തിരുവനന്തപുരം: കേന്ദ്ര-സംസ്ഥാന സർക്കാരുകളുടെ നിയന്ത്രണം കോർപ്പറേറ്റു കളുടെ കൈയ്യിലെന്ന് കെപിസിസി ജനറൽ സെക്രട്ടറി കെ.പി.ശ്രീകുമാർ. കർഷക കോൺഗ്രസ് തിരുവനന്തപുരം ജില്ലാ കമ്മിറ്റി സംഘടിപ്പിച്ച സെമിനാറും, കാർഷിക കടാശ്വാസ കമ്മീഷൻ അംഗമായി നിയമിതനായ കെ .സി.വിജയന് നൽകിയ സ്വീകരണവും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
മാനവീയം പോലുള്ള പദ്ധതികളുടെ പേരിൽ കോടികൾ തട്ടുന്ന സർക്കാർ പാവപ്പെട്ട കർഷകർക്ക് നൽകാനുള്ള കുടിശിക പോലും നൽകുന്നില്ല. കാർഷിക വിളകൾക്ക് വിലനൽക്കാത്തത് മനുഷ്യരഹിതമാണെന്നും അദ്ദേഹം പറഞ്ഞു.
കർഷക കോൺഗ്രസ് ജില്ലാ പ്രസിഡന്‍റ് തോംസൺ ലോറൻസ് അധ്യക്ഷനായിരുന്നു. കർഷക കോൺഗ്രസ് സംസ്ഥാന പ്രസിഡന്‍റ് കെ.സി.വിജയൻ, സംസ്ഥാന ഭാരവാഹികളായ എ.ഡി.സാബുസ്, പഴകുളം സതീഷ്, ബാബുജി ഈശോ,
അടയമൺ മുരളി, കോട്ടുകാൽ ഗോപി, റോയി തങ്കച്ചൻ, ആർ.സി.മധു, സി.പി.സലിം, പെരുവിള വിജയൻ, മാരായമുട്ടം രാജേഷ്, അനീഷ് കഴക്കൂട്ടം, സതീന്ദ്രൻ നാടാർ, മുഹമ്മദ് ഇർഷാദ്, പള്ളിക്കൽ മോഹൻ, സുധി കാട്ടാക്കട എന്നിവർ പ്രസംഗിച്ചു.