ഗ്രാ​മ​ത്തി​ന്‍റെ വ​ഴി​മു​ട​ക്കി തൊ​ണ്ടി മു​ത​ലു​ക​ൾ
Tuesday, September 10, 2024 6:36 AM IST
കാ​ട്ടാ​ക്ക​ട : തൊ​ണ്ടി മു​ത​ലു​ക​ൾ ഒ​രു ഗ്രാ​മ​ത്തി​ന്‍റെ വ​ഴി​മു​ട​ക്കു​ന്നു. വി​ള​പ്പി​ൽ പ​ഞ്ചാ​യ​ത്തി​ലെ ചെ​റു​കാ​ട് ഗ്രാ​മ​മാ​ണ് ഈ ​ദു​രി​ത​ത്തി​ലായിക്കുന്നത്. ഗ്രാ​മ​വാ​സി​ക​ൾ​ ക​ട​ന്നു​പോ​കു​ന്ന റോ​ഡ് പോ​ലീ​സ് സ്റ്റേ​ഷ​നു മു​ന്നി​ലൂ​ടെ​യാ​ണ്. എ​ന്നാ​ൽ വി​ള​പ്പി​ൽ​ശാ​ല പോ​ലീ​സ് സ്റ്റേ​ഷ​നു മു​ന്നി​ലെ റോ​ഡ​രി​കി​ൽ പാ​ർ​ക്ക് ചെ​യ്തി​രി​ക്കു​ന്ന തൊ​ണ്ടി​മു​ത​ലാ​യ വാ​ഹ​ന​ങ്ങ​ൾ യാ​ത്രാത​ടസം സൃ​ഷ്ടി​ക്കു​ന്ന​താ​യാണ് പ​രാ​തി. വീ​തി കു​റ​ഞ്ഞ പ​ഞ്ചാ​യ​ത്ത് റോ​ഡി​ലൂ ടെ മ​റ്റു വാ​ഹ​ന​ങ്ങ​ൾ ഏ​റെ ബു​ദ്ധി​മു​ട്ടി​യാ​ണ് ക​ട​ന്നു​പോ​കു​ന്ന​ത്.

2019ലാ​ണ് പോ​ലീ​സ് സ്റ്റേ​ഷ​ൻ പു​തി​യ കെ​ട്ടി​ട​ത്തി​ലേ​ക്ക് മാ​റി​യ​ത്.​ തു​ട​ക്ക​ത്തി​ൽ സ​മീ​പ​ത്തെ സ്വ​കാ​ര്യ പു​ര​യി​ട​ത്തി​ലാ​ണ് ഇ​വ പാ​ർ​ക്ക് ചെ​യ്തി​രു​ന്ന​ത്. എ​ന്നാ​ൽ വ​സ്തു ഉ​ട​മ ആ​വ​ശ്യ​പ്പെ​ട്ട​തി​നെ തു​ട​ർ​ന്ന് അ​വി​ടെനി​ന്നു പി​ന്നീ​ടു മാ​റ്റേ​ണ്ടി വ​ന്നു. ഇ​തോ​ടെ​യാ​ണു റോ​ഡ് ത​ന്നെ പോ​ലീ​സ് പാ​ർ​ക്കി​ംഗ് കേ​ന്ദ്ര​മാ​ക്കി മാ​റ്റി​യ​ത്.


കേ​സു​ക​ൾ തീ​ർ​പ്പാ​കു​ന്ന​തു വ​രെ വാ​ഹ​ന​ങ്ങ​ൾ സൂ​ക്ഷി​ക്കേ​ണ്ട ഉ​ത്ത​ര​വാ​ദി​ത്തം പോ​ലീ​സി​നാ​ണ്.​ എ​ന്നാ​ൽ സ്റ്റേ​ഷ​ൻ പ​രി​സ​ര​ത്ത് ഇ​വ പാ​ർ​ക്ക് ചെ​യ്യാ​നു​ള്ള സ്ഥ​ലം ഇ​ല്ലാ​ത്ത​താ​ണു പോ​ലീ​സു​കാ​രെ വ​ല​യ്ക്കു​ന്ന​ത്. കേ​സുക​ൾ കോ​ട​തി​യി​ൽ തീ​ർ​പ്പാ​കുംവ​രെ വാ​ഹ​ന​ങ്ങ​ൾ സൂ​ക്ഷി​ക്ക​ണ്ട ഉ​ത്ത​ര​വാ​ദി​ത്വം പോ​ലീ​സി​നാ​ണ്.

സ​മീ​പ​ത്തെ​വിടെ​യെ​ങ്കി​ലും പാ​ർ​ക്കിം​ഗ് സൗ​ക​ര്യ​മൊ​രു​ക്കാ​മെ​ന്നു പ​ഞ്ചാ​യ​ത്ത് ഉ​റ​പ്പു ന​ൽ​കി​യി​രു​ന്നു​വെ​ങ്കി​ലും പാ​ലി​ച്ചി​ല്ല. ചെ​റു​വ​ല്ലി റോ​ഡി​ൽ നി​ര​വ​ധി കു​ടും​ബ​ങ്ങ​ളാ​ണ് താ​മ​സി​ക്കു​ന്ന​ത്. സ്‌​കൂ​ൾ വാ​ഹ​ന​ങ്ങ​ൾ ക്കുൾപ്പെടെ ഇ​തു വ​ഴി പോ​കാ​നാ​കില്ലെന്നു നാട്ടുകാർ പറയു ന്നു. പ​രാ​തി പ​റ​ഞ്ഞ് മ​ടു​ത്ത പ്ര ദേശവാസികൾ മറ്റു വഴികൾ ആ ലോചിക്കുകയാണ്.