രാ​ജ്യ​സ​മ്പ​ത്ത് കൊ​ള്ള​യ​ടി​ച്ച് കോ​ർ​പറേ​റ്റുകൾ​ക്കു സ​മ്മാ​നി​ക്കു​ന്നത് കേന്ദ്രസർക്കാർ: വി.ഡി. സതീശൻ
Sunday, November 10, 2024 6:37 AM IST
തി​രു​വി​ല്വാ​മ​ല: രാ​ജ്യ​ത്തി​ന്‍റെ സ​മ്പ​ത്ത് കൊ​ള്ള​യ​ടി​ച്ച് കോ​ർ​പറേ​റ്റ് സ്ഥാ​പ​ന​ങ്ങ​ൾ​ക്കു സ​മ്മാ​നി​ക്കു​ന്ന ഇ​ട​നി​ല​ക്കാ​രു​ടെ ജോ​ലി​യാ​ണ് ന​രേ​ന്ദ്ര​മോ​ദിയു​ടെ ഭ​ര​ണ​കൂ​ടം ചെ​യ്യു​ന്ന​തെന്ന് പ്ര​തി​പ​ക്ഷനേ​താ​വ് വി.ഡി. സ​തീ​ശ​ൻ. ചേ​ല​ക്ക​ര ഉ​പ​തെ​ര​ഞ്ഞെ​ടു​പ്പി​നോ​ട​നു​ബ​ന്ധി​ച്ച് തി​രു​വി​ല്വാ ​മ​ല ടൗ​ൺ ബ​സ് സ്റ്റാ​ൻ ഡിൽ യു​ഡി​എ​ഫ് സം​ഘ​ടി​പ്പി​ച്ച തെ​ര​ഞ്ഞെ​ടു​പ്പ് റാ​ലി​യും പൊ​തു സ​മ്മേ​ള​ന​വും ഉ​ദ്ഘാ​ട​നം ചെ​യ്ത് സം​സാ​രി​ക്കു​ക​യാ​യി​രു​ന്നു അദ്ദേഹം. അം​ബാ​നിമാ​രും അ​ദാ​നിമാ​രും ഉ​ണ്ടാ​ക്കി​യെ​ടു​ക്കു​ന്ന അ​വ​രു​ടെ ലോ​ക​ത്താ​ണ് ഇ​വ​ർ ജീ​വി​ക്കു​ന്ന​ത്.

ന​മ്മ​ൾ രാ​ജ്യ​ത്ത് ര​ണ്ടുശ​ക്തി​ക​ളെ​യാ​ണു നേ​രി​ടു​ന്ന​ത്. ഒ​ന്ന് ദേ​ശീ​യ​ത​ല​ത്തി​ൽ വ​ർ​ഗീ​യ​ത മാ​ത്രം മു​ഖ​മു​ദ്ര​യാ​ക്കി​യ സം​ഘ​പ​രി​വാ​ർ സ​ർ​ക്കാ​ർ. ന​മ്മ​ൾ ഒ​രു​മി​ച്ച് ജീ​വി​ക്കു​ന്ന​തുക​ണ്ടാ​ൽ, ന​ട​ക്കു​ന്ന​തുക​ണ്ടാ​ൽ അ​വ​ർ​ക്കു സ​ഹി​ക്കി​ല്ല. അ​വി​ടെവ​ന്ന് കു​ത്തി​ത്തി​രി​പ്പ് ഉ​ണ്ടാ​ക്കി ശ​ത്രുക്ക​ളാ​ക്കി അ​തി​ൽനി​ന്ന് രാ​ഷ്ട്രീ​യ മു​ത​ലെ​ടു​പ്പ് ന​ട​ത്തുക​യാ​ണ്.

ന​മ്മ​ളെ പ​ര​സ്പ​രം എ​ങ്ങ​നെ ശ​ത്രു​ക്ക​ളാ​ക്കാം എ​ന്ന​തി​ന്‍റെ ഗ​വേ​ഷ​ണ​മാ​ണ് ന​ട​ത്തി​ക്കൊ​ണ്ടി​രി​ക്കു​ന്ന​ത്. രാ​ജ്യം ഗു​രു​ത​ര​മാ​യ സാ​മ്പ​ത്തി​ക പ്ര​തി​സ​ന്ധി​യി​ലേ​ക്ക് പോ​വു​ക​യാ​ണെ​ന്ന സൂ​ച​ന​യാ​ണുവ​രു​ന്ന​ത്. സ്വാ​ത​ന്ത്ര്യ​ ത്തി​നു​ശേ​ഷം ഏ​റ്റ​വും വ​ലി​യ തൊ​ഴി​ലി​ല്ലാ​യ്മ​യാ​ണു നേ​രി​ടു​ന്ന​ത്. ക​ർ​ഷ​ക​ർ വ​ലി​യപ്ര​യാ​സ​ങ്ങ​ൾ നേ​രി​ടു​ക​യാ​ണ്. കാ​ർ​ഷി​ക മേ​ഖ​ല ത​ക​ർ​ന്നു ത​രി​പ്പ​ണ​മാ​യി. ചെ​റു​കി​ട ഇ​ട​ത്ത​രം വ്യ​വ​സാ​യ​ങ്ങ​ൾ അ​ട​ച്ചു​പൂ​ട്ടു​ന്നു.

ഇ​വി​ടെ അ​നി​യ​ൻ മോ​ദിയു​ടെ ഭ​ര​ണ​മാ​ണ് പി​ണ​റാ​യി ഭ​ര​ണം. ഖ​ജ​നാ​വി​ൽ അഞ്ചുന​യാ​പൈ​സ​യി​ല്ല. അ​ക്ഷ​രാ​ർ​ഥത്തി​ൽ കാ​ലി​യാ​ണ്. കേ​ര​ള​ത്തി​ൽ പൂ​ച്ച​യ്ക്ക് പ്ര​സ​വി​ക്കാ​ൻ പ​റ്റി​യ ഏ​റ്റ​വും ന​ല്ല സ്ഥ​ലം കേ​ര​ള​ത്തി​ന്‍റെ ഖ​ജ​നാ​വാ​ണ്. അ​ഞ്ചുല​ക്ഷ​ത്തി​ന് മു​ക​ളി​ലു​ള്ള ഒ​രു ചെ​ക്കും പാ​സാ​വി​ല്ല.- അദ്ദേഹം പറഞ്ഞു.

എം. ​ഉ​ദ​യ​ൻ അ​ധ്യ​ക്ഷ​ത വ​ഹി​ച്ചു. കൊ​ടി​ക്കു​ന്നി​ൽ സു​രേ​ഷ് എം​പി, യൂ​ത്ത് ലീ​ഗ് അ​ഖി​ലേ​ന്ത്യാ ജ​ന​റ​ൽ സെ​ക്ര​ട്ട​റി ഫൈ​സ​ൽ ബാ​ബു, ജോ​സ് വ​ള്ളൂ​ർ, കെ. ​പ​ത്മ​ജ എ​ന്നി​വ​ർ പ്ര​സം​ഗി​ച്ചു.
Copyright @ 2018 , Rashtra Deepika Ltd.