വലപ്പാട് ഉപജില്ലാ സ്‌കൂള്‍ കലോത്സവം: ചെന്ത്രാപ്പിന്നി എച്ച്എസ്എസും വാടാനപ്പിള്ളി കെഎന്‍എംഎച്ച്എസ്എസും ജേതാക്കള്‍ : Deepika.com Nattu Visesham

THRISSUR

വലപ്പാട് ഉപജില്ലാ സ്‌കൂള്‍ കലോത്സവം: ചെന്ത്രാപ്പിന്നി എച്ച്എസ്എസും വാടാനപ്പിള്ളി കെഎന്‍എംഎച്ച്എസ്എസും ജേതാക്കള്‍

Friday, November 8, 2024 6:46 AM IST

കയ്പമംഗലം: ആവേശം അലയടിച്ച വലപ്പാട് ഉപജില്ലാ സ്‌കൂള്‍ കലോത്സവത്തില്‍ ഹൈസ്‌കൂള്‍ വിഭാഗത്തില്‍ വാടാനപ്പിള്ളി കെഎന്‍എംവിഎച്ച്എസ് സ്‌കൂളും ഹയര്‍സെക്കന്‌ഡറി വിഭാഗത്തില്‍ എച്ച്എസ്എസ് ചെന്ത്രാപ്പിന്നിയും ജേതാക്കളായി. എച്ച്എസ് വിഭാഗത്തില്‍ എച്ച്എസ്എസ് ചെന്ത്രാപ്പിന്നിയും എച്ച്എസ്എസ് വിഭാഗത്തില്‍ നാട്ടിക എസ്എന്‍ ട്രസ്റ്റ് സ്‌കൂളും രണ്ടാം സ്ഥാനത്തെത്തി.

യുപി വിഭാഗത്തില്‍ എസ്എന്‍പിയുപിഎസ് തളിക്കുളം, സെന്‍റ് ഫ്രാന്‍സിസ് സേവ്യര്‍ ആര്‍സിയുപിഎസ് വാടാനപ്പിള്ളി, സെന്‍റ് ആന്‍സ് സിയുപിഎസ് എടത്തിരുത്തി, എച്ച്എസ്എസ് ചെന്ത്രാപ്പിന്നി എന്നീ സ്‌കൂളുകള്‍ ഒന്നാംസ്ഥാനം പങ്ങിട്ടു. ഏങ്ങണ്ടിയൂര്‍ സെന്‍റ് തോമസ് എച്ച്എസിനാണ് രണ്ടാംസ്ഥാനം. എല്‍പി വിഭാഗത്തില്‍ എസ്എന്‍പിയുപിഎസ് തളിക്കുളം, എച്ച്എസ്എസ് ചെന്ത്രാപ്പിന്നി, എസ്എന്‍ഡിപിഎല്‍പിഎസ് നാട്ടിക സൗത്ത്, കെഎംയുപിഎസ് നാട്ടിക വെസ്റ്റ്, സെന്‍റ് തോമസ് എല്‍പിഎസ് ഏങ്ങണ്ടിയൂര്‍ എന്നീ സ്‌കൂളുകള്‍ ഒന്നാംസ്ഥാനം പങ്കിട്ടു. വിവിയുപിഎസ് പള്ളിപ്പുറം ആണ് രണ്ടാംസ്ഥാനത്തെത്തിയത്. എച്ച്എസ്.അറബിക് കലോത്സവത്തില്‍ എച്ച്എസ്എസ് ചെന്ത്രാപ്പിന്നിയും മോഡല്‍ എച്ച്എസ് പുതിയങ്ങാടിയും ഒന്നാംസ്ഥാനം പങ്കിട്ടു. പെരിഞ്ഞനം ആര്‍എംവിഎച്ച്എസ് രണ്ടാംസ്ഥാനത്തെത്തി.

എച്ച്എസ് സംസ്‌കൃതോത്സവത്തില്‍ ഏങ്ങണ്ടിയൂര്‍ സെന്‍റ് തോമസ് സ്‌കൂളിനാണ് ഒന്നാംസ്ഥാനം. യുപി അറബിക് കലോത്സവത്തില്‍ പെരിഞ്ഞനം ആര്‍എംവിഎച്ച്എസും, വാടാനപ്പിള്ളി കെഎന്‍എംവിഎച്ച്എസും, തളിക്കുളം എഎംയുപിഎസും ഒന്നാംസ്ഥാനം പങ്കിട്ടു. പെരിഞ്ഞനം ജിയുപിഎസ്, ആര്‍സിയുപിഎസ് കയ്പമംഗലം, എസ്എന്‍പിയുപിഎസ്.തളിക്കുളം എന്നീ സ്‌കൂളുകള്‍ രണ്ടാംസ്ഥാനവും പങ്കിട്ടു.