ടു​പോ​യ​ത്. മ​ര്‍​ദ​ന​ത്തി​നി​ട​യി​ല്‍ സ്ഥ​ല​ത്തു​നി​ന്നു ര​ക്ഷ​പ്പെ​ട്ട മെ​ഹ​ബൂ​ബ് തി​രു​വ​ന​ന്ത​പു​രം മെ​ഡി​ക്ക​ല്‍​കോ​ള​ജ് ആ​ശു​പ​ത്രി​യി​ല്‍ ചി​കി​ത്സ തേ​ടു​ക​യും പി​ന്നീ​ട് പോ​ലീ​സി​ല്‍ പ​രാ​തി ന​ല്‍​കു​ക​യു​മാ​യി​രു​ന്നു.

ശ്രീ​കാ​ര്യം പോ​ലീ​സി​ന്‍റെ സ​ഹാ​യ​ത്തോ​ടെ മെ​ഡി​ക്ക​ല്‍​കോ​ള​ജ് പോ​ലീ​സ് പ്ര​തി​ക​ളെ ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. ബി​ജെ​പി പ്ര​വ​ര്‍​ത്ത​ക​നാ​യി​രു​ന്ന രാ​ജേ​ഷി​നെ വ​ര്‍​ഷ​ങ്ങ​ള്‍​ക്കു മു​മ്പ് കൊ​ല​പ്പെ​ടു​ത്തി​യ കേ​സി​ലെ പ്ര​തി​ക​ളാ​ണ് എ​ബി​യും സി​ബി​യും. അ​റ​സ്റ്റി​ലാ​യ മൂ​ന്നം​ഗ​സം​ഘ​ത്തെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍​ഡ് ചെ​യ്തു.