വിതുര : ഉമ്മൻചാണ്ടി സർക്കാരിന്റെ തീരുമാനപ്രകാരം പ്ലാന്റേഷൻ മേഖലയിലെ പ്രശ്നങ്ങൾ പഠിച്ച് ജസ്റ്റീസ് കൃഷ്ണൻ നായർ കമ്മീഷൻ സമർപ്പിച്ച റിപ്പോർട്ടിലെ ശിപാർശകൾ പൂർണമായി നടപ്പാക്കുക, അടഞ്ഞുകിടക്കുന്ന തോട്ടങ്ങളിലെ തൊഴിലാളികളെ പുനരധിവസിപ്പിക്കുക, തോട്ടങ്ങൾ തുറന്നു പ്രവർത്തിപ്പിക്കുക,
തുടങ്ങിയ ആവശ്യങ്ങൾ ഉന്നയിച്ച് കേരളാ പ്ലാന്റേഷൻ വർക്കേഴ്സ് ഫെഡറേഷൻ (ഐ എൻടിയുസി )സംസ്ഥാന വ്യാപകമായി നടത്തിയ സമരങ്ങളുടെ ഭാഗമായി ജില്ലയിലെ തോട്ടം തൊഴിലാളികൾ വിതുര വില്ലേജ് ഓഫീസിന് മുന്നിൽ കൂട്ട സത്യഗ്രഹം നടത്തി.
സമരം ഐഎൻടിയുസി ജില്ലാ പ്രസിഡന്റും കേരളാ പ്ലാന്റേഷൻ വർക്കേഴ്സ് ഫെഡറേഷൻ സംസ്ഥാന ജനറൽ സെക്രട്ടറിയുമായ വി.ആർ. പ്രതാപൻ ഉദ്ഘാടനം ചെയ്തു.
ഐഎൻടിയുസി അരുവിക്കര മേഖലാ പ്രസിഡന്റ് അരുവിയോട് സുരേന്ദ്രൻ അധ്യക്ഷത വഹിച്ചു. അഡ്വ. സി.എസ്.വിദ്യാസാഗർ, ലാൽ റോഷിൻ, ആനപ്പാറ വിഷ്ണു, ഇ.എം.നസീർ, ആർ.തങ്കദുരൈ, ജയിൻ പ്രകാശ്, വി.അനുരുദ്ധൻ നായർ,
അഡ്വ.ജലിൻ ജയരാജ്, ബി. പ്രതാപൻ, പൊന്മുടി പ്രകാശ്, മേമല വിജയൻ, സുകുമാരി മനോഹരൻ അഴക് രതി, സുരേന്ദ്രൻ നായർ അനിൽകുമാർ തുടങ്ങിയവർ പ്രസംഗിച്ചു.