വീ​ണ്ടും എം​ജി റോ​ഡ് വി​ക​സ​നം; പ​ടി​ഞ്ഞാ​റെ​കോ​ട്ട​യി​ൽ മേ​ൽ​പ്പാ​ലം
Sunday, November 10, 2024 6:36 AM IST
തൃ​ശൂ​ർ: ക​രാ​റു​കാ​ര​ൻ കു​ഴി​ച്ചു​മൂ​ടി​യ എം​ജി റോ​ഡ് വി​ക​സ​നം കോ​ർ‌​പ​റേ​ഷ​ൻ വീ​ണ്ടും പു​റ​ത്തെ​ടു​ത്തു മി​നു​ക്കാ​നൊ​രു​ങ്ങു​ന്ന വേ​ള​യി​ൽ, പ​ടി​ഞ്ഞാ​റെ​കോ​ട്ട ജം​ഗ്ഷ​നി​ൽ മേ​ൽ​പ്പാ​ല​മെ​ന്ന പ​തി​റ്റാ​ണ്ടി​ല​ധി​കം പ​ഴ​ക്ക​മു​ള്ള വി​ക​സ​ന​സ്വ​പ്ന​ത്തി​നും വ​ഴി​യൊ​രു​ങ്ങു​ന്നു.

കാ​ൽ​വ​രി റോ​ഡി​ൽ​നി​ന്ന് ബി​ന്ദു തി​യേ​റ്റ​ർ റോ​ഡി​ലേ​ക്കു മേ​ൽ​പ്പാ​ലം പ​ണി​യു​മെ​ന്നാ​ണ് പ​റ​ഞ്ഞി​രു​ന്ന​തെ​ങ്കി​ലും പു​തി​യ പ്ര​പ്പോ​സ​ലി​ൽ അ​ര​ണാ​ട്ടു​ക​ര റോ​ഡി​ൽ​നി​ന്ന് ബി​ന്ദു തി​യേ​റ്റ​ർ റോ​ഡി​ലേ​ക്കു മേ​ൽ​പ്പാ​ലം പ​ണി​യാ​നാ​ണു നീ​ക്കം. ഇ​തോ​ടെ ആ​റു പ്ര​ധാ​ന വ​ഴി​ക​ൾ സം​ഗ​മി​ക്കു​ന്ന, ഭ​ര​ണ​സി​രാ​കേ​ന്ദ്ര​ത്തി​നു​മു​ന്പേ​യു​ള്ള ജം​ഗ്ഷ​നി​ൽ ഗ​താ​ഗ​തം സു​ഗ​മ​മാ​കും.

പ​ടി​ഞ്ഞാ​റെ​കോ​ട്ട​യി​ൽ മേ​ൽ​പ്പാ​ലം നി​ർ​മി​ച്ച് ഗ​താ​ഗ​ത​ക്കു​രു​ക്കി​നു പ​രി​ഹാ​രം കാ​ണു​മെ​ന്ന പ്ര​ഖ്യാ​പ​ന​ത്തി​ന് ഒ​രു പ​തി​റ്റാ​ണ്ടി​ല​ധി​കം പ​ഴ​ക്ക​മു​ണ്ട്. ഉ​മ്മ​ൻ​ചാ​ണ്ടി സ​ർ​ക്കാ​രി​ന്‍റെ കാ​ല​ത്തു മേ​ൽ​പ്പാ​ലം നി​ർ​മാ​ണ​ത്തി​നാ​യി 35 കോ​ടി രൂ​പ അ​നു​വ​ദി​ക്കു​മെ​ന്നും പ​റ​ഞ്ഞി​രു​ന്നു. തേ​റ​ന്പി​ൽ രാ​മ​കൃ​ഷ്ണ​ൻ എം​എ​ൽ​എ ആ​യി​രു​ന്ന കാ​ല​ത്ത് തൃ​ശൂ​രി​ൽ ന​ട​ന്ന ജ​ന​സ​ന്പ​ർ​ക്ക​പ​രി​പാ​ടി​യി​ലാ​ണു തു​ക വാ​ഗ്ദാ​നം ചെ​യ്ത​ത്. എ​ന്നാ​ൽ വ​ർ​ഷ​ങ്ങ​ൾ ഒ​രു​പാ​ടു ക​ഴി​ഞ്ഞി​ട്ടും സ​ർ​ക്കാ​രു​ക​ൾ മാ​റി​ഭ​രി​ച്ചി​ട്ടും വി​ക​സ​നം ക​ട​ലാ​സി​ലൊ​തു​ങ്ങി.

ജം​ഗ്ഷ​നി​ലെ പ​ഴ​യ കെ​ട്ടി​ട​ങ്ങ​ൾ പൊ​ളി​ച്ചു​മാ​റ്റി റോ​ഡ് വീ​തി​കൂ​ട്ടു​ക മാ​ത്ര​മാ​ണു ചെ​യ്ത​ത്. തു​ട​ർ ഭ​ര​ണ​ങ്ങ​ളി​ൽ തൃ​ശൂ​രി​ൽ​നി​ന്ന് ഒ​ന്നി​ല​ധി​കം മ​ന്ത്രി​മാ​രും എം​പി​മാ​രും ഉ​ണ്ടാ​യി​ട്ടും പ​ടി​ഞ്ഞാ​റെ​കോ​ട്ട വി​ക​സ​ന​ത്തി​നാ​യി യാ​തൊ​രു ന​ട​പ​ടി​യും പി​ന്നീ​ടു​ണ്ടാ​യി​ല്ല. എം​ജി റോ​ഡ് വി​ക​സ​നം ക​രാ​റു​കാ​ര​ന്‍റെ കെ​ടു​കാ​ര്യ​സ്ഥ​ത​യി​ൽ മു​ട​ങ്ങു​ക​യും ചെ​യ്തു.

എം​ജി റോ​ഡ് വി​ക​സ​ന​ത്തി​നാ​യി ന​ടു​വി​ലാ​ലി​ലെ കെ​ട്ടി​ട​ങ്ങ​ൾ പൊ​ളി​ച്ചു​മാ​റ്റി​പ്പ​ണി​തു വീ​തി​കൂ​ട്ടി​യി​രു​ന്നു. ജം​ഗ്ഷ​നി​ലെ വീ​ട്ടു​കാ​രും സ്ഥ​ലം വി​ട്ടു​കൊ​ടു​ത്തു കോ​ർ​പ​റേ​ഷ​നോ​ടൊ​പ്പം ചേ​ർ​ന്നു. എ​ന്നാ​ൽ തു​ട​ർ​കാ​ര്യ​ങ്ങ​ളി​ൽ ആ​വേ​ശ​മു​ണ്ടാ​യി​ല്ല. ഈ ​റോ​ഡി​ന്‍റെ വ​ശ​ങ്ങ​ളി​ലു​ള്ള ട്രാ​ൻ​സ്ഫോ​ർ​മ​റു​ക​ൾ മാ​റ്റി​സ്ഥാ​പി​ക്കാ​നു​ള്ള ശ്ര​മം​പോ​ലും പി​ന്നീ​ടു​ണ്ട​യി​ല്ല. പു​തി​യ പ്ര​പ്പോ​സ​ലി​ൽ വൈ​ദ്യു​തി​ലൈ​നു​ക​ള​ട​ക്കം ഭൂ​മി​ക്ക​ടി​യി​ലൂ​ടെ സ്ഥാ​പി​ച്ചു​കൊ​ണ്ടാ​ണു വി​ക​സ​നം സാ​ധ്യ​മാ​ക്കു​ക. ന​ടു​വി​ലാ​ൽ​മു​ത​ൽ പാ​റ​യി​ൽ​വ​രെ 21 മീ​റ്റ​റും തു​ട​ർ​ന്ന് 25 മീ​റ്റ​ർ വീ​തി​യു​മാ​ണ് റോ​ഡി​നു​ണ്ടാ​കു​ക.

സ്വ​ന്തം ലേ​ഖ​ക​ൻ
Copyright @ 2018 , Rashtra Deepika Ltd.